موسوعة أسعار معظم قطع غيار الفيات تمبرا

**heshamzaky** · 02-05-2011 12:30 AM

دى بوبينة الكهرباء الاصلية بتاعت التمبرا و دى مهمة و سعرها جديد 140 جنية و سعرها أستيراد 70 جنية الاصلية

**heshamzaky** · 02-05-2011 12:33 AM

و دة ال ديجيبلكس بتاع التمبرا و طبعا صعب تجيبة جديد و دة لة أرقام و سعرة يتراوح ما بين 200 الى 250 جنية حسب البائع و الرقم المطلوب
و طبعا أكثر رقم يمشى مع أى عربية تمبرا تقريبا هو 474a and 474m

**heshamzaky** · 02-05-2011 12:39 AM

سير الكاتينة بتاع التمبرا الاصلى نوع اسمة ريكامبى و دة سعر من 85 الى 100 جنية حسب المكان و موجود و لا لآ و النوع الاخر ال بوش الالمانى و دة ممكن يكونب 60 جنية

**heshamzaky** · 02-05-2011 12:45 AM

بلية سير كاتينة الايطالى ب 30 جنية

**BIG** · 07-05-2011 07:45 AM

الله ينور ياباشا علي المعلومات دي ياريت لو تقدر تمدني بمعلومات عن مكونات الماتور وشرح لي ويا ريت ياجماعة لوحد يعرف كهربائي كويس في اسكندرية اصل انا لايص مش للاقي كهربائي شغال في التمبرا

**BIG** · 07-05-2011 07:58 AM

ياجماعة دلوقتي كل محلات قطع الغيار الجديدة والاستعمال في القاهرة طب الاسكندرانية يعملوا ايه لازم ننزل القاهرة

**BIG** · 07-05-2011 08:00 AM

العربية عندي مش مكيفة وعايز اركب تكييف ممكن حد يقولي اعمل ايه وحيتكلف كام

**JUVENTUS** · 07-05-2011 03:53 PM

المشاركة الأصلية كتبت بواسطة big

الله ينور ياباشا علي المعلومات دي ياريت لو تقدر تمدني بمعلومات عن مكونات الماتور وشرح لي ويا ريت ياجماعة لوحد يعرف كهربائي كويس في اسكندرية اصل انا لايص مش للاقي كهربائي شغال في التمبرا

المشاركة الأصلية كتبت بواسطة big

ياجماعة دلوقتي كل محلات قطع الغيار الجديدة والاستعمال في القاهرة طب الاسكندرانية يعملوا ايه لازم ننزل القاهرة

المعلومات لو راجعت الرابطة بتاعت التمبرا او استخدمت البحث هتلاقي اللي انت عايزه بالصور
كهربائي و بتوع قطع غيار في اسكندرية للاسف محدش عنده فكرة لانه مفيش حد من الرابطة بتاعت التمبرا ساكن في اسكندرية

المشاركة الأصلية كتبت بواسطة big

العربية عندي مش مكيفة وعايز اركب تكييف ممكن حد يقولي اعمل ايه وحيتكلف كام

التكييف كامل بكل مشتملاته استيراد يعمل 2000 جنيه و مش اقل من 700 جنيه شاملة المصنعية و الشحن

**heshamzaky** · 07-05-2011 04:04 PM

يوفنتوس قالك المفيد للأسف كلنا من القاهرة مش عارف أى حاجة فى الاسكندرية خالص

**heshamzaky** · 07-05-2011 04:20 PM

موضوع أنك تركب تكيف فى عربية تمبرا هو سهل بس عاوز شوية معرفة لطبيعة العربية بتاعتك و ممكن جدا يركب و مش حا تقول بعد ما يركب أنة متركب لانك بتحط كل حاجة الاصلى بتاعت العربية
المكونات ................
كومبريسور للتكيف
خراطيم التكيف و المكثف بتاع الفريون أو بيقولو علية فلتر ألومونيوم
هاوزنج كامل بداخلة المروحة بتاعت الهواء لان المروحة بتاعت العربية الى مش مكيفة اصغر المروحة الداخلية بتاعت هواء التكيف و طبعا الهاوزنج دة بداخلة التلاجة بتاعت الفريون
الرادياتير بتاع العربية المكيفة و ممكن لو الرادياتير بتاعك كويس تستغنى عن الرادياتير ما تجيبهوش
ترموستات 2 سرعة الاصلى بتاعت التمبرا
السربنتينة بتاعت التكيف
ضفيرة الكهرباء الى بتركب فى مجموعة كهرباء المروحة بتاعت الرادياتير
مروحة رادياتير بتاعت تمبرا مكيف بالمكثف بتاع المروحة بتاعها
لو القربة عندك بتاعت المياة موجودة ما تجيبش قربة مياة
قاعدة موتور يمين علشان يركب عليها الكومبريسور
طنبورة كرنك علشان السير بتاع التكيف يركب عليها بين الطمبورة و الكومبريسور
كل دة ب 2000 جنية مجمع كمشتروات