الموضوع: خلع الضرس -- ربنا يستر

يا جماعة أنا واقع فى مشكلة صحية ومش عارف لها حل ومش مطمئن من دكاترتنا فى مصر بخصوصها
المشكلة إنى عامل Open Heart وباخد دواء لزيادة سيولة الدم ... كويس
المشكلة بقى إنى حاليا محتاج أخلع ضرس وأنا عارف إن مشكلة خلع الضرس والجراحات عامة بالنسبة لمرض فى حالتى تشكل خطورة ومشكلة لأن ممكن يحصل نزيف أو تلوث ميكروبى يؤثر على الصمامات بالقلب .
ده بالإضافة إلى إرتفاع نسبة السكر فى الدم وعدم إنضباطها
كده بقوا مشكلتين

برج من دماغى حيطير مش عارف أتصرف وواقع ما بين ألم الضرس والخوف من الخلع .
خايف جدا وخوفى له سبب وهو إن دكاترة الأسنان معظمهم ما بياخدش فى اعتباره الخلفية المرضية للمريض وبيركز بس على الإجراء اللى حيعمله سواء حشو أو خلع أو كذا
و حتى دكتور القلب ممكن مايفيدكش بحاجة لو قلت له محتاج أخلع ضرس .

أنا مكتئب بسبب الموضوع ده ومش عارف أتصرف خالص فضلا عن إنى كمان من النوع إللى بيخاف من دكتور الأسنان جدا جدا