استفسارات بخصوص الصني والشراء
السلام عليكم ورحمة الله وبركاته
الاعضاء المحترمين
تحية طيبة وبعد
انا بفكر جديا في شراء الصني باذن الله وانا بقالي فترة بدرس وبذاكر العربية وبتفرج عليها بس الملحوظة اللي لسه مقلقاني هي ضيق الصالون يمكن العرض مش الطول
انا طويل حوالي 180 سم ومليان لما رجعت الكرسي للاخر حسيت ان المكان لسه ضيق بالذات عرض الكرسي مش طوله يعني حاسس اني مش مرحرح مش ضيق يعني وحاسس ان ده نتيجة ان رجلي الشمال بتخبط في مسند الباب بتاع الزراير (معايا فورد اسكورت حاسس اني ببقى مرحرح في الكرسي )
فهل في فرق فعلا في عرض الكرسي او القعدة بينها وبين العربيات اللي زيها (اللانسر مثلا) ولا ده احاسيس
ارجو من الزملاء اللي عندهم العربية ومجربينها يجاوبوني ويعلقو على كلامي
-وايضا هل الدركسيون ابعاده صغيرة لاني حاسس انها صغيرة
-واخيرا منين احسن وارخص مكان او معرض اشتريها منه
وجزاكم الله خيرا