الموضوع: للبيع سيارة سوبر فيورا موديل 87

المشاركة الأصلية كتبت بواسطة i_am_legend

عربية محترمة_من شخص محترم_وسعرها حلو جدا وتساوى أكتر شوية

الف شكر يا أحمد باشا و بما أنك راكب 127 و عارف عيوبها و مميزاتها أنت عارف الموتور الى أنا مركبة زى بتاع التوب على فكرة مش بتاع نصر يعنى الى هوة بعمة حديد مش بلاستيك و طبعا مش عاوز اقولك لما جيت اشترى الموتور جربت حوالى 5 مواتير و أخدت واحد و بعد ما ركبتة فكناة تانى يوم لان كان فية عيب ممكن يتصلح ب 100 جنية بس فكيتة و غيرتة و أنت بما انك راكب 127 أية رأيك فى قطع الغيار الى راكبة أنا لسة ما نزلتش صور أنت عارف انا بوثق كل حاجة بصورة بس مستنى أوضب النواقص و أكمل باقى الصور و على فكرة انا مركب توصيلات كهرباء زى الضفيرة من الباب الى التابلوة لانى كنت مركب زجاج كهرباء بس فكيت المكن الكهرباء و ركبت المكن المانيوال العادى الاصلى الى كان راكب بس ما رضيتش أشيل السلك مع العلم انة يساوى فلوس لو حد حب يعملة يعنى ثمن سلك و مصنعبة تركيب سيبتة زى ما هوة الى عاوزو يركب زجاج كهرباء يركب المكن الكهرباء و يوصل السلك بشريط لحام فقط

أستاذ هشام أنا لى إإستفسارين:
1- أخبار رقم الشاسيه إيه؟ لسة موجود على الفخدة ولا إتمسح من الدهان؟
2- أنا أعرف إن موتور التوب 1050 سى سى مش 900 سى سى فإزاى حضرتك بتقول إن اللى راكب لها موتور التوب؟؟

و أخيراً واضح إن العربية نضيفة، موفق فى البيع إن شاء الله

المشاركة الأصلية كتبت بواسطة walidhassan

أستاذ هشام أنا لى إإستفسارين:
1- أخبار رقم الشاسيه إيه؟ لسة موجود على الفخدة ولا إتمسح من الدهان؟
2- أنا أعرف إن موتور التوب 1050 سى سى مش 900 سى سى فإزاى حضرتك بتقول إن اللى راكب لها موتور التوب؟؟

و أخيراً واضح إن العربية نضيفة، موفق فى البيع إن شاء الله

رقم الشاسية موجود على الفخذة ممكن يكون ناقص النجمة الى بتبقى قبل النمرة بس طبعا النمرة موجودة و الملف معمول فية مطابقة رقم شاسية كذا مرة بص حضرتك الامور القانونية أنا زى السيف فيها و باخد بالى منها و حا أقول لحضرتك حاجة ساعة الفحص أوتوماتيكيا الى بيجى يرفع البصمة بيفتح الباب الشمال بتاع السواق و بياخد النمرة من على القايم و بياخدها برضو من الفخذة الى على الكارتيرة اليمين و طبعا لما كنت برش العربية كنت ببقى حريص جدا مع الصنايعية العباقرة علشان ما يطيرش النمر بالذات السمكرى و بتاع الدوكو قولت لة اوعى حسك عينك تعمل على النمرة معجون و تطمسها ما تقلقش موجودة يا فندم و بالنسبة للموتور التوب ليها موتورين واحد 900 سى سى و دة قطع غيارة عادية زى ال 127 بالميلى و الثانى ال 1050 سى سى و دة شوفت منة و ما رضتش اجيبة لان قطع غيارة غالية و مكتوب علية صنع فى البرازيل بس دة ما جبتهوش حاجاتة غالية و مش متوفرة و دة صورة للموتور بس العربية لسة بوضب حاجات فى الكهرباء بتاعت الفوانيس و بقفلها

المشاركة الأصلية كتبت بواسطة i_am_legend

ماشاء الله جميلة_بالنسبة للموتور_هو فعلا بتاع 127 سبعينات تقريبا_انا كان عندى نفس الموتور دة فى عربيتى الأيطالى مو 74_موتور كويس وبيجرى_بس ال1050_حاجة تانية!موتور حامى_وصوتة أهدى لأن سير الكاتينة كاوتش مش جنزير_قوتة زى ال1300 بتاع 128

ههههههههه بص المرور كاتب أنة 900 سى سى مش حا اعدل على المرور مكتوب 900 سى سى و مثبوت على الرخصة من السنة الى فاتت يا باشا و هو فعلا موتور كويس لما العربية بتبقى فايقة بجيب 130 بسهولة نسبيا

المشاركة الأصلية كتبت بواسطة i_am_legend

فعلا الموتور دة قوى جدا_بالذات مع الفتيس 5 غيار_غير كدة _دة أحسن من موتور السوبر فيورا لإنة إيطالى _مش اسبانى .

بص يا احمد و الله الى حا أقولة لك دة حقيقى أنت عارف زميلنا مايكل الى فى رابطة التمبرا الى معاة عربية لانشيا مرة قابلتة كنا مع بعض و أنا كنت ب السوبر فيورا و كان ماشى ورايا علشان نيجى عند البيت عندى أنت عارف أن انا مش شاب صغير فى العشرينات بس بحب اجرى مايكل لما وقفنا قالى ما شاء الله هشام انا كنت دايس بنزين شوية علشان احصلك