السلام عليكم,
أنا بدور من فترة علشان أشتري عربية أوتوماتيك بالتقسيط ويمكن عندي قصة طويلة أختصارها أني حاجز كيا كارينز من شهور ومن كتر الأنتظار زهقت وأعدت أفكر في سيارات أخرى ومنها الهوندا سيفيك (على الرغم من أختلاف الفئة) بس سمعت عن الاتزان الممتاز فيها.
لما دورت على سيارات أقل من 158,000 (سعر السيفيك) لقيت من ضمنها الفانتازيا المانوال 2010 ولقيت فيها أمكانيات أعلى بكتير من السيفيك, عندي بعض الاستفسارات لأني معرفش كتير عن الفانتازيا:
- هل هي عربية ألماني ؟
- هل قطع الغيار والصيانة غالية قوي عن السيارات الكوري والياباني ؟
- أستهلاك البنزين أخباره أيه ؟
- التوكيل أخباره أيه ؟
- هل هي سيارة عملية و اقتصادية ؟ (أقصد سيارة الواحد يروح بيها الشغل كل يوم ويهريها مشاوير)
- أيه أخبار سعر أعادة البيع ؟
- ممكن يكون أيه سبب عدم أنتشارها بالمقارنة بالسيفيك طبعا مش الكوري ؟

أنا فعلا كنت عايز أركب أوتوماتيك لكن أمكانيات زي اللي في الفاتازيا المانيوال أعتقد ممكن تعوض الواحد عن راحة الأوتوماتيك
أنا أسف أني طولت عليكو بس يمكن الأسئلة دي تساعدني في الأختيار أكتر و لكم جزيل الشكر

ملحوظة : أنا كنت راكب فولفو 244 مانيوال