برنامج ارجوك ماتفتيش... منتهى قله الادب

**mrwho1982** · 03-01-2011 10:47 PM

دي مزيعة سيس والمخرج سيس والطقم كولو سيس

بلا قرف

بالمناسبة لسه جاي النهارده من الشغل لقيت مراتي بتتفرج عالبرنامج ده قلتلها اقلبي علشان مابحبش الست دي

قالتلي لا

انا بيتقلي لا ومش راضي تديني الريموت وبكل بساطة شلت المشترك بتاع الكهرباء واخد تو معايا في جيبي وهي متغااظة وانا في قمة السعادة

**amir** · 03-01-2011 11:06 PM

علي فكره انا معرفش ايه موضوع الهاناتا ده ايه اصلا

نتكلم جد بقي

انا مجبتش سيره ولا فتحت قصه الجمل

انما هو حيوان اليف يقتات علي الاعشاب و النباتات.............

**nicegypt** · 03-01-2011 11:41 PM

المشاركة الأصلية كتبت بواسطة newuser2009

برنامج ارجوك ماتفتيش
برنامج بيتعرض على موجه كوميدي
البرنامج من اول اسمه مستفز و يستحق الايقاف فورا
اسمه بيقول ما تفتيش و الاسم بيسخر من الفتوى
وكأن اي حد بيفتى فهو بيكذب او بيهذي بما لا يعرف
فهل المفتى و علمائنا بيقولو اي كلام ؟؟!!!
ثانيا البرنامج منتهى السخريه من الشعب المصري
ومنتهى قله الادب لما يستغلوا خضه الكاميرا و يضحكوا على الناس بالشكل ده
بيسألو الضيف اسئله مش مفهومه من نوعيه :
ايه رأيك في عاده الهاناتا
المفروض المصريين يتمسكوا بعاده شيري الظريفه بدل الهاناتا ؟
كام واحد من عيلتك عنده عاده الكورن فلكس؟
و اسئله هبل من النوعيه دي....
والناس بترد على حسب سماعها او علشان ما يتحرجوش قدام الكاميرا
لازم البرنامج ده يتوقف و كفايه نهزأ في نفسنا و نضحك علينا العرب و العالم

و ياريت موضوعي ده مايكونش دعايه ليه:i_angr1[1]:

الحمد لله ان شغلي شغلنى عن مشاهدة التلفزيون المستفذ .
وحصل لمرات قليلة مصادفتى مع كاميرات تلفزيون بتصور لحاجات معينة وبرفض تماماَ اصور معاهم
لدرجة ان فى مرة كنت فى معرض الكتاب وكان فية عرض لفودافون كان لسة فودافون جديد ف مصر مكملش سنة ولا اتنين
ولقيت مذيعة نطت من ورايا وتقولي حضرتك اشتريت امتى ؟ رديت ببجاحة اشتريت دلوقتى قدامك من الشباك اهو
مش فاكر قالت لى نصور نقول مش عارف اية ونعمل اية سبتها ومشيت وكانو بيجرو ورايا بالكاميرا .. وكان معايا
والداي العزيز .. طنشونى وراحو لة باردو رفض .. مرة تانية ف اشارة ولسة هطلع ودول نطو وبيصورو مع الناس
وطبعا الناس وقفت حتى العربيات البعيدة عن الكاميرا وقفت ف الاشارة منتظرة الكاميرا تيجي لة وتلاقية مبتسم وبيسرح
شعرة كدة والاشارة فتحت والمفروض نمشى .. والدنيا قفلت بسببهم عبال مقربو منى كنت جريت . بلا وجع دماغ

" بعض الناس " من الشعب المصري نفسى يفهموا ان ظهورك فى التلفزيون لا هيزود ولا هينقص ولا هيزود مرتبك
ونفسى الناس تاخد الموضوع انة عادى خالص .. اية المشكلة تلفزيون وبيصور .. ناس وبتشتغل وتقبض فلوس وبتؤدي شغلها
لية نوقف الطريق ونوقف الدنيا علشان كام واحد عايز يتصور .. ولا اللى بيجرو ويعطلوهم وهما بيصورو .. نفسى نعقل شوية " لبعض الناس "

**SkyBird** · 03-01-2011 11:56 PM

المشاركة الأصلية كتبت بواسطة amir

مع الاعتذار لصاحب الموضوع طبعا علي الخروج عن الموضوع ( و لو ان فكرتك و وجهه نظرك وصلت و بأيدك في العك الفضائي اللي فاضحنا و ممسخرنا امام العالم)

يا د/ احمد

الهاناتا دي عاده لا هي عيب ولا حرام

و من قديم الازل و من فجر وجود الانسانيه علي الارض لجأ الانسان البدائي الي الهاناتا

علي سبيل التنفيث عن غضبه او علي سبيل التسليه و المرح

و كانت العائله كلها تجتمع حول النيران و يمارسون الهاناتا املا في نزول المطر او ظهور الحيوانات للصيد او ما شابه

و مع تقدم الانسان في الرقي و استخدام الاله تطورت طقوس و عادات الهاناتا

فأصبحت تمارس علي نطاق اوسع....

و في تجمعات و مساحات شاسعه...

و اصبح البشر يخصصون من اوقاتهم يوما لممارسه الهاناتا افرادا و جماعات

و مع خوض الانسان البحر للانتقال الي اقصي ربوع الارض لنشر عاده و طقوس الهاناتا.....

اخترع الانسان السفينه

و كما هو معروف فالجمل سفينه الصحراء

و هو حيوان يصبر علي الجوع و العطش اياما عديده و يستخدمه البدو في التنقل و حمل متاعهم و هو حيوان اليف ........................................

ايه ده
الهناتا طلعت بحق وحقيقي
والله فاكرها اشتغالة مع ان الجمل حيوان اليف يصبر على الجوع والعطش الخ الخ الخ

**mahmoud_afifi** · 04-01-2011 12:01 AM

البرنامج ده عامل زي برنامج متخلف كده على قناة Otv اسمه اشتغالات.
يخرب بيت السذاجه الي في الناس. الموضوع ببساطه انهم بيقولوا للناس تيجوا تصوروا ؟
الناس مابتصدق وبعدين يقولولهم هنسألكم كذا وانتم تجاوبوا تقولوا كذا. طبعا من غير تفكير.
وبعدين ذيع يا معلم والناس تلبس

منتهى قلة الادب والانحطاط

**khalid_adel** · 04-01-2011 01:07 AM

هو صحيح مستفز واوفر جدا
بص الصراحه الشعب المصري بيموت في الفتي
لدرجه اني بقى عندي هسس من الموضوع ده ولما حد يسألني في حاجه اقوله انا مبحبش افتي ومردش لو معرفش 100% من الكلام اللي حقوله والناس لما تسألني في الشارع بقول معرفش وخلاص احسن ما اتوه حد
احنا شعب فتاااااايي