شكرا ليم يا مان انت وضحت حاجات كتير و كل الكلام دة و تقولى مش خبير :E_braces[1]:
بس ايه موضوع البطارية دة انا عندى بطارية خافة ولا مش بتفرق ؟ و هى تخلص لما اركب العدة دى كلها و لا انت تقصد و انا مبطل العربية و مشغل الكاسيت ساعتها ممكن تخلص ؟؟؟
عرض للطباعة
كلامك مظبوط :S_thum1[1]:
بس فى نقطه
انا مركب اربع سماعات ورا 400 وات الصوت على جى ام اكيد زى م بتقول مفيش توزيع للصوت
بس دا اسهل مكان لتركيب السماعات و اربع سماعات ابواب صوتوهم كويس لوحدهم و متوزعين بس اما شغل الجى ام الاربعه اللى ورا بيغطو على كل حاجه :8954[1]:
حوار توزيع الصوت نفسى اعملو ... قصدك اغير سماعات الابواب ؟ بس انا مشفتش حاجات دائرى صوتها زى البيضاوى .. كلو صوتو اقل .. و مفيش صندوق فى الابواب عشان يديك صوت تخين او بيز قوى ..
ياريت تقولى رايك ...و فى نقطه كمان اما فتحت الابواب لاقيت سماعات الابواب متبرشمه بكلبسات مش مسامير:I_angr1[1]:... مفيش امل تتغير !!!! غير ببهدله
لو انت بتسيب العربيه شغاله مفيش مشكله ... بس اما تطفى العربيه و تشغل الكاسيت على الجي ام بتستهلك البطاريه جامد ..هى مش هتبوظ على طول هوا كده كده سواء انت طافى العربيه او شغاله العمر الفتراضى بيقل للبطاريه يعنى لو بتعيش سنه هيبقى 7 او 8 شهور
بس مثلا لو سيبت الكاسيت شغال و انت طافى العربيه .. نص ساعه او ساعه و تكون البطاريه جابت ارض
(و دا اغلب الوقت لانك مش هتتحمل تعقد جوا العربيه :E_braces[1]:)
فههتضر تشغل الكاسيت بصوت واطى او معقول فمش هتستفيد من البزوكا فى حاجه
(الصوت المعقول قصدى تقدر تتحملو مفيش مشاكل لو عالى ) فاهتم اكتر بجوده الصوت و جوده البيز .. شوف اغلب استخدامك ايه !! و هات حاجه تناسبك
بص يا باشا انت المهم عايو ايه في العربيه صوت كويس لنفسك و توزيع كويس ؟ ولا بيز عالي و الناس تقول ايه الارف ده و انت معدي من جنبهم ؟ ههههه بهزر بس سعات بيبقي الصوت عالي اوي بذياده معرفش جوه ازاي بيبقي مستمتع
لو التاني انا معرفش بصراحه لو الاول هاحاول افيدك بس انا هارغي كثير خلي بالك هه
بص يا سيدي اهم حاجه في الموضوع ( لو انت السواق ) الجزء الامامي من العربيه .. انت ودانك فيين هههه في ضهرك ولا في الجناب اكيد في الجناب يعني عايز تسمع صوت من اليمين و من الشمال زي الهيدفونز + ان يبقي في توزيع صوت زي ما تكون قاعد في اوبرا او حفله او حتي سينما .. لما تبقي بتسمع تحس الصوت جاي من الامام و ورا و شمال و يمين و من كل حته يبقي ايه اهم نقطه الي الان .... التوزيع .. طيب ايه هو اللي احناعايزين نوزعه تخيل نفسك في حفله و الحفله دي في عربيتك .. هاتبقي ضهرك للحفله ؟ ولا الحفله قدامك كان في صوره توضيحيه لما كنت ببحث في الموضوع ده واحد عملهالي كده عشان يفهمني
http://i115.photobucket.com/albums/n...bi/tobsent.jpg
بص هتلاقي انك عايز تسمع الصوت و علي الاقل تبقي تقدر تحدد صوت المغني في السينتر ( اللي هو ماتبقاش عارف هو جاي منين ورا ولا قدام ولا فيين ) و في الاصوات المتوسطه زي الجيتار و البيانو و الالات اللي بتبقي عارف تحددها كويس لما بتسمع اي اغنيه بتبقي في الجنب اليمين و الشمال و الدرمر اللي هو بيلعب الترددات المنخفضه اللي هي البيز في الخلف ورا لان مش مهم مكانه لانه شامل كل الاتجهات و مش مهم تعرف مكانه .. و في الاصوات اللي التردد فيها عالي بتبقي لازم تعرف تحدد مكنها مثلا زي صوت عصفوره مثلا او اي اله ممكن تعمل ترددات مرتفعه و في وصت معمعه الصوت بيبقي صعب تحدد اتجهاهم عشان كده توزيع مكانهم بيبقي صعب شويه في الحفلات ..
