بسم الله الرحمن الرحيم
ممكن سعر العربية و الموديل دلوقتي سنه كام 2009 ولا 2010 ولا 2011 و نوعها اية
gl
glx
glxi
و شكرا
عرض للطباعة
بسم الله الرحمن الرحيم
ممكن سعر العربية و الموديل دلوقتي سنه كام 2009 ولا 2010 ولا 2011 و نوعها اية
gl
glx
glxi
و شكرا
انا من الاسكندرية و لسه سائل على السعر بتاع ال byd f3
وقالولى انى الموديل اللى موجود دلوقت اسمه gli
وبصراحة مش عارف اللى رد عليا ده بيفهم واللا لاء وانا بصراحة لما لقيته شكله واحد كده بيرد على التيلفونات و خلاص سألته فيها فتحة سقف؟ قال لى لاء مافيهاش
عموما من الاخر قاللى سعرها كاش 66000 جنيه مصرى
بسم الله الرحمن الرحيم
الف شكر لرد سيادتك السريع
انا دورت لقيت ان الGLXI دي الاوتوماتيك و دي لسه ما نزلتش
و ال GL ب 63 الف من غير ABS و AirBags و الGLI ما كونتش عارف سعرها
الف شكر مرة تانية
الفرق بينهم كالتالى :
Gl >>>>>>>>هاتش باك
gli >>>>>>> كاملة مانيوال - بدون فتحة سقف
glxi >>>>>> كاملة أوتوماتيك و دى مش موجودة فى مصر
انا متابع اخبارها شوية لانى بافكر اشتريها و بصراحة مش عارف اقرر اجيبها هى واللا الاسبيرانزا 516
متهيائلى ممكن اساعدك شوية فى موضوع المقارنة بينها وبين اسبيرانزا 516 ...انا معايا اسبيرانزا 2008 كانت زيرو ..بس جربت الى بى واى دى ..نبدا ..بسم الله الرحمن الرحيم
1-الاسبيرانزا تقفيل مصرى و بى واى دى متهيائلى هية كمان تقفيل مصرى والا ثنين اصلاهم صينى
2- الاسبيرانزا موتور AVL نمساوى صناعة صينى و بى واى دى ميستوبيشى صناعة صينى (مش متاكد) والاثنين 1600c.c بس البى واى دى ادئها احسن بكتير ..لكن اعتقد ان دة مقابل استهلاكها الى عالى نسبيا فى البنزين والعكس صحيح لائن الاسبيرانز استهلاكها كويس والحمد لله
3-الفرامل الاثنين ABS و EBD بس فرامل ال بى واى دى احسن بكتير من الاسبيرانزا
4-الارتفاع عن الارض الاثنين عالين
5- قطع الغيار الاسبيرانزا تكسب ..كتيرة ورخيصة حتى الاصلى منها الى بيتباع فى التوكيل مش غالى اوى
6-سعر اعادة البيع الاثنين بيخصرو جامد عشان صينى بس ال بى واى دى بتخصر اكتر وبعها اصعب شوية
7 -الصالون والشنطة فى الاثنين وسعين جدااا
8- الكماليات الاسبيرانزا تكسب بكتيرررررررر
9-العفشة الاسبيرانزا نعمة لكن بتعمل صوت والعكس صحيح فى بى واى دى
10- التوكيلات الاثنين صفر كببببببير من 10
11-الثبات الاسبيرانزا كويسة جداااا بس دركسيونها حساس و ناعم جداا ..بى واى دى ماجربتهاش على سرعات عالية
12-التكيف الاثنين تكيفهم كويس جداا
ملاحظةودة احلا حاجة فى اسبيرانزا وهو منتدها الى بيساعد ملاكها فى معظم المشاكل والى فية مهندسين محترمين لرد على المشاكل..
ودة كان راى بمنتهى الحيادية لوجة الله عشان كل الى بيعمل مقارنة بينهم واى استفسار تحت امركم..
