الموضوع: ما هى الطريقة الصحيحة فى استخدام الفتيس الاتوماتيك للبرسونا

الطبيعى انك تمشى على D انما ال L او 2 او 1 للاستخدام لما تكون طالع مطلع و العربيه مش عارفه تطلعه فحاول بقدر الامكان متستخدمهمش و ال D هيديك الى انت عايزه من العربيه ...
يعنى مثلاعلى D و ماشى على سرعه معينه و عايز تجرى فجاه دوس جامد على الدواسه جامد هتلاقى العربيه سقطت نقله 0يعنى لو على 4 هتنزل لل3 ) ....
لو عايز تطير بقى دوس الدواسه لاخرها و ده اسمه كيك داون ...هتحس ان العربيه وشها نط لفوق و سحبت جاااااااامد و طبعا هتلاقى صوتها على ...و كذلك ال Rbm .....

لما تكون العربية غرسة فى رمال تستخدم L
2 ده الغيار التانى
3 ده الغيار الثالث
R ده طبعا للرجوع للخلف
d اى نوع من انواع السواقة يعنى طول ما انت ماشى بالعربية خليك على d
p لما تركن العربية

المشاركة الأصلية كتبت بواسطة eslamwega

لما تكون العربية غرسة فى رمال تستخدم L
2 ده الغيار التانى
3 ده الغيار الثالث
R ده طبعا للرجوع للخلف
d اى نوع من انواع السواقة يعنى طول ما انت ماشى بالعربية خليك على d
p لما تركن العربية

معليش أصلي ما ليش اي خبرة مع الأوتوماتيك خالص:

طيب يعني ايه غيار تاني و غيار تالت و العربية اوتوماتيك؟!!! يبقى لزمتهم ايه من الأصل؟ و لا الخواجة عاملهم ديكور علشان ما يبقاش مجرى الفتيس فاضي؟!!!:10D5C8~1107:

المشاركة الأصلية كتبت بواسطة saidbakr

معليش أصلي ما ليش اي خبرة مع الأوتوماتيك خالص:

طيب يعني ايه غيار تاني و غيار تالت و العربية اوتوماتيك؟!!! يبقى لزمتهم ايه من الأصل؟ و لا الخواجة عاملهم ديكور علشان ما يبقاش مجرى الفتيس فاضي؟!!!:10D5C8~1107:

الثاني و الثالث في الأوتوماتيك علشان لو عايز عزم عالي و كدا أن بتجبر الفتيس أنه ما يغيرش لسرعة أعلى و بكدا تأخد منه عزم أعلى علشان لفات الموتور هاتزيد جامد و كمان تأخد أقصى سرعة حصانية ممكنة
و طبعا ده غلط في الأستخدام الكتير
و أفضل المواقف الي بتستخدمها فيه هو لو أنت محمل العربية و طالع مطلع رزل ......... فتروح مسقط نقلة للثاني أو الثالث حسب سرعة العربية و أنت ماشي عليها .
يعني مينفعش تكون ماشي على 100 و هوب فجأة تنزل للثاني !!!
و الناس بتستخدم الثاني و الثالث في الشد و الجري . علشان يعوض ضعف الأوتوماتيك في السحب .