السلام عليكم ورحمه الله وبركاته
كنت عاوز انظف فرش الابواب هل فى مكان مضمون لتنظيفه وحياخد كام .... ولا فى ماده منظفة الواحد يجيبها وينظفة بنفسه .
ولا موضوع التنظيف دة فاشل وحيبوظ الفرش وخلاص !!!! مش عارف اعمل اية .
عرض للطباعة
السلام عليكم ورحمه الله وبركاته
كنت عاوز انظف فرش الابواب هل فى مكان مضمون لتنظيفه وحياخد كام .... ولا فى ماده منظفة الواحد يجيبها وينظفة بنفسه .
ولا موضوع التنظيف دة فاشل وحيبوظ الفرش وخلاص !!!! مش عارف اعمل اية .
مافيش حل للمشكلة المهببه دية !!
روح بنزينة شيل عندهم مكنة فوم بينضفوا بيها الفرش.
فى سبراى أنا جيبتة ب 15 جنية وأسمة F1 وهو صينى ونضفت بية الأبواب والسقف القطيفة وكان مفعولة طلقة - فى أنواع تانية كتير وأصلى وأحسن بس أنا مش فاكر حاجة منها دلوقتى - لكن مشكلتك ليها حل
شكرا يا استاذ نادر .... تقريبا انا شكلى حعمل كدة فى بنزينة شل فى المهندسين , بعد ما فشلت انا فى الموضوع دة
شكرا بشمهندس خلف , انا جبت سائل تنضيف مصرى ب 10 جنية ( المفروض انة مخصص لفرش السيارات )كل الى عمله انة وسع البقعة ... يعنى بدل مكان البقعة قطرها حوالى 5 سم دلوقتى بقت كبيرة جدا يمكن بتاع 12 سم .. انا فكرت افك فرش الباب كلة واطلعه واغسلة بالكامل فى البيت عندى ...
دة غير ان المنظف الهباب دة نشف على الفرش وخلاه ناشف وبقى مموج شوية ...انا خايف يكون باظ ولا حاجة
الى انا عملتة دة فكرنى بالمثل بتاع .. جه يكحلها عماها
سوال بس بخصوص التنظيف فى بنزينة شل
هل هما على درجة كبيرة من ( الوعى ) وبيفهمو ... ومش بيجيبو مية او الفوم دة على زراير الزجاج الكهرباء .
غير كدة هل التنظيف دة مش بيأثر على درجة اللون !!
علاشان لو الفرش باظ او لونة اتغير بجد حيجيلى شللللللللللل والمشكلة انة بيج يعنى تحس انة بيتلكك على الوساخة .
وتكلفتة كام ؟
مادام وصلت لبنزينة شل المهندسين كمل لحد بنزينة مصباح بشارع السودان قبل ميدان الكيت كات والله ممتازين هيظبطلك العربية تماما نظافة ونتيجة تحب تشوفها - عن تجربة - اسأل عن عم جمال و تكلفها تقريبا 100 جم كل الصالون ابواب سقف كراسى كل كل
ابو محمد
يا جماعة انا متابع معاكم الموضوع و هو موضوع مهم جداً بصراحة
فى واحد اسمة (الطباخ ) عند نادى الشمس ..بصراحة شوفت شغلة رهيييييييييب
صالون و ابواب و سقف بالبخار و تلميع تابلوة و ترويق الموتور بصراحة جبار
بيرجعلك العربية زيرو الصراحة وبيتكلف تقريبا 150 ج و تسيبهالو يوم بحالة
بس انا مش عارف فين بالظبط عند نادى الشمس .. يا ريت لو حد من المنطقة هناك يعرفة او سمع عنة يقولنا مكانة فين بالظبط .. وانا هحاول برضو اجيب هو فين مكانة .
شكرا يا شباب على التفاعل ..
ياريت يا سيات باشا لو وصلت لعنوانة تقولى .
ولو فى اراء تانية .. اكون شاكر ليكم جميعا .