يا بشمهندس أحمد أنا عندي مشكلة مشابهة بس بتحصلي الصبح فقط. والعربية باردة قبل ما تتحرك.
(دي الحالة الأولي.)
طبعا الكلام دا بعد ما بسيبها تسخن شوية وساعات لحد ما توصل ل 70 درجة,
وبحطها علي ال d وأجي أطلع بيها ماشي براحة ال rpm بيفضل يعلي مع أن دوستي خفيفة ويتأخر في النقلة.
لحد ما يوصل 2500 أو 3000 لفة بعدين ينقل للتاني مع صوت نتشة وأحساس برزعة من تحتيا.

ويفضل يتكرر الموضوع دا لمدة 10 دقايق لربع ساعه, كل ما أقف عشان مطب أو ناس تعدي.
لحد علي ما أعتقد ما يكون زيت الفتيس سخن بينقل عادي ومش بيغيب ومن غير نتشة أو رزعه.

(الحالة التانية) لما بكون رايح مشوار ومستعجل ورجلي تقيلة علي البنزين في وسط الزحمة عشان الحق أوصل بدري.
*وطبعا النتشة الأولي بتكون راحت والفتيس مبقاش بارد لسه زي الصبح.*
وأقف مرة واحدة من الزحمة أما الطريق يقف. بعد ما العربية تقف خالص خلاص 0 كيلو\متر بحس وبسمع رزعة في الفتيس لدرجة أني كذا مرة أفكر أن في واحد مستعجل ورايا وخبطني من ورا.!! ربنا يحفظنا.

بحس أنها أخدت الأول متأخر ورزعت عشان أخدتها وهيا واقفة مش وهيا ماشية. "لأن النتشة دايما ما بين الأول والتاني"
لأني لو هديت براحة مش وقفت وقوف مفاجئ مش بتعمل الرزعة دي.

حتي لما بجيب ال ستيب ترونيك وأكون ماشي علي التالت وأجي أديها تاني "نازل" أو من تاني لأول بحس أنها مش مستريحة وهيا بتاخد الغيار الأقل.
لكن لو من أول لتاني ومن تاني لتالت "طالع" عادي.

بالنسبة لحالة الصبح أنا حليتها مؤقتاً بأني بجيب ال ستيب ترونيك وأنا طالع وأنقلها بدري من أول لتاني قبل ما توصل ل 20 كيلو.
والنتشة مش بتظهر لحد ما ما الفتيس بيسخن وأكون مشيت حوالي 10 دقايق بديها ال d وأكمل عادي..

وبالنسبة للحالة التانية أما بكون داخل علي حته زحمة وخلاص عارف أني هقف خالص 0 كيلو\متير هقف بمور قبل ما أقف. *وياريت اللي يجي يعمل كدا ياخد باله جداً جداً عشان ميديهاش r زي ما كان هيحصل معايا قبل كدا ويكون واخد باله جداً....

أتمني لو مشكلة واضح سببها أو ليها حل تشاركوني بيه.