الله يبارك فيك يا رب العالمين
ان شاء الله قريب هعمل تقرير مفصل عنها بس لاني بعمل فيها شغل و لما انتهي منه هيكون مدعم بالصور ان شاء الله
بص يا سيدي
بالنسبه لموضوع السعر ده انا هقولك المفيد
اولا انا مهندس ميكانيكا فلما احسب حسبه زي دي هيكون الموضوع معايا حته علمي علي حته فني شويتين
ماشي ؟
ثانيا خلينا نتكلم بحياديه
انا عاوز اشتري اليومين دول عربيه و السوق كله امامي ايه اللي دفعني اشتري ال 305 ؟
بالنسبه للعيوب و ده اللي هبدأ بيه
موضوع قطع الغيار اللي سألت عليه
قطع الغيار فعلا قليله----بس استني ثانيه
اصل الناس فاكره قليله يعني ايه ؟ يعني مثلا حاجه نمنمه باظت و عاوز تغيرها لازم هتروح كولومبيا تشتريها
لا طبعا
قطع غيار ال 305 قليله لكن موجوده عند كل بتوع البيجو اللي شغالين فيه
و لو قارنت قطع غيار البيجو عامه بافيات مثلا هتلاقي ان الفيات منتشر جدا
و ده عيب و الله مش ميزة عارف ليه
لما تلاقي قطع الغيار منتشره جدا و مرطرطه يبقي بتستهلك كل شويه صح ؟
و معني كده ان ساعتك هتشتري القطعه سين و بعد يومين القطعه صاد و بعد سهرين اتلقطعه سين اللي اشتريتها باظت فهترجع تشتريها تاني و هكذا
يعني المختصر قطع الغيار فعلا و بامانه موجوده
ثم في نقطه كمان و ده المهم
انت لما تشتري عربيه زي البيجو لا غبار عليها كعربيه هتغير قطع غيار اد ايه ؟
منا انزل لمكان نظيف و بيبيع قطع غيار نظيفه و اشتري و اركب و انسي الدنيا و امشي في امان
و في كمان نقطه
علشان الناس اللي بتقول قطع الغيار غاليه
هيا غاليه بالكم رخيصه جدا بالكيف
و تعالي افسرهالك
يعني مثلا ممكن تلاقي قطعه غيار في الفيات ب 150 جنيه
تلاقي زيها في 305 ب 400 جنيه
تقول لا كده الفرق باين
اقولك ثانيه
القطع بتاعت الفيات اللي ب 150 جنيه عمرها 6 شهور
و اللي في ال 305 اللي ب 400 جنيه عمرها 5 سنين
يبقي دفعت 3 اضعاف السعر و اخدت 10 اضعاف العمر
يبقي انهي اوفر ؟
انا مش بقول علشان متحيز
طب انا ايه اللي رماني علي ال 305 ؟ قله خبره ؟ منا بقولك انا من فضل الله مهندس و عارف بنفسي اللي فيها
و يعني بتاعه ابويا و ادهالي و لا لقيتها ؟ لا انا شريها بنفسي
ده بالتفصيل اللي في ال 305
اسف للاطاله
و انا عند وعدي بالتقرير المفصل
بعد الانتهاء ان شاء الله من الاصلاحات
المفضلات