الزميل العزيز----انا من اسكندرية وعارف ان العربية لسة ما انتشرتش هناك بس هتنتشر لان موضوع التاكسى لازم هيوصل اسكندرية----انا حجزت وهشترى ---اقرا كل المشاركات اللى فاتت وانت هتتاكد ان العربية تحفة---وفيها ميزة جميلة وهى توافر جميع قطع الغيار الاصلى باالتوكيل باسعار بسيطة ووجود قطع غيار كتير للكرولا والانسر والدايو بتركب عليها --فكر وكون رايك من خلال المداخلات السابقة واقرا بتمعن شديد--وربنا يوفقك
ااااااااااااااا
انا مش عارف اشكركم ازاى بصراحة على صراحتكم و سرعة استجابتكم لسؤالى والله والله والله لو الشعب المصرى كله بيتعامل زى ما الناس اللى فى المنتدى المحترم ده و القائمين عليه بيتعاملوا ... مصر دى حتبقى حاجة تانية خالص والله
عموما انا من مشاركة الاخ العزيزshoayman اعتقد انى كده حاقرر اجيب الاسبيرانزا لانى بصراحة سالت عنها كتيييييير اوى اصحابى و ناس ماشيين بيها فى الشارع ماعرفهومش وبصراحة ناس كتييييييييير اوى شكرولى فيها و بصراحة برضه توكيلها عندنا فى اسكندرية كويس اوى و عندنا 3 مراكز صيانة
أما توكيل الامل ف بصراحة مع ان رئيسه ف اسكندرية صاحب ابويا شخصيا من زماااااااان بس لينا معاه و مع مركز الصيانة سوابق سيئة للغاية وبصراحة استجابتهم للمشاكل سيئة اوى و ده اللى مخلينى قلقان أنى اتعامل مع توكيل الامل ده تانى بصراحة
الاخ العزيز mmmmmgogommm نصيحة اخوية فكر تانى فى موضوع ال BYD عشان بصراحة من خبرتى فى السوق المصرى مع العلم ان اخوك معتز ( اللى هو انا ) بيسوق بقاله 20 سنة وسوقت عربيات كتير
لا تكن اول المجربين لسيارة جديدة فى السوق المصرى لان فيه حاجات كتير اوى ممكن تزعلك
اولها ::: التوكيل و مراكز الصيانة
ثانيها ::: قطع الغيار اللى ممكن ماتلاقيهاش وماتخدش على الكلام النظرى
ثالثا ::: سعر اعادة البيع مع العلم ان سعر اعادة بيع الاسبيرانزا بالضبط هو هو سعر اعادة بيع الفيرنا
رابعا ::: حاول تجرب عربية اتجربت فى شوارع مصر المححروسة وخاصة شوارع اسكندرية عروسة البحر المتوسط بعد ما سيادة اللواء لبيب مسكها واكيد انت عارف انا اقصد ايه ههههههههه
ومتشكر اوى على نمرة موبايلك ودى ثقة غالية بجد وانا ان شاء الله حاكلمك عشان نتناقش و ربنا يوفقنا احنا الاتنين
ما هى الكماليات التى
تكسب بكتيرررررررررررررررررر فى الأسبرنزا
وغير موجودة فى byd
أرجو الرد على هذة النقطة لنستفيد .
وملاحظة على الملاحظة :
هل منتدى byd وأعضائة .. لا يوجد فيهم محترمين يردون على المشاكل ويساعدون بعضهم !!!!!
لا شك أن منتدى أسبرنزا يضم أعضاء محترمين
ولا شك أن منتدى byd يضم أعضاء لا يقلون عنهم أحتراما
ولا شك أنهم فى قسم أسبرانزا وقسم byd يقدمون المساعدة لكل عضو يحتاجها ولا يتأخرون فى ذلك .
أرجو مراجعة موضوعات منتدى byd جيدا
وأذا كنت ستذكر لنا ماهى كماليات أسبرنزا الكثيرة الغير موجودة فى byd
أرجو أيضا أن تذكر لنا وتضع روابط لموضوعات الزملاء فى هذا القسم الذين لم يجدوا مساعدة ودعم من باقى الأعضاء !!!!!!!!!!!!!!!
