الطريقة المثلى لأستخدام الفتيس الأستبترونك؟؟؟

**smartchoice** · 04-01-2011 09:57 PM

السلام عليكم ورحمة الله وبركاته

أنا ناوى ان شاء الله أجيب كيا سول أستبترونك فكنت عاوز اعرف من الناس اللى معاها سيراتو و كارينز أزاى بيستخدموا الأستبترونك

اللى أنا اعرفه أنك أول ما تجيب عليه بيجى على الغيار التالت طيب لو انا عاوز أرجع للأتوماتيك أروح مرجع علطول و لا برجع تانى للغيار التالت الأول و لا أيه ؟؟؟
فى أنتظار مساعدتكم

**ahmed_52869** · 04-01-2011 10:05 PM

ماهو الغيار الأستبترونك

**smartchoice** · 04-01-2011 10:12 PM

المشاركة الأصلية كتبت بواسطة ahmed_52869

ماهو الغيار الأستبترونك

بيبقى الفتيس الأتوماتيك فى + و - و ده معناه كأنك بتسوق مانيوال و علشان تزود النقلة تجيب ناحية + و العكس زى الصورة دى كده

**yasserelsayad** · 05-01-2011 12:16 AM

لما تبقى ماشى على الـ d وتجيب الاستيبترونيك مش هتحس بأى فرق خالص لان هو بيخليك بس تتحكم يدويا فى النقل لكن لو انت ماشى على الثالث على الـ d ونقلت على الاستيبترونيك هتنقل على الثالث باردوا ولو كنت ماشى على الثانى هتنقل على الثانى وممكن ترجع للـ d عادى تانى مفيش اى مشكلة يعنى ممكن تكون ماشى على الثانى على الـ d تروح ناقل على الاستيبترونيك هتلاقى نفسك على الثانى باردوا لو عايز مثلا تنقل على الثالث تروح تجيب ناحية + هتلاقى العربية نقلت وكتبلك على الشاشة 3 لو عايز ترجع للـ d مفيش اى مشكلة ومش هتحس باى نتشة ولا اى حاجة. وكمان فى حماية فى الاستيبترونيك يعنى مينفعش تسقط نقلة غلط عشان الفتيس ميحصلهوش حاجة

**Deshahcoka** · 06-01-2011 03:15 AM

ملوش اي لزمة و لا فيه فرق غير انك تفضل معلق على الغيار و تمشي ار بي ام عالي و كدة او كدة لما تحرق على الغيار هينقل !

**hhhggg** · 06-01-2011 11:12 PM

الاستبترونك زى الفتيس العادى بس بدون دبرياج ممكن تبتدى من الثبات على النقله الاولى و بعدين الثانى و هكذا و اذاكنت فى وضع حركه و انت على ال d و حولت للاستبترونك حييكون على النقله الى انت ماشى عليها و احسن استخدام للاستبترونك فى المنحدرات لانك بتثبيت الثانى او الثالث و اعتمادك على الفرامل حيكون مش اساسى او فى المطلع للحفاظ على العزم او لتفادى التاخير فى النقل الى عادة بيكون فى الاوتو و انا بستخدمه فى الاحوال دى فقط .
ارجو انى اكون وضحت

**NoRmAl** · 07-01-2011 03:26 PM

المشاركة الأصلية كتبت بواسطة ComputerKing

ملوش اي لزمة و لا فيه فرق غير انك تفضل معلق على الغيار و تمشي ار بي ام عالي و كدة او كدة لما تحرق على الغيار هينقل !

هو لازمته أنه بيسمحلك أنك تنقل عن الrpm الى أنت عايزه وبدقه عاليه متقدرش تتحكم فيها بدوستك وأنت على الd
طيب ليه بقول كدا؟
لأن فى موضوع فى فيات "مش عارف قريته ولا لأ" فيه أن مش النقله عند الريد لاين هى ألى هتديك أعلى أكسلريشن!!
لأ دا المفروض تنقل عند rpm معين لكل ترس علشان تمشى على منحنى العزم وبالتالى تحصل على أعلى تسارع
فلنفترض مثلا أنك محتاج تنقل عند rpm 5200 علشان تعمل الى بنقول عليه دا
تقدر تقولى هتعملها أزاى من غير التبترونيك؟!
مستحيل تعرف تعملها بدوستك بس!
ودا الفرق بين عربيه أوتوماتيك و عربيه تبترونيك

**yasserelsayad** · 07-01-2011 05:55 PM

المشاركة الأصلية كتبت بواسطة normal

هو لازمته أنه بيسمحلك أنك تنقل عن الrpm الى أنت عايزه وبدقه عاليه متقدرش تتحكم فيها بدوستك وأنت على الd
طيب ليه بقول كدا؟
لأن فى موضوع فى فيات "مش عارف قريته ولا لأ" فيه أن مش النقله عند الريد لاين هى ألى هتديك أعلى أكسلريشن!!
لأ دا المفروض تنقل عند rpm معين لكل ترس علشان تمشى على منحنى العزم وبالتالى تحصل على أعلى تسارع
فلنفترض مثلا أنك محتاج تنقل عند rpm 5200 علشان تعمل الى بنقول عليه دا
تقدر تقولى هتعملها أزاى من غير التبترونيك؟!
مستحيل تعرف تعملها بدوستك بس!
ودا الفرق بين عربيه أوتوماتيك و عربيه تبترونيك

عايز اقولك حاجة ان افضل وقت انك تنقل فى السيراتو هى عند الريد لاين عشان احنا حسبناها ساعتها فى الموضوع اللى بتقول عليه دا وكان كله عند الريد لاين او قبله بـ 100 مثلا

-

-

الموضوع: الطريقة المثلى لأستخدام الفتيس الأستبترونك؟؟؟

LinkBack

أدوات الموضوع

عرض

الطريقة المثلى لأستخدام الفتيس الأستبترونك؟؟؟ - انشر الموضوع فى :

-

-

-

-

المواضيع المتشابهه

ما هي الطريقة المثلى لتفريغ مياه التبريد من الفيكتر a

الوثيقة المثلى للتأمين على الحياة

ما هي الطريقة المثالية للحفاظ علي الفتيس الاوتوماتيك؟

ما هى الطريقة الصحيحة فى استخدام الفتيس الاتوماتيك للبرسونا

عاوز اركب العدة ديه وعايز المساعده فى الطريقة المثلى للتركيب

الكلمات الدلالية لهذا الموضوع

المفضلات

المفضلات

ضوابط المشاركة