اللي احنا عايزين نعمله في العربيه هي الحفله دي او السينما اللي متعرفش الصوت جاي منين .. بمعني انك سامع الصوت كويس جدا بس مش قادر تحدد بالظبط انه جاي من الباب او من شنطع العربيه او من اي مكان فيها هي دي اصعب حاجه في الموضوع بس بتوع العربيات سهلوه علينا بعمل اماكن في العربيات للموضوع ده
بص الصوت متقسم ل3 باختصار ... ميدرانج و ده صوت المغني و الصوت الرئيسي بتاع الجيتار و الكلام ده.. و بيز زي الدرمر و البيز يعني معروف .. الاصوات الرفيعه اللي هي السكسكه و الكلام ده ..
البيز مش مهم مكانه ان شاالله تحطه في الشنطه مش مهم لان لا تلاحظ في اي حفله او اي حاجه الراجل بتاع البيز مش مهم مكانه او فين لان البيز مش بيتوزع .. و دي مهمه الصب
طيب نيجي فيين نحطهم ؟المدرانج و التويتر .. الميدرانج اللي هو اهم صوت هو ده مهمه السبيكر الاساسيه .. يعني المفروض ده اهم مكون عندك تجيبه مظبوط عشان ترتاح .. طيب مكانه فيين الحمدلله ان بتوع العربيات تعبوا و فكروا لحد ما لقوا افضل الاماكن اللي هي الابواب و مكانها في كل العربيات و اللي احنا هنا في مصر لازم نغير و نحط ورا و خلاص .. السيبكر يفضل انه يكون ميدرانج بس يعني 1way عشان الصوت يبقي مجسم .. يعني ماتجبش سماعه فيها 6 واي و تبقي فاكر انها هاتئدي معاك بالعكس .. و دي اللي مكانها دايره حمرا كبيره في الصوره والتويترات داير حمرا صغيره في الصوره مكانها ممكن زي اللي في الصوره او مثلا انا العربيه السوبارو عندي في مكان للتويتر في العربيه عند المقبض بتاع الباب و ده مكان كويس اوي او ممكن كمان عند الدواسات بس مش كويسه زي ما تبقي فوق عشان زي ما تفقنا فوق ان الاصوات التانيه بتحاول تلغيها فلازم مكانها يبقي معروف
نيجي للبيز البيز اللي هو الصب ده حطه في اي مكان مافيهوش مشكله ..
يبقي احنا كده خلينا السبيكر ميدرانج لوحده و التويترات لوحدها و ده ايدي قوه اكثر و توزيع و نقاره افضل للصوت لان هابقي اي ميدرانج خارج من مكان و و اي ترددات عاليه من مكان تاني بدل ما كل حاجه طالعه من حاجه واحد بدون اي توزيع ولا نقاوه ولا اي جمال في الصوت .. و هو ده اللفرق لما تركب مرسيدس و تقول واو و بين انك تركب عربيه و اربع سمعات ورا و حركات و تقول الصوت عالي بس مش حلو .. و حتي لما المرسيدس ولا العربيات دي بتحط سمعات ورا بتكون حاسبه حسابها و بيكون بال اي شك في سمعات كمبوننت قدام برده و بيبقي نظام محسوب عملاه شركات كبيره اوي
اخر نقطه و هي مهمه اوي هي الواط و علاقته بالصوت العالي و البيز و كل ما سبق .. الواط الحقيقي بتاع السماعات او الكاسيت اسمه rms ال rms بتاع الكاسيتات هتلاقيه في حدود 20 22 كده يعني و بيدي مخرج ل 4 سماعات و انت بتبقي جايب سماعات السبيكر قول 300 واط بيكون مثلا الخرج الحقيقي منها 60 واط يبقي انت كده سماعاتك دي ممكن تجيب اكثر لان الخارج بتاع الكاسيت قليل .. و هايبقي قليل علي الصب برده عشان كده لو عليت عن درجه معينه هتلاقي الصوت مش مظبوط و حلو (( ال 300 واط ده هبل حركه تسوقيه معنها يعني ان ال60 واط دول خرجهم يعادل السماعات ال300 واط و لكن لو عليت الصوت عن درجه معينه هتلاقي انها لا 300 واط ولا نيله هههه ))
