شبكة سبور لانسر 98 ؟؟؟

**momo44** · 08-01-2011 07:50 PM

المشاركة الأصلية كتبت بواسطة Memo_Lancer

لا يا جدعان هي مش تقطيه و بس
المهم تتقفل حلو
لان بعد التقطيع هتبقي في اماكم مشوهه
لازم تتعالج
انا عامل بتاعتي
كلفتني 80

انت كنت قلت قبل كده اننا لو عايزين نعملها نجمع بعض ونبعتلك الفلوس وتعملهلنا
ايه نظام الكلام ده دلوقتى
ابعتلك الفلوس على الخليج عدل

**bisoolover** · 09-01-2011 03:06 PM

انا دايس

**Memo_Lancer** · 09-01-2011 03:11 PM

لا عادي صاحبي هنا موجود
انوو بس و عرفوني و انا معاكو
و انا لسه موجود لحد اسبوع

**M.Elgergawy** · 09-01-2011 04:54 PM

المشاركة الأصلية كتبت بواسطة memo_lancer

لا عادي صاحبي هنا موجود
انوو بس و عرفوني و انا معاكو
و انا لسه موجود لحد اسبوع

أنا أول واحد عاوز شبكة سبور

**a7madramadan** · 09-01-2011 08:33 PM

والي من الإسكندرية وعاوز حد يساعدة في عملها يدوي انا موجود برضه هههههههههه الموضوع مش صعب خااااااااالص ..

هتجيب شبك من عند اي حد بتاع حدايد وبويات اختار نوع نظيف وشكله يبان كويس مع الشبكة الأمامية وسيبك من لونه مؤقتا......
هتجيب سبراي باللون الي عاوزه .... غالبا هتحتاج
ورقة صنفرة خشنة وواحدة ناعمة للي غاوي احتراف فالتقفيل ... وممكن حتة معجون صغيرة ان لزم الأمر :)
منشار كرافت (الأحمر الرفيع الي بيتركبله سن منشار رفيع اكيد عارفينه)

للاحتراف الزايد عن حده برضه ممكن ايبوكسي (اللزق الحدادي الي بييجي في انبوبين وبيتخلط من عند بتاع الحدايد والبويات برضه)

هتقص الجزء الي عاوز تغيره بالشبكة مع مراعاة الشكل الأساسي والتركيب العام للأصل علشان تلاقي مكان يكفي انك تقفل بيه على الشبك

هتقص الشبك على قد المنطقة الي محتاجها
لو القص باين هتحتاج تصنفره ..وماتنساش المية مع الصنفرة .....
لو لقيت اجزاء غارت (او دخلت لجوة) محتاج استعدالها علشان باينة استخدم معجون و ابقى صفيه بميه والصنفرة الناعمة بعد ما ينشف
هتركب الشبك على الشبكة وتشوف اماكن المسامير ان وجد او لو هتستخدم ايبوكسي .....

قبل مرحلة التثبيت النهائية ممكن تحتاج تغيير لون الشبك باسبراي اسود مط او ايا كان ...... ولو حد هيلجأ للإيبوكسي في حالة انه مش لاقي طريقة يثبت بيها الشبك على الشبطة ياخد باله ما يلامسش بايده لإنه مش كويس للجلد ..... بس جبااااااااااار

في 3 اصحابي لحد دالوقتي ركبوا شبك امامي قدام عيني وفي قدهم مرتين بيشاوروا عقلهم :)

وانا شخصيا بافكر اغير الشبكة الأمامية بتاعة عربيتي لادا 2107 2009 بس بقالها سنة واحدة بس لحد دالوقتي وصعبانة عليا العب فيها وهيه كلها فابريكة والبيت عندي مش هيتساهلوا فالموضوع ده هههههههههه

أرجوا اني اكون أفدتكم

ولو حد شايف حاجة غلط ياريت يصحح للإخوة القراء

وأسعد الله مسائكم :)