ايه ياجماعه دا 15 فيو ومحدش رد...ياجماعه بجد انا محتاج حد يساعدنى عشان بدل ما الوقت يعدى ومعرفش اتصرف فيها...ياريت الى عندو اى حاجه يقولها
رقم العضوية : 74701
تاريخ التسجيل : 06Jul2010
المشاركات : 300
النوع : ذكر
الاقامة : alexandria
السيارة: VW PASSAT B6 F.S.I
السيارة[2]: Opel Vectra B 1.6 M\T
الحالة :
السلام عليكم :)
فى الأول اتمنى انكو تقبلونى صديق جديد فى القسم بعد ما بعت السيراتو وقررت انى اكون سكوداوى...
انا كان معايا كيا سيراتو 16 بعتها الحمد لله واشتريت انهارده اوكتافيا A5 موديل 2007 ماشيه 60 الف كيلو على 110 الف
على حسب كلامه ان مفيهاش دوكو ولا اى حاجه رشه خالص ( ودا معرض بتاع واحد معرفه وميقدرش ينصب عليا عشان هجيبه )
ولكن لاحظت انهارده وانا بلعب فى الكبوت ان الفانوس الليمين فيه شبوره والفانوس الشمال شكله نضيف اوى
بيني وبينكو انا شكيت انها ممكن تكون مخبوطه من الفانوس اليمين وهو غيره...هل الموضوع دا يدايق ولا لأ...فيه ناس قالتلى فيه فوانيس ساعات بيجيلها شبوره
تانى حاجه...اللمبتين بتوع الصالون و الإشاره الليمين مش شغالين....الراجل قالى ممكن يكونو اللمب محروقه وهنجيب كهرابائى يصلحهم وكدا...انا خايف انها ممكن تكون فى ضفيرة الكهربااا...ياترى ايه الموضوع دا..؟؟
تالت سوأل بقه هو انى لاحظت حاجه زعلتنى فى العربيه ان مفيهاش وصلة USB ولكن فيها AUX فا هل الموضوع دا ليه حل...انا عايز أركب فلاشه مش عايز استخدم الاسطوانات...ياترى حد عنده حل أو اى طريقه...
ومتشكر ليكم جداا ومعلش حد يرد عليا بسرعه عشان لو فيه حاجه اعرف ارجعاله...مع العلم هو المفروض انى هروحله بكره بعد الصلاه يشوفلى كهربائى يعملنا اللمبتين دول ( ودول قالقنى جدااا ياجماعه ) وانا ماسك فى العربيه عشان سعرها كله قال عليه لقطه والراجل بيعملى خدمه الصراحه وحلف انه واخده بنفس التمن مش كاسب فيها ولامليم
رقم العضوية : 74701
تاريخ التسجيل : 06Jul2010
المشاركات : 300
النوع : ذكر
الاقامة : alexandria
السيارة: VW PASSAT B6 F.S.I
السيارة[2]: Opel Vectra B 1.6 M\T
الحالة :
ايه ياجماعه دا 15 فيو ومحدش رد...ياجماعه بجد انا محتاج حد يساعدنى عشان بدل ما الوقت يعدى ومعرفش اتصرف فيها...ياريت الى عندو اى حاجه يقولها
رقم العضوية : 78376
تاريخ التسجيل : 23Aug2010
المشاركات : 231
النوع : ذكر
الاقامة : egypt-cairo
السيارة: octavia Fantazia
السيارة[2]: octavia A4
دراجة بخارية: no
الحالة :
اخى creative-art سيبك من اللمبة والضفيرة وأكشف على السيارة عند حد متخصص وجرب الفتيس جيدا على الطريق وركز فيه وانت بتجربه وهذا اهم حاجة فى السيارة وركز فى كمبرسور التكييف وشوفه متغير ولا الاصلى لانى كنت راكب الa5 وعارف اللى فيها .
والسلام عليكم ورحمة الله وبركاته
رقم العضوية : 74701
تاريخ التسجيل : 06Jul2010
المشاركات : 300
النوع : ذكر
الاقامة : alexandria
السيارة: VW PASSAT B6 F.S.I
السيارة[2]: Opel Vectra B 1.6 M\T
الحالة :
أخى العزيز مشكور جدا على سرعة استجابتك...
بالنسبه للفتيس والكومبريسور فا أنا مش خبير اوى فى الموضوع بصراحه بس الفتيس عادى معايا العربية بتشد وتمام وزى الفل واستجابتها فى النقلات سلسه وسريعه ولكن...انا بسمع صوت تكه جايه من الكبوت وانا بجيب الفتيس على p بس الناس قالولى عادى ممكن عشان مدوستش عالفرامل كويس ونتا بتنقل
والكمبريسور انا جربت التكييف لقيته عادى شغال تمام سخن وبارد بس ازاى اعرف ازا كان الكمبيرسور او الفتيس اتغيرو ..؟؟؟
رقم العضوية : 21070
تاريخ التسجيل : 04Oct2008
المشاركات : 8,246
النوع : ذكر
الاقامة : EL MA7ALA EL KOBRA
السيارة: الله يرحمها
السيارة[2]: opel
دراجة بخارية: -
الحالة :
صوت تكه ومعاه رجه فى العربيه ؟؟ او صوت خبط ؟؟
بالنسبه للفانوس ..عادى انه يشبر (هى قليله اوى بس بتحصل ..شوفه كده اصلى ولا لا )
عشان تجرب الفتيس ..معلش هتفترى على العربيه شويه ...
