سؤال بخصوصنقلات فتيس الاوتوماتيك للصني 2011

**ygamgoum** · 06-01-2011 11:19 AM

سؤال بخصوص نقلات فتيس الاوتوماتيك للصني
ازيكم يا نيسانوية واحلى قسم في نايل موتورز انا لسة جديد في الاوتوماتيك. انا حبيت اشوف العربية وقولت أشد واشوفها على السرعات لاني مكنتش بجري بيها خالص لحد صيانة 1000 المهم وانا رايح العبور في طريق الا سمعالية شديت مع عربية هوندا سيتي وجبت 140 وكانت داخلة على 150 بس فوجئت ان الار بري ام واقف على 3 ومبينزلش خالص مش عارف هو كدة طبيعي ان الا ار بي ام يفضل ثابت ومينزلش ولا كان لازم ينزل بس وقفت ومشيت على 80 -100 تاني. وعلى فكرة انا ملقتش لامبه الصفراء بتاعة السرعات فوق نورت.

**aiman0173** · 06-01-2011 10:55 PM

أنا بصراحة مش فاهم يعني ال rpm منزلش لما سرعة العربية نزلت وهل كنت شايل رجلك من على البنزين خالص
شوف هو ال rpm بيكون على 2.6 تقريبا عند سرعة 90 و3.1 عند 120 وبيزيد طبعا كل لما السرعة تزيد ولما السرعة تنزل لازم ال rpm ينزل هو كمان بالتدريج مع نزول السرعة ولو شيلت رجلك من على البنزين خالص المفروض ال rpm بينزل بسرعة أكتر من نزول عداد السرعة
ياريت أكون أفدتك

**ygamgoum** · 06-01-2011 10:59 PM

الف شكر يا باشا هو انا فعلا كنت دايس على دواسة البنزين و rbm فضل ثابت على 3000

**aiman0173** · 06-01-2011 11:15 PM

المشاركة الأصلية كتبت بواسطة ygamgoum

الف شكر يا باشا هو انا فعلا كنت دايس على دواسة البنزين و rbm فضل ثابت على 3000

يبقى في الحالة دي اكيد كانت سرعتك 120 أو أقل شوية لكن لو شيلت رجلك من على البنزين خالص في الحالة دي لازم ال rpm ينزل خالص ممكن في حدود 1.5 أو 2 وسرعة العربية هتنزل بالتدريج حسب ظروف الطريق

**ygamgoum** · 06-01-2011 11:25 PM

فعلا صح انا كنت على 140 والا rpm كان ثابت ولما نزلت السرعة الاrpm نزل. علشان انا كنت فاكرها زي المانيوال لما اجيب ناقلة كان ال rpm يعلى وأول ما اجيب الناقلة التانية ينزل ال Rpm وبيتدي يعلى وهكذا

**aiman0173** · 06-01-2011 11:37 PM

على فكرة هو نفس النظام في الاتوماتيك يعني ال rpm بيعلى ولما العربية بتنقل للنقلة الاعلى ال rpm بينزل ويبدأ يطلع من جديد لحد النقلة الجديدة بس طبعا بعد سرعة 90 بيكون الجير نقل على النقلة الرابعة والاخيرة وبالتالي كل لما تزود بنزين بتزيد معاك لفات ال rpm لأن معدش فيه نقلات تاني زي المانيوال لما هتجيب النقلة الخامسة وتبدأ تزود بنزين هيفضل ال rpm يزيد معاك

**ygamgoum** · 06-01-2011 11:42 PM

ربنا يكرمك يا باشا ومعلش انا مكانش عندي فكرة عن نقلات الاوتوماتيك. لاني كنت متعود على المانيوال. وفعلا انا كنت عمال ازود بنزين فأستحالة كان ينزل غير لما انزل السرعة وجزاكم الله كل خير