رد الخبطات باستخدام "سشوار"

**roky** · 04-01-2011 01:39 AM

أيون .. سشوار .. و هذا خطأ شائع .. النطق الصحيح (إستشوار) .. اللي هو مجفف الشعر يعني ... أنا أستغربت في الاول برضك ..

الفيديو ده بيوضح ازاي ترد الخبطة باستخدام الـ "أستشوار" .. تسخن الحته المخبوطة جامد و بعدين ترش عليه أسبراي الهواء المضغوط ده و العلبة مقلوبة (اللي هو الاسبراي بتاع تنظيف الدواير الالكترونية) و الحقيقة مش عارف علبة بيروسول عادي هاينفع ولا لأ

متهيألي كده ان التفسير العملي انه بعد مابتسخن السطح .. و ترش الاسبراي ده علي السطح الخارجي ..فالسطح بينكمش بسرعة بفعل البرودة .. و لسبب ما الخبطة بترد تاني لبره .. برضك مش قادر افهم قوي .. لكن الفيديو ده يوضح الموضوع

كمان مش عارف الموضوع ده ينفع مع اي خبطة ولا مع الخبطات الصغيرة بس .. لان الفيديو موضح خبطة متوسطة الحجم

YouTube - Car Dent Removal with Hair Dryer and Compressed Air

ياريت بقي لو حد سمع او شاف الموضوع ده علي ارض الواقع يفيدنا فيه ... و انا هاحاول اعرف الاسبراي ده بيتجاب منين .. لان شفت واحد عندنا في الشغل بيستخدمه في تنظيف الكومبيترات من جوه

روكي

**roky** · 04-01-2011 02:13 AM

أسف علي تكرار الموضوع .. لان الجهاز هنج و انا بعتمد المشاركة

أرجو من الادارة حذف الموضوع المكرر

**kete** · 04-01-2011 05:41 PM

مجرد فكره عندنا بمصر ماشاء الله الشمس فى الصيف حلوه حلوه وبعدين ممكن ترش بغاز البوتاجاز بتاع ملىء الولاعات لانه بيبقى سائع فعلا ومع سخونه الصاج فممكن هاجرب وجربو معايا يمكن تكون فكره حلوه

**Egyzizo** · 04-01-2011 05:52 PM

هو مش هوا مضغوط ، ده حاجة زى تلج سائل أو نيتروجين ذو برودة عالية جداً

**roky** · 05-01-2011 01:07 AM

المشاركة الأصلية كتبت بواسطة kete

مجرد فكره عندنا بمصر ماشاء الله الشمس فى الصيف حلوه حلوه وبعدين ممكن ترش بغاز البوتاجاز بتاع ملىء الولاعات لانه بيبقى سائع فعلا ومع سخونه الصاج فممكن هاجرب وجربو معايا يمكن تكون فكره حلوه

باشا ماهو متهيألي الانبوبة اللي هو جايبها دي فيها غاز مضعوط برضك ( و ساقع ) لكن لو كان استخدم انبوبة ملي الولاعات مع الصاج السخن متهيألي كان هايولع ....

هو مش هوا مضغوط ، ده حاجة زى تلج سائل أو نيتروجين ذو برودة عالية جداً

اللي لقيته علي الويكيبديا انه اسم العبوة هواء مضغوط .. لكن اللي جوا مش هوا فعلا .. هو مجموعة غازات مضغوطة و لما بمسك العبوة مقلوبة الغاز بيكون ساقع جدا

Gas duster - Wikipedia, the free encyclopedia

**Ayliz_2009** · 05-01-2011 01:25 AM

سيبك من الكلام ده كله هو فعلا النطق الصحيح استشوار !!!!!!!!!!!!!!!!!!!!!!!!!!!!!!!!!!!!!!!!!!!!!
و ان سشوار ده خطأ شائع !!!!!!!!!!!!!!!
كتر خيرك والله

**roky** · 05-01-2011 01:46 AM

المشاركة الأصلية كتبت بواسطة ayliz_2009

سيبك من الكلام ده كله هو فعلا النطق الصحيح استشوار !!!!!!!!!!!!!!!!!!!!!!!!!!!!!!!!!!!!!!!!!!!!!
و ان سشوار ده خطأ شائع !!!!!!!!!!!!!!!
كتر خيرك والله

أنت كده فهمتني صح

**ALSHaRKAWY** · 24-01-2011 07:06 AM

الان خلاصة التعليقات الموجودة على موقع youtube بخصوص هذا الفيديو: 1-الطريقة دى خدعة وفى شخص بيرد الصاج من الداخل
2- الاسبراى دا مخصص اصلا لنظافة كيبورد الكمبيوتر
3- الاسبراى دا اساساً غاز وليس سايل علشان كده بيقلبوه لكى يرش سايل
4- الفيديو دا من عامين
5- ودى اهم نقطة ففى ناس منهم جربوه عدة مرات والموضوع فشل ولكم تحياتى