هنا بقي تيجي فاديه الامبليفير .. تجيب امبليفير يطلع خرج مناسب للصب اللي عندك و السماعات اللي عندك و توصل التويترات بالكاسيت نفسه لانها ضعيفه علي امبليفير هتلاقي الصوت افضل بكثير في ناس مش بتجيب امبليفير و و بيفضل الصوت جامد طبعا بس مش هاتعرف تعلي اوي ... اتمني تكون فهمت مني اي حاجه :8954[1]:
و علي فكره عشان كده سماعات الكمبوننت بتبقي غاليه اوي مش بتبقي موجوده في مصر يعني السيبيكر و التويتر الوحيده اللي لقيتها في مصر كانت سوني بحوالي 50 دولار علي ما اتذكر .. و في انواع بتوصل لمبالغ خرافيه و طبعا اكيد صوتها احلي بمراحل
زي دي
Amazon.com: CS 365 P Vanadium Kick - Rainbow Profi Vanadium 3-Way Component System: Automotive
سعرها الف و 50 دولار يعني احسبها بالمصري + الجمارك يجيبوا عربيه صغيره ههههههه
و الله العظيم انا مش عارف اقولك ايه انت راجل خبرة و محترم و انا اسف انى تعبتك معايا و فضلت تكتب كل دة عشان تفهمنى و الحمد لله انا فهمت بس سؤال اخير السماعاتالسونى ال 440 وات دى فيها توترات ولا لا لانى اسمع ان دلوقتى السماعات بيبقى جواها توترات و لا الافضل اجيب توترات لوحدها ؟؟؟
ahmad_290
أتمني اني امون افدتك في مشاركنتي اللي فاتت ...
لان اصلا لو قريت كلامي فوق السمعات السبيكر اساسا مش معموله عشان تطلع بيز لا اللي المفروض يطلع بيز هو الصب .. يعني صب و تويتر و سماعات ميدرانج و صب هاتبقي اوفرلك من امبليفير او اغلي شويه او ممكن اقل من انك تجيب اربع سماعات ورا + 4 سماعات تعبانين في الابواب .. انا شايف احسن حاجه في مصر كمبوننت و الوحيده هي السونياقتباس:
بس انا مشفتش حاجات دائرى صوتها زى البيضاوى .. كلو صوتو اقل .. و مفيش صندوق فى الابواب عشان يديك صوت تخين او بيز قوى ..
معظم للي في مصر بيضاوي و جواها تويترات او دائري و جواها تويترات و انا مش بحب ده انا زي ما قلتلك بحب الصوت يبقي متوزع و نقي يعني كل حاجه لوحدها .. ميدرانج لوحدها و تويتر نظيف لوحده و صب بوحده ...اقتباس:
و الله العظيم انا مش عارف اقولك ايه انت راجل خبرة و محترم و انا اسف انى تعبتك معايا و فضلت تكتب كل دة عشان تفهمنى و الحمد لله انا فهمت بس سؤال اخير السماعاتالسونى ال 440 وات دى فيها توترات ولا لا لانى اسمع ان دلوقتى السماعات بيبقى جواها توترات و لا الافضل اجيب توترات لوحدها ؟؟؟
طبعا دي مش موجوده في مصر يا عم ميين هايشتريها ب 8000 الف جنيه :]:]:]
اللي لقيتها في مصر سوني و انا نازل اجيب واحده انهارده ان شاء الله من راجل قدام السراج اهي
Amazon.com: Sony XSGTX1620S 6.5-Inch GTX Series Component Speakers: Automotive
طيب معلش رقم الموديل بتاعها ايه او شكلها ايه و معلش سؤال غبى ال component دى افضل من السماعات العادية ؟؟؟ بس دى شكلها عامل زى ال sub بس اصغر منه ....
و معلش قولى اركب ايه فى العربية ؟؟؟!!