اولا انزل اخرج بالعربيه و هى بارده تماما ...وامشى ..تابعها و هى بتنقل من الاول للتانى ..فيه نتشه و خبطه ولا لا ..
تانى حاجه لما العربيه تسخن ...
اطلع على طريق سريع ...انقل على المانيوال مود ...
وركز بقى ..
اقرص على الغيار للاااااااااااخر ..وانقل ...وهدى و ارجع لنفس النقله تانى واقرص تاااااانى ..لو مش عاوز تمشى على المانيوال ..اعمل كيك داون كتييييير هتوصل لنفس النتيجه ..وهى نقلات كتير و بسرعه...ملخص الموضوع حاول تنقل كتيييييييييير عشان تجهد الفتيس ...لو بدا يبرجل و يعمل خبطه و هو بينقل ..بالسلامه ..لو مفيش مشكله يبقى تمام ...
وان شاء الله تبقى سليمه و مبروك يا كبير
ولا تحسبن الذين قتلوا فى سبيل الله امواتا بل احياء عند ربهم يرزقون
رقم العضوية : 78376
تاريخ التسجيل : 23Aug2010
المشاركات : 231
النوع : ذكر
الاقامة : egypt-cairo
السيارة: octavia Fantazia
السيارة[2]: octavia A4
دراجة بخارية: no
الحالة :
كلام 10 على 10 وزى الفل من الاخ خالد ايمن.وملخص الكلام اخونا creative-art انك تختبر اداء الفتيس جيدا وهذا مهم جدا وبعد ما تصل لدرجة حرارة التشغيل العادية يعنى العربية مش باردة تتابع اداء الفتيس فيه رزع مع النقلة والنقلة ولا لأ.
والسلام عليكم ورحمة الله وبركاته
رقم العضوية : 74701
تاريخ التسجيل : 06Jul2010
المشاركات : 300
النوع : ذكر
الاقامة : alexandria
السيارة: VW PASSAT B6 F.S.I
السيارة[2]: Opel Vectra B 1.6 M\T
الحالة :
ربنا يخليكو ياجماعه متشكر جدا على المساعده الجميله دى
بالنسبه للفانوس انا اتاكدت منه فعلا وطلع مش اوريجنال ومكتوب عليه Made in Taiwan
وديتها لسمكرى كشف عليها طلع فعلا انها واخده ضغطه ولكن خفيفه جدا من ناحية الفانوس الليمين خفيفه جدا وعلى ما اعتقد انها مش مزعلانى فى حاجه...
بالنسبه لحوار الكهربه فا كان فيه فيوز محروق اتغير وكل حاجه رجعت تشتغل تمام....
والفتيس والكومبريسور مطلعش فيهم اى حاجه الحمد لله نزلت بالعربيه وافتريت عليها لاقصى درجه تتخيلوها ماشاء الله بتجمع سرعات وبتنقل بسلاسه ومفيش الصوت الى انتو قلتو عليه داا..ويمكن جابت معايا ال180 فى زمن قياسى جدااا مكنتش اتخيل ان موتورها يبقى بالقوه دى...( على الرغم انا سمعت من ناس اصحابى ان موتورها 102 حصان ) بس دلوقتى انا مبقتش مقتنع بالكلام دا..لأن كان معايا السيراتو 122 حصان ومكنش موتورها بالقوه دى ...
وبكرر شكرى لكل الاعضاء الكرام الى ساعدونى فى مشكلتى..
رقم العضوية : 21070
تاريخ التسجيل : 04Oct2008
المشاركات : 8,246
النوع : ذكر
الاقامة : EL MA7ALA EL KOBRA
السيارة: الله يرحمها
السيارة[2]: opel
دراجة بخارية: -
الحالة :
الف مبروك ...منا قلتلك شبوره الفانوس بتحصل بس قليل اوى ..عشان كده توقعت انه مش اصلى ..عموما عادى طالما نوره مظبوط خلاص
العربيه فعلا 102 حصان ...بس الفكره فى العزم وبلاش بقى تاخد على 180
خليك على 179 كفايه هههههههههههه
مبروك يا كبير وربنا يديك خيرها و يكفيك شرها
ولا تحسبن الذين قتلوا فى سبيل الله امواتا بل احياء عند ربهم يرزقون
رقم العضوية : 71045
تاريخ التسجيل : 20May2010
المشاركات : 576
النوع : ذكر
الاقامة : alexandria
السيارة: cruze 2014
السيارة[2]: octavia A5 09
دراجة بخارية: سكوتر بعجل بينور
الحالة :
الف مبروك ربنا يديك خيرها ويبعد عنك شرها
المفضلات