تكلفه تركيب فتيس اوتوماتيك في لانسر 99

**khater87** · 04-01-2011 01:34 PM

السلام عليكم
كنت بسأل بخصوص هل ينفع اغير الفتيس المانيوال الي عندي بفتيس اوتو
معايا لانسر 99
وبصراحه انا مستخسر ابيعها وادور علي واحده اوتوماتيك
العربيه حالتها كويسه
فكنت بسأل اهل الخبره هل حد خاض التجربه دي قبل كده وحول العربيه دي من مانيوال الي اوتماتيك
وتكلفه التغيير تقريبا كام
والقطع الي انا هغيرها دي موجوده فين ومين اجدر مركز خدمه يخلص الموضوع ده ..

**prosecutor** · 19-07-2011 09:26 AM

ياريت اى حد يفدنا انا مهتم بالموضوع ده جدا

**pop_king3** · 22-07-2011 11:19 PM

من الافضل تبيعها وتجيب اتوماتيك على ابوه

**montela** · 31-07-2011 10:32 PM

بص ياريس علي حسب خبرتي التمواضعة اقولك ان زي مانت عارف الفتيس الاتوماتيك مفهوش طقم دبرياج اللي بيكون راكب ومتثبت علي الحدافة flywheel اللي هيا في الفتيس المانيوال بناخد منها دوارة العربية عن طريق المارش وبتعمل balance للماتور لان اشواط الاحتراق مش مع بعض فلولاها كنت هتحس بصوت خشن واهتزاز كبير في الماتور اما في الفتيس التوماتيك بيحل محل طقم البرياج ال torque converter اللي متثبتة بحاجة اسمها flex plate وهنا هي وظيفتها الدوارة مع المارش ووزنها خفيف جدا لان اللي بيعمل balance للماتور في الحالة دي هو ال torque convertor نفسة فكدة انت محتاج تغير فتيس بحدافة بطقم دبرياج دة في حالة ان مفيش صعوبات تصمميمة واجهتك وانت بتركب
تاني حاجة هتعوز تغير عصاية الفتيس نفسها بعصاية مانيوال وهتجيب لافيهات
ثالثا هتعوز تركب كنترول للفتيس الاتوماتيك دة علشان توقيت النقلات
رابعا هتعوز تعمل can bus بين كمبيوتر الماتور وكمبيوتر الفتيس ودة استحالة
خاميا هتعوز تزةد حساسات في العربية زي internal speed sensor وكمان output vehicle speed sensor ودول الحساسن اللي باضة لشوية حساسات تانية عن طريقهم كنترول الفتيس بيحدد زمن النقلات
سادسا هتعوز تغير التابلة لان مفهوش مكان لظهور رقم الغيار زي ال d,p,r,n
سابعا دة كلة بالاضافة لشوية حاجات تانية
ثامنا واخيرا انت تغير العربية كلها اوفرلك واحسن ليك

**khater87** · 19-08-2011 09:02 PM

يالهوووووووي
كل ده ...
اشمعن الناس بتوع اللانوس عملووووووها ..
زعلت :(

**Eslam.Elrefaey** · 20-08-2011 01:03 AM

من الآخر دخل الماتور بتاعك فى ماتور 1500 كامتين او 1600 مايفك مع فتيس تيب ترونيك وادفع فرق من 3000 حتى 6000 حسب الشغل وكده وعيش وهيبقا شغل من الآخر ونظيف وبس