الموضوع: اسد عجوز ولا قرد بصحته ؟؟

السلام عليكم
دلوقتى انا محتار فى اختيار سيارة فى حدود 10 ل 15 الف طبعا اللادا كانت اول اختيار بسبب عمليتها والتوافر الشديد لقطع غيارها وانا طبيعتى تحتاج لحاجة تتحمل وبلاقى حاجات فى الحدود دى وموديلات عالية كمان ثمانينات وتسعينات بس بصراحة فيه عربيات بشوفها بتخلى ريقى يجرى لانى اتفاجات مثلا بمرسيدس خنزيرة 77 من 13 ل 18 الف وال504 79من 10 ل 20 الف وبى ام 316 82 ب 15 الف و ماذدا 323 80-84 من 10 ل 15 وهوندا سيفيك واكودر 80-86 من 10 ل 17 الف وحاجات كتير بالنظام ده والحالات جيدة بوجه عام ولاننى من اسكندرية فاليابانى مالهوش سعر عندنا بس المشكلة دلوقتى انى لسة طالع من عربية خسرت بالظبط 80 % من ثمنها ومتعقد وخايف اتورط وشايف اللادا حتى لو طلعت مقلب سهل تتلم ويتصرف عليها ااجى ابص عل دول اقول يا سلام يعنى اركب يابانى او المانى بنفس الفلوس وقطع الغيار بتعيش يعنى حتى لو حاجة بايظة تستحمل معايا لحد ما تفرج واغيرها ااجى من ناحية تانية اخاف من الاسعار الغريبة فى قطع الغيار والاهم عدم التوافر وكل ما اسال محل على قطع غيار حاجة يقولى كلام عايم فرجاء المشاركة بالراى ولا تبخلوا عليا بالرد واسعار قطع الغيار والتجارب الشخصية مع السيارات لاتمكن من الاجابة على
اسد عجوز ولا قرد بصحته ؟؟؟؟

رأيي سيبك من المرسيدس وال bmw القديم ده . انت مش قد مصاريفه وبعدين موديلات بعيده اوي ... خليك في 323 حاله جيده أفضل إختيار ...