احمد فؤاد نجم

**mobmob2010** · 06-01-2011 06:16 PM

‎ينصر دينك يا بطل

قتلت ناس عُزًّل كتير

ستات، شيوخ وكمان عيال

ازحت عنا خطر كبير

دي ناس بتقول الله محبه

والمحبه دي شئ خطير

إقتل بطرس

وإقتل مينا

اللي إخواتهم

ماتوا في سيناء

واللي ولادهم

رقصوا فـي فرحك

واللي فـ ميّتم

بيعزّينا

إقتل ماري

وطنط تريزا

دول ناس مافيهومشي ولا ميزه

دايمًا كده يبتسموا في وشك

ويقولوا اهلاً

خطوه عزيزه

وإقتل برضه

عمّك حنا

في اي خناقه

بيحوش عنّّا

غاوي يصّلح

بين الناس

ولا يمكن

يوّرد على جنّه

وإقتل سامي ناجي نجيب

اصل الإسم صراحه مريب

يمكن يطلع واحد منهم

او داقق على إيده صليب

ولا اقولك...إضرب شبرا

والكيت كات وميدان الاوبرا

فجر واحده في كل مكان

خلّي جيرانهم يصبحوا عبر

لينا رب إسمه الكريم

ها يجي يوم تعرض عليه

تقف امامه و يسأل الشخص ده عملك إيه؟

بأي ذنب تقتله

وفين ومين وإزاي وليه؟

إبقى قول لي يا بطل

ها ترد يومها..

وتقول إيه؟.

احمد فؤاد نجم

**mr_vampire** · 06-01-2011 06:37 PM

نجم فعلا

**mido_soliman** · 06-01-2011 07:48 PM

هى دى فعلا بتاعة احمد فؤاد نجم؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

**حاتم سليم** · 06-01-2011 07:55 PM

و لو انى لا أحب هذا الرجل

لأن لسانه طويل

لكن هذه المره

فى الصميم ...

**mr_vampire** · 06-01-2011 08:10 PM

المشاركة الأصلية كتبت بواسطة حاتم سليم

لأن لسانه طويل

...

علي فكرة هو ده سبب حب الناس ليه انه بيخبط فالحلل.

**mobmob2010** · 08-01-2011 05:18 PM

المشاركة الأصلية كتبت بواسطة mr_vampire

علي فكرة هو ده سبب حب الناس ليه انه بيخبط فالحلل.

وعلي فكره برده هي هوجة يومين تلاتة وشوية فنانين علي اعلاميين في الكنايس علي شوية وقفات احتجاجية وكل سنة وانتم طيبيين ونتقابل في مصيبة تانية لان مش هنعمل ولا حاجة ممكن تمنع تكرار المصايب دي

**fadod** · 08-01-2011 05:26 PM

المشاركة الأصلية كتبت بواسطة mobmob2010

وعلي فكره برده هي هوجة يومين تلاