أولا
ربنا يحمي مصر ويحمي الجميع
الحقيقة الأيام اللي فاتت كانت من أصعب الأيام علي ناس كتير
وانا حسيت بالحزن وكل التعب وكل الأحاسيس الأيام اللي فاتت
طبعا التفجيرات
كنت عادي جدا يومها و أحتفلنا وروحت نمت
صحيت لقيت موضوع Ahmed Ezz كان عامله انه شاكك ان في علاقة بين واحد علي الفيس والتفجيرات
انا قريت من برة ودماغي بقت تودي وتجيب
قريته وعرفت الموضوع وشفت فيديوهات وكلمت قرايبي وحبايبي في أسكندرية أتطمن .. بالمناسبة في واحد معانا في المنتدي ساكن في الشارع بتاع الكنيسة اللي أتفجرت .. كلمته كلمتين فقط وهو بيقولي انه كويس
نزلت رحت مراجعة عندي في الكلية عشان أمتحاني 4/1
والله ولا مركز ولا حاسس بالدنيا
مايهمش
والدتي تعبت جامد بدور برد بس شديد .. مش بتحرك أديها
عندي أمتحانات والدكتور شاطر وبيحط أمتحانات قوية جدااا
الحقيقة الموضوع كان شديد من كل النواحي
بس في حاجات كتيييييييير حصلت ماعرفتش ألم منها كتير
زي ان صحابي كلهم كلموني .. حد من قرايبك حصله حاجة ؟
وفي منهم اللي كانوا بيقولولي ان مش مسلمين اللي يعملوا كدة
دول أكتر ناس فعلا زعلت منهم
مش محتاجين تبرير
مش معقول واحد باكل معاه في رمضان ساعة الفطار وبينزل معايا في العيد ونبيت في بيوت بعض
و أشك في كدة
الموضوع ده أتعمل في معاد .. الفاعل عمله صح ..
وغرضه الفتنة
أتعمل وقت خروج المسيحيين من الكنيسة
مفيش حد في الشارع هيمشي في الوقت ده قدام كنيسة غير مسيحيين
فجر وموت 22
طاب أهدافه ؟
يموت ناس مالهاش أي ذنب ؟
طاب دول بقوا شهداء وأحسن منه
فتنة ؟
أه
فاكر اننا كدة هنقع في بعض
للأسف في ناس أغبيا وهمجية وصلته للي حصل
في مظاهرات
قالوا ان شيخ الأزهر أنضرب .. بس لقيت مفيش دليل .. والحمد لله طلع أكد وقال محدش لمسني
ناس خربوا جوامع
الحمد لله في واحد في المنتدي قال كدة ورجع قال انها أشاعة و أتأكد بنفسه
بس برضه اللي بيعمله بعض المسحيين غلط
والبابا شنودة قال في التليفزيون والكاتدرائية :
محدش يخش أي مظاهر عشان في عناصر بتندس ممكن توقع الناس في بعضها ... يعني الكنيسة بتمنع التظاهر بشكل رسمي
لا سلمي ولا غيره .. ممنوع
طاب في مسيحيين لسة بيتظاهروا !!
للأسف لسة في ودول مش فاهمين وهمج
وأشد الأعتذار لأي حد أتأذي من اللي حصل
أحنا غضبانين جداااااا
مش من المسلمين
من اللي حصل عامة
ناس دلخت البلد وفجروا وبيهددوا تاني بتفجيرات
واحنا المفروض اننا نخاف
بس علي مين
ده فرصتي أموت شهيد
انا رايح كنيستي يوم العيد هعيد ومش خايف من حد
في النهاية بعتذر عن اللي بيحصل
بس يا ريت مانسمعش لأي حد ونصدق علي طول
شكرا ليكم