تنظيف فرش الابواب

**fiatmomo** · 29-03-2008 07:45 PM

السلام عليكم ورحمه الله وبركاته

كنت عاوز انظف فرش الابواب هل فى مكان مضمون لتنظيفه وحياخد كام .... ولا فى ماده منظفة الواحد يجيبها وينظفة بنفسه .
ولا موضوع التنظيف دة فاشل وحيبوظ الفرش وخلاص !!!! مش عارف اعمل اية .

**fiatmomo** · 29-03-2008 10:26 PM

مافيش حل للمشكلة المهببه دية !!

**Nader** · 29-03-2008 10:30 PM

روح بنزينة شيل عندهم مكنة فوم بينضفوا بيها الفرش.

**fiatmomo** · 29-03-2008 11:07 PM

شكرا يا استاذ نادر .... تقريبا انا شكلى حعمل كدة فى بنزينة شل فى المهندسين , بعد ما فشلت انا فى الموضوع دة

شكرا بشمهندس خلف , انا جبت سائل تنضيف مصرى ب 10 جنية ( المفروض انة مخصص لفرش السيارات )كل الى عمله انة وسع البقعة ... يعنى بدل مكان البقعة قطرها حوالى 5 سم دلوقتى بقت كبيرة جدا يمكن بتاع 12 سم .. انا فكرت افك فرش الباب كلة واطلعه واغسلة بالكامل فى البيت عندى ...

دة غير ان المنظف الهباب دة نشف على الفرش وخلاه ناشف وبقى مموج شوية ...انا خايف يكون باظ ولا حاجة

الى انا عملتة دة فكرنى بالمثل بتاع .. جه يكحلها عماها

**fiatmomo** · 29-03-2008 11:12 PM

سوال بس بخصوص التنظيف فى بنزينة شل

هل هما على درجة كبيرة من ( الوعى ) وبيفهمو ... ومش بيجيبو مية او الفوم دة على زراير الزجاج الكهرباء .

غير كدة هل التنظيف دة مش بيأثر على درجة اللون !!

علاشان لو الفرش باظ او لونة اتغير بجد حيجيلى شللللللللللل والمشكلة انة بيج يعنى تحس انة بيتلكك على الوساخة .

وتكلفتة كام ؟

**mrekaby** · 30-03-2008 12:07 AM

مادام وصلت لبنزينة شل المهندسين كمل لحد بنزينة مصباح بشارع السودان قبل ميدان الكيت كات والله ممتازين هيظبطلك العربية تماما نظافة ونتيجة تحب تشوفها - عن تجربة - اسأل عن عم جمال و تكلفها تقريبا 100 جم كل الصالون ابواب سقف كراسى كل كل

ابو محمد

**SEATLOVER** · 30-03-2008 12:18 AM

يا جماعة انا متابع معاكم الموضوع و هو موضوع مهم جداً بصراحة
فى واحد اسمة (الطباخ ) عند نادى الشمس ..بصراحة شوفت شغلة رهيييييييييب
صالون و ابواب و سقف بالبخار و تلميع تابلوة و ترويق الموتور بصراحة جبار
بيرجعلك العربية زيرو الصراحة وبيتكلف تقريبا 150 ج و تسيبهالو يوم بحالة

بس انا مش عارف فين بالظبط عند نادى الشمس .. يا ريت لو حد من المنطقة هناك يعرفة او سمع عنة يقولنا مكانة فين بالظبط .. وانا هحاول برضو اجيب هو فين مكانة .

**fiatmomo** · 30-03-2008 01:08 AM

شكرا يا شباب على التفاعل ..

ياريت يا سيات باشا لو وصلت لعنوانة تقولى .

ولو فى اراء تانية .. اكون شاكر ليكم جميعا .

-

الموضوع: تنظيف فرش الابواب

LinkBack

أدوات الموضوع

عرض

تنظيف فرش الابواب - انشر الموضوع فى :

-

-

-

-

-

المواضيع المتشابهه

الابواب ....

اوبشن امان الاطفال فى غلق الابواب الخلفيه للصنى 2013وتكملة فتح الابواب من الداخل

لمبة تحذير الابواب دايما منورة و ساعات بترعش من ان الابواب حكمة الغلق

زجاج الابواب بالفيرنا بترجرج مع قفل الابواب

فرش الابواب

الكلمات الدلالية لهذا الموضوع

المفضلات

المفضلات

ضوابط المشاركة