الاخ العزيز ابو جيسى ماتخدش المواضيع بحدة كده .. ده انا لسه بقول لو كل الناس زى اللى هنا فى المنتدى كانت مصر تبقى حاجة مختلفة
الراجل مايقصدش حاجة بكلامه
وحاول تفكر انه ممكن بس عبر بطريقة خطأ عن رأيه وعموما ده رأيه و هو حر فيه
سيبك من التعصب لنوع من العربيات أو فرقة كورة أو أى شىء
خلينا هنا نساعد بعض وبس ونكون ف عون بعضنا البعض
وبما انك من راكبى ومالكى الـbyd ايه رايك فيها بصراحة و بكل حيادية؟؟؟؟ مع انى مقدما عارف الرد طبعا هههههههه
بس انا عايز اعرف بجد منك العربية ايه عيبوها لاننا كلنا عارفين مميزاتها
أخى العزيز .. mazymazy
أنا لم أأخذ الموضوع بحدة .. ولم أتعصب للسيارة .. بدليل ان المقارنة بها أشياء كثيرة تخص السيارة والتوكيل ولم أرد عليها بكلمة واحدة رغم أن عندى دراسة كاملة عنها تتيح لى الرد فى كل جزئية .
ولكنى قمت بالرد على نقطتين فقط وليس بهما تعصب للسيارة أطلاقا ..
أولا : أن الأسبرنزا بها كماليات كثيرة عن BYD وقد طلبت من الزميل المحترم أن يذكرها لنا لنستفيد بما أنة يملكها فقطعا معلوماتة عنها ستكون أكثر من أى شخص لا يملكها .. وكنت أقصد فعلا أن يعرفنا بها .. وهذة هى النقطة التى أثارت دهشتى ..
لأنى أعلم بالحجم الهائل من كماليات BYD وخصوصا الأوتوماتيك التى ستعرض فى معرض فورمولا الأهرام بعد أيام وسيفتح باب الحجز بها قريبا .
ثانيا : النقطة الثانية لم أندهش منها .. وانما زعلت جدا .. أن يكون زميلنا وهو يعرض مميزات وعيوب السيارتين أثناء المقارنة .. يضيف فى ملحوظة خاصة بها أن من مميزاتها وجود محترمين بمنتدى أسبرنزا يساعدون الأعضاء ويجيبون أسألتهم .. فأذا كانت هذة من مميزات أسبرانزا .. أليس معنى هذا أن منتدى السيارة الأخرى يخلوا من مثل هؤلاء المحترمين !!!!!
وهل عندما أزعل من هذة العبارة التى تخصنى شخصيا أنا وباقى الزملاء فى هذا القسم .. اكون متحيز للسيارة ؟؟؟ أم اكون حريصا على أن لايمسنا أى عبارة غير لائقة
ولكنى مع هذا سأتفق معك فى أن زميلنا العزيز لم يقصد الأسائة لأحد .. وعلية فأنى أغلق هذا الحديث .. ولنعتبرة خطأ غير مقصود فى التعبير وسوء فهم عابر بأذن الله .
أما عن عيوب السيارة .. فأرجو أن تدخل إلى هذا الرابط وهو موضوع جمعت فية ما كتبة الزملاء عن الأعطال التى قابلوها مع السيارة .
( ماهو أهم ما أشتكى منة زملائنا فى byd f3 ؟ )
http://www.nilemotors.net/Nile/191483-byd-f3.html
وهذا رابط أخر لأحدث أسعار قطع غيار السيارة : للزميل الفاضل sv065
http://www.nilemotors.net/Nile/188613-byd.html
وفى النهاية سأكرر النصيحة التى قلتها كثيرا للزملاء :
لا تشترى أى سيارة الا وأنت مرتاح لها نفسيا
وفقك الله لما فية الخير .. وتحياتى .
أخى العزيز .. ozama22
هناك قدر لابد منة من سوء الفهم قد يقع فى أى حديث .. وقد تعذرنى لهذة الحساسية .. بعد ما عشتة معنا وشاهدتة طوال الشهور الماضية ..
وللزميل صاحب الموضوع .. أقول لة أن هذا لايفسد المودة والأحترام بيننا .. وشكرا لة على مشاركتة .
وتحياتى وتقديرى لأخى ozama22 وأخى Mazymazy لأهتمامهم بالأيضاح
الاخ العزيز ابو جيسى انا اشكرك على تفهمك و اقدر هذا القدر من الزعل اللى انت حسيت بيه بس والله اكيد الراجل ماكانش يقصد اى اساءة ابدا
وبعدين انت كمان راجل محترم - - - واضح ده من كلامك و طريقتك فى التفاهم
واشكرك على ردك عليا فى موضوع عيوب السيارة الـ
byd
واشكر كل من ساهم فى توضيح وجهة نظر كل الاطراف
استاذ/معتز--عشان احس انى قلتلك كل معلوماتى بامانة----ارجو مراجعة موقع كونتاكت كار قسم السيارات المستعملة--ومراجعة اعداد ال516 المعروضة للبيع ومقارنتها باالفيرنا والانوس مع الاخذ فى الاعتبار ان ال516 بقالها باالضبط حواى 4سنوات ونصف وهى نفس عمر الفيرنا تقريبا مع مراعاة عداد الكيلو لكل 516 ولكل فيرنا ستجد ان عدد الفيرنا المعروض للبيع اقل بكثير وال516 اكثر بكثير --وستجد عدادات الفيرنا 70000كم اقل بقليل او ازيد بكثير-اما ال516 فستجد سيارات 2010 معروضة وكل العدادات من اول500كم وحت15000/18000/25000--/ولم اجد سوى سيارتين احداهما 2008 ماشية 50000كم والتانية 2007 وماشية 100000كم--فما ترجمة كثرة المعروض للبيع ولم يمضى على استخدامة مايبرر بيعة والخسارة فية-------ولماذا تنفرد ال516 بهذة الظاهرة-------اما مسالة سؤال الناس ورايهم فى العربية فى الشارع فانا وضحت قبل كدة ان دى ثقافة عامة ان الناس متقولش على العيوب اللى فى ممتلكاتهم بل وتنفى نفيا قاطعا وتؤكد العكس مخافة الشماتة او الظهور بمظهر الساذج اللى ضيع مدخراتة وكمان عشان يعرف يبيعها----لذلك بقول لسيادتك راجع لغة الارقام ومشاركات الاعضاء فى قسم ال516 لان الناس هنا كلنا عندنا مشاكل واستفسارات وعايزين حل ليها فاالناس هتكدب لية مفيش مبرر لو كدب مشكلتة مش هتتحل------واما فيما يتعلق باالتوكيل فالتجربة خير دليل والناس قالت انه كان سىء واصبح ممتاز وباالتحديد توكيل اسكندرية----واخيرا اخيرا ربنا يوفقك
أخى العزيز ..mazymazy
من المتوقع دائما أن يختلف الناس فى الفهم والأراء .. ولكن الكبار بالعقل والحضارة يعرفون كيف يختلفون دون أن تفسد مودتهم وأحترامهم لبعضهم .
ومن الجميل أن نجد أنسان يهتم بالتدخل بالتوضيح وأزالة سوء الفهم بين أشخاص لا يعرفهم
ولا يفعل هذا ألا من كان لة رصيد كبير من الفضائل والأحترام .
أكرر الشكر لك ولأخى أ / أسامة ..
وادعوا زميلنا المحترم / shoayman
لأن يواصل الكتابة فى موضوع المقارنة الذى بدأة وسيكون لنا معة حوار مثمر ومفيد للجميع بأذن الله .
أما بالنسبة للسيارة فهل فكرت فى أن تضع فى أهتمامك السيارة JAC B15 وهى سيارة رائعة جدا ..
ووفقك الله لما فية الخير
وتحياتى .
الاخ ابو جيسى
أشكرك على كلامك المحترم و ارجو من حضرتك ان لو عندك اى لينك يخص السيارة الجاك او اى معلومات عنها ارسالها لى فى اسرع وقت ممكن . اشكرك
سيارة رائعة فعلاً .. وكمان الأنجلون اللي شفتها على الطبيعة عند أبو غالي .. سيارة قنبلة .. بس هل حضرتك فكرت في سعرهم اللي وصل 78 ألف جنية .. ومش عاوزين ننسى "الفاتنه" بريليانس fsv .اقتباس:
أما بالنسبة للسيارة فهل فكرت فى أن تضع فى أهتمامك السيارة jac b15 وهى سيارة رائعة جدا ..
هما فعلاً تقفيلهم وخاماتهم جيدة جداً .. مش جيد زي الاسبرنزا والبي واي دي .. وتكنولوجيا المحركات فيهم أعلى .. بس يظل العامل المادي هو المتحكم في الأول والأخر .. وإلا كل الناس ركبت بي أم ومرسيدس .. حتى حيختلفوا في أنهي واحدة فيهم الأحسن .. فهذه طبيعة بشرية .
عزيزى .. باسم
هذة السيارات ليست أغلى من byd !!!
وستقول كيف هذا مع فارق السعر .. وسأوضح كلامى ..
السيارة jac ثمنها 78000 مستوردة بالكامل ..
والسيارة byd كانت تباع مستوردة قبل التجميع المحلى وثمنها 82000 وعندما نزل ثمنها أصبحت تباع بقيمة 78000 وهذا أخر ثمن لها مستوردة .. ونلاحظ أنة نفس ثمن jac
أذا سعر المستورد واحد .
أما ثمن byd الحالى فهو 66000 صناعة محلية .
أرجو أن ترسل لى الأيميل على الخاص .. وسأرسل لك بأذن الله :
- مجموعة صور تفصيلية للسيارة jac ومواصفاتها
- مجموعة صور تفصيلية للسيارة byd
مع توضيح الفروق بين موديلاتها المختلفة .. وبيان كامل بجميع الكماليات الموجودة بها .
- مجموعة صور تفصيلية للسيارة أسبيرانزا والكماليات الموجودة بها
وأتمنى أن يوفقك الله فى الأختيار بينهم .
اولا احب اقدم كل تقديرى لجميع اعضاء النادى المحترامين الكرام وبشكر كل من ساهم فى توضيح وجهة نظرى واحب اوضح وجهة نظرى لما قولت ان منتدى اسبيرانزا فية مهندسين محترامين لرد عن كل الاستفسارت ..بان اقصد ان منتدى اسبيرانزا منتدى خاص فففففففففففقط باسبيرانزا ودة يتيح تخصص اكتر ولم اقصد اىىىىىىىىىىىىىىى تقليل من شأن اعضاء هذا المنتدى الكرام.....واكبر دليل انى غير متحيز لاى عربية انى بفكر اغير ل بى واى دى ....ويارت اكون وضحة وجهة نظرى وشكرااا
( تصحيح )
أعتذر لأنى نسيت أن أكتب أن السيارة byd f3 gli أصبح ثمنها قبل أيقاف أستيرادها 74000
ولكن هذا الثمن كان سيرتفع قطعا لو كانت تستورد حتى الأن بدليل زيادة ثمن السيارة المجمعة محليا بسبب زيادة سعر الدولار .
أذا فهذا لا ينفى أن سعرها مماثل للسيارة jac
الأخ shoayman المحترم
نشكرك للتوضيح وجازاك الله بالخير .. وقد أنتهى الموضوع تماما حتى قبل هذا التوضيح ..
وأرجو أن تواصل موضوع المقارنة لأهميتة ..
خصوصا وانا احاول ان أجمع لزميلنا العزيز mazymazy مواصفات وكماليات الأسبرانزا لتكون جاهزة لأرسالها لة لمساعدتة ليتم المقارنة كاملة ..
وأظن أنك تستطيع أن توفر علينا البحث فى هذا .
خصوصا وأنى جهزت لة لينك لمواصفات السيارة JAC B15
كما أن مواصفات BYD جاهزة .. وجميع الصور التفصيلية للسيارات الثلاثة عندى بالفعل .
فأرجو أن تساعدنا فى ذلك .
ولك جزيل الشكر وتحياتى .
يا باشا اى حد محتاج اى استفسار انا تحت امرة اما بنسبة للكماليات الاسبيرانزا
1-تكيف اوتوماتيك وتاتش لضبط درجة الحرارة على درجة موحدة + شاشة دجيتال يمكن من خلالها قياس درجة الحرارة خارج السيارة
2- باور ستيرنج
3- 4 زجاج كهرباء يعمل بنظام لمسة واحدة
4-سنترلوك يغلق اوتومتيك بعد سرعة 45
5-انذار
6-مفتاح ريموت ايمولايز لا يمكن ادارة المحرك الا من خلال النسخة الاصلية وذلك للحماية من السرقة
7-كشافات شبورة
8-عدسات متحركة لضبط زوية الاضائة
9-شمسات موضيئة
10-عداد لقياس معدل الاستهلاك للبنزين
11-كاست شرايط + سى دى كلاريون + 6 سماعات
12-حزام امان متحرك لضبط الارتفاع المناسب
13- مصباحين صالون + كشافين للقرائة
14- اغلاق زاتى لجميع الانور بعد 15 دقيقة فى حالة عدم استخدام السيارة وذلك للحفاظ على مستوى الطاقة فى السيارة
15_عدم امكانية فتح الشنطة عن طرق الخطاء اثناء السير للحفاظ على الامتعة
16-جنوط اسبور + استبن اسبور
17-كشافات شبورة خلفية + استوب خلفى
18-مخرج طاقة +ولاعة سجائر بطفاية موضيئة
19-قضبان فولازية باللابواب للحماية فى حالة الحوادث لا قدر الله
20- غطاء داخلى للكبود والشنطة
21- دواسة بنزين كهرباء
22- مساند راس امامية متحركة راسيا واوفقيا ومساند خلفية
23- مسند ظهر خلفى متحرك لدمج الشنطة + مخدع يد خلفى
24- فرمل abs , ebd
واى حد يطب اى حاجة يامر
اة..وكمان عداد ار بى ام
وساعة دجيتال
ومعلش فية حاجات تانية نسيها
بارك الله فيك على الأفادة السريعة
وكما كنت دائما أقول :
( أنة لا أحد يعرف سيارة أفضل من مالكها )
مع جزيل الشكر
مع احترامى لسعادتك واعجابك بالسيارة اسبيرانز ولكل وجهة نظر
ودائما وابدا يوجد الراى والراى الاخر وليس مع وضد
عندما كنت فى مصر من عام تقريبا ونويت على شراء سيارة زيرو كانت اسبيرانزا مرشحة لى بقوة
وكنت دائما اتعمد ان اركبها كتاكسى عند التنقل داخل القاهرة واسأل دائما اصحابها عن رايهم فيها والتسارع والعفشة والمكيف الخ
صراحة صرفت نظر تماما من الوهلة الاولى ولو سالتنى لماذا قد تكون اجابتى غير مرضية او تحدث زعلا ولكن هذا انطباعى الشخصى
خامات البلاستك المصنوع منها التابلوه سيئة للغاية وكذلك شكل العدادات فكرنى بلعب الاطفال
حالة المكيف وتوزيع الهواء يرثى له فكرنى بالمراوح البلاستيك اللى بتتباع هدايا مع الاكل عندنا فى السعودية
شوفت فى الشارع كام عربية عطلانة منها كان الركبة كلها فاصلة من جسم السيارة
الصراحة انا اترعبت والمفروض انها تكون اقل من كدة بكتير فى السعر
ولو كان فيها كماليات زى اللى حضرتك ذكرتها مرة كمان هقولك الكلام ده كله اكذوبة واشياء منخفضة الجودة فقط لابهار المشترى انه السيارة فيها وفيها لكن كوظيفة لاشئ
اركب byd وامسك فرامل وشوف ازاى abs شغال زى اى سيارة يابانى او المانى محترمة وجرب فرامل سبيرانزا وقول لنا ايه رايك
انا اقول هذا الكلام ويعلم الله انى لا اعيب فيها او اوجه اى اهانة لاى احد ولكن فى ناس بتروح تدفع دم قلبها وتشترى بناء على شهادتنا هنا فى المنتدى ولذلك لازم يكون كلامنا بما يرضى الله
يا ايها الذين امنوا كونوا قوامين بالقسط شهداء لله ولو على انفسكم او الوالدين والاقريبين
موضوع قطع الغيار الغالية لل byd ده كان زمان ودلوقت قطع غيار byd رخيصة جدا واحد الزملاء ذكر ليك قائمة بالاسعار ويمكنك ان تقارن
اعتقد كنصيحة لاى احد يريد سيارة يعتمد عليها 5 سنوات بدون اى تدخل او خسارة يبقى byd فى حدود هذه الشريحة السعرية
وبامانة شديدة jac b 15 والانجلون هى اللى احلى وافخم من byd بس المشكلة فى استمرارية السيارة وبقائها فى السوق
كيف اشترى سيارة وليس منها فى مصر كلها الا عدد يتعد على الاصابع ولو التوكيل بكرة قفل اعمل ايه
byd مافيش مشكلة ابدا ركب متسوبيشى وتويوتا ومشى حالك
لكن هتعمل ايه فى الانواع التانية؟
انا مثلا ناوى لما ارجع مصر ان شاء الله هشترى سيارة تانية ومنشن على byd اوتوماتك لكن لو جد فى الامور امور واصبح فى مصنع يجمع الجاك او الانجلون وانتشرت وتاكدت من توفر قطع غيارها واعتدال اسعارها يبقى اشترى وانا مطمأن
الا اذا byd نزلت موديل g3 او L3 ساعتها موش هتنسى الانجلون والجاك هتنسى الكورولا والسيراتو كمان
ادخل المنتدى بتاع الصينى العام وشوف ناس اشتروا سيارة اسمها فاو وشوف المهازل اللى تعرضوا ليها بسسب ندرة وجودها وعدم توفر قطع غيارها وانت تحسبها صح
تقبل تحياتى وارجوك لا تزعل منى
[frame="1 80"][frame="1 80"]إخوانى الأعزاء انا مش عارف اقولكم ايه بصراحة على مجهودكم معايا لمساعدتى فى شراء السيارة
بس انا احب اشارككم معايا و انت بصراحة مبقتوش غرب عنى أن كل اللى معايا 65000 جنيه
#ff0000 وده بصراحة اخرى لانى معنديش استعداد ازود اكتر من كده عشان عربية فى الوقت الحالى لانى عندى التزامات تانية وبصراحة انا كنت عازم انى اطلع عمرة السنة دى لانى بقالى سنتين مطلعتش ف بصراحة العربيات اللى من نوع JAC B15 غالية عليا اوى او اى عربية اكتر من 65000 غالية عليا فى الوقت الحالى والمثل بيقول كل برغوت على اد دمه ههههههههه:POINTIy2[2]:
فأرجوكم اللى عنده معلومة عن العربية BYD يبعتهالى لانى فعلا كده محتار بين 3 عربيات بصراحة و هم :
1 - الاسبيرانزا A516
2 - رينو لوجان - او نرجع للاصل و نقول داتشيا لوجان
3 - BYD F3
أرجوكم ساعدونى لانى فعلا محتااااااااااااااار وبصراحة حطوا نفسكم مكانى
ولحد معهوش غير الفلوس دى و انتم عارفين البلد دى الفلوس فيها بتيجى بطلوع الروح ازاى ومش من السهل ان الواحد يجازف بفلوسه كلها ف حاجة مش مضمونة
مع العلم انى عارف كل مميزات الاسبيرانزا و سألت عنها طوب الأرض زى مابيقولوا وبصراحة انا روحت كمان عملت TEST DRIVE ولقيتها حلوة فعلا فى السواقة او على الاقل احلى من العربية الفاشلة اللى معايا VERNA 2008 تقفيل مصرى:11:
ياريتنى مابعت الابيزا اللى كانت معايا كانت زى الفل بصراحة كل عيبها انها ماكانش فيها تكييف ولا باور .:I_angr1[1]:
برجاء وضع اللينكات الخاصة بالسيارة الـ BYD F3 هنا أو ارسالها على الايميل الخاص بى
moutaz_yasser_elwy@yahoo.com
[/frame]
أخى الكريم حياك الله
المنتدى كله كلام على سيارتنا الجميلة byd يمكنك قراءة المشاركات للاخوة الاعضاء وخاصة المواضيع المثبتة ستجد قدر وافر جدا من المعلومات
انا حاسس انك متردد وهى دى المشكلة بغض النظر عن نوع السيارة اللى هتشتريها
زى ما جربت الاسبيرانزا جرب byd وجرب اللوجان واستخير ربنا
بعدين اشترى الحاجة اللى انت مقتنع بيها علشان ماتندمش
وبعدين حضرتك عندك خبرة ما شاء الله فى السيارات وكان عندك سيارتين قبل كدة يعنى تقدر تختار على اساس صح
وهمسة فى اذنك لو انت معجب بالاسبيرانزا يبقى مستحيل هتعجبك اللوجان لانها اصغر حجما وفقيرة جدا من اى كماليات وتكنولوجيا محرك قديمة وسحبها سيء جدا (8 صباب بس)يعنى على ماتجيب 120 ك/س يكون مر ردح من الزمن وبالمناسبة قطع غيارها غالية واستهلاك بنزين مرتفع ويمكنك تدخل منتدى اللوجان وتشوف مشاركات الاعضاء
يبقى الاختيار الان بين اسبيرانزا و byd
يبقى تجرب الاول وتستخير ربنا واذا عزمت فتوكل على الله
واهلا بيك اخ لينا فى منتدى byd حتى ولو جبت BMW
تقبل تحياتى
[[frame="1 80"]الاخ العزيز lonedoctor انا متشكر جدا على ردك عليا بجد و الحقيقى انا فعلا كنت متردد و مازلت لان الفلوس تحكم الوضع فى الاول فى الاحر بس اهوه ادينا بنحاول نركب حاجة محترمة على اد مانقدر بالفلوس اللى معانا .... وعلى فكرة انا متشكر جدا على مقولتك انى عندى خبرة فى العربيات ودى حقيقة لانى بسوق من 20 سنة تقريبا و سقت عربيات كتير من ايام ماكان عندى 18 سنة وده سبب المشكلة الحقيقية لانى اغلب اللى سوقته كان المانى و يابانى و فرنساوى
على العموم انا تقريبا اخدت بالى انى مقتنع بالاسبيرانزا لانك اخدت بالك من غير ماقول وواضح انى غصب عنى بيظهر اقتناعى بيها
بس الحقيقة برضه انى دلوقت بافكر جديا فى الـ BYD وبصراحة ناوى ان شاء الله انى اروح توكيلها فى سموحة عندنا ف اسكندرية و ناوى ان شاء الله برضه انى ازور مركز الصيانة عشان اقابل الناس على الحقيقة هناك و اعرف منهم رايهم فيها وايه المشاكل اللى قابلوها
لانى وللاسف من النوع اللى بيحب يدور كويس اوى على الحاجة اللى بيعملها او يشتريها قبل مايشتريها
ومعرفش بصراحة ده عيب واللا ميزة بس الحقيقى انى ماعنديش كل يوم 65000 جنيه عشان ادفعهم ف عربية
والله الموفق
وحسكم معايا ان شاء الله لحد ماشترى وان شاء الله برضه لما اشترى عمرى ماحسيب المنتدى المحترم ده والناس الاكثر احتراما اللى موجودين فيه
[/frame][/ALIGN][/CELL][/TABLE....][/ALIGN]
بسم الله الرحمن الرحيم
السلام عليكم و رحمة الله و بركاته
انا عملت موضوع عشان سعر العربية و بسم الله ما شاء الله علي الاعضاء المحترمين المتميزين و انا عارف ان دي اخلاق اعضاء نايل موتورز انا يدوب بقالي 3 او 4 ايام سايب الموضوع لظروف خاصة و رجعت لقيت تقرير شبه مفصل بين السارتين BYD F3 و اسبيرانزا A516و فعلا دول اللي والدي كان بيقارن بينهم..انا مش عارف اقول اية ..بس وبعد البحث ونا بدور كنت عايز طلب صغير
ممكن حد يجيب الCrash Test لكل عربية عشان مبدا الامان عامل مهم جدا و انا شفت Tiggo لقيتها مش قد كدا من حيث الامان
و الف شكر للمنتدي BYD المحترم و لكل المنتديات الاخري المحترمة في نايل موتورز
و اعتبروني ابنكم الصغير لحد ما ربنا يسهل ونشوف نبقي BYDويه ولا اسبيرانزاويه
والف شكر
السلام عليكم و رحمة الله و بركاته