الموضوع: تجربة الشد مع الجيتا

تسارع العربيات الأمانى عموما بطىء بالنسبة لليابانى و الكورى و بشهادة أصحابها "بطة"

لكن ركوبة و فخامة و ثبات

و ده منطقى لأن الفرق بين السيراتو و الجيتا الهاى لاين بتاع 80 الف جنية

المشاركة الأصلية كتبت بواسطة funy76

شوفوا بئة شد نيسان تيدا مع كيا سيراتو :f_eyeb1[1]:

[youtube]http://www.youtube.com/watch?v=vevnyr8hsyy&feature=related[/youtube]

ما أعتقدش ان التجربة تمت بالشكل المظبوط .. و التيدا عمرها حاتشد مع السيراتو و تعلم عليها بالمنظر اللي شفناه ده...

تعال شد معايا بدايو لانوس ههههههههههههههههههههههههه ه هتشوف العجب

المشاركة الأصلية كتبت بواسطة yasserelsayad

ازيكم يا رجالة بقالى فترة مكتبتش حاجة خالص قولت اعمل الموضوع دا بالمرة اسلم عليكم كلكم

انا جريت مع الجيتا قبل كدا بس عمرى مجريت معاها زى انهارده
الموضوع لسه حاصل من ساعة مثلا كنت نازل اجيب اكل وراجع على البيت وانا عند مترو كدا لقيت عربية جيتا معدية من جمبى بسرعة اوى وانا بقالى فترة مش مجرتش مع حد عشان الجامعة وكدا المهم رحت مكمل دايس وراه وقفنا عند المطب وانا عايز اشوف هو هيجرى تانى ولا خلاص كدا .. فا لقيته لسه سخن وعمال يجرى رحت مكمل معاه طلعنا على الطريق للى بيودى على المحور وفضلت اجرى معاه لحد ميدان جهينة كدا بس مش جامد عشان كل شوية فى مطب. الشده اللى بجد بدأت اول لما عدينا ميدان جهينة.. اولا انا طلعت منه بكل سهولة لدرجة انى شكيت انه مش بيجرى اصلا .. المهم فضلنا ورايا بس انا بدأت ابعد كتير والفرق بنا وصل تقريبا 200 متر ولا حاجة وانا ساعتها كنت 190 وبعدين هديت عشان المطبين اللى فى النص دول وبعد كدا جريت تانى بس الحتة دى كانت زحمة شوية فا فرقت عنه جامد لدرجة انى مكنتش شايفه .. وصلت عند المطب اللى قدام هيبر واستنيته وفضيلت ماشى براحة لحد لما جيه ودوست تانى معاه وحصل نفس الكلام بس المرة دى بعد لما عديت الـ 190 المسافة زادت تانى لحد لما انا وصلت لـ 205 تقريبا وهديت تانى عشان المطب اللى قبل المحور .. وهو طلع المحور وانا لفيت من تحت وروحت.

انا كاتب التجربة دى عشان كان فى موضوع معمول بيقولك تجربة شد مع السيراتو التعبانة حاجة زى كدا يعنى ..
دا بس اثبات ان الجيتا متقدرش تطلع من السيراتو على اى سرعة ولا على العالى و لا الواطى بس عشان الناس اللى بتقولك الجيتا بعد الـ 100 بتكون حاجة تانية .. اهى التجربة دى لحد 205.
ودى تجربة تقريبا 15 كيلو ولا حاجة يعنى مش حاجة قليلة وفيها ملفات ومطالع ومنازل يعنى اختبار لكل وقت.
تقريبا الكلام اللى فوق دا ينطبق على الاوكتافيا كمان عشان نفس العربية تقريبا (لو غلطان حد يصححنى)

ياريت ميكونش فى كلام زى الموضوع بتاع السيفيك كدا .. اللى عنده حاجة عايز يقولها ويقدر يثبتها يتفضل

هههههه , ماشى يا عم

يا رجاله عاوز اقول فيه ناس بتعرف تطلع قوة الماتور وامكانيات العربيه وفيه ناس بتدوس بنزين وخلاص ومن الواضح انك محترف تطلع قوة العربيه كلها وبتقابل ناس بتسوق على قدها طب ما انا بطلع من كل العربيات بدايوا لانوس مع انها مش بتعدى 189 نفسى اشوفها 190 وبالرغم من كدة ما فيش حد بيحصلنى هههههههههههههههههه طب ما انا مرة كنت راكب باسات وواحد راكب لانسر وكنت بشد معاه وبعد 120 بدا يبعد ولما وصلت 200 كان اختفى من ورايا والطريق كان فاضى وهوة كان حارق ومولع فى عربيته اختفى لدرجه انى كنت عاوز ابعت حد يدور عليه ويواسيه فى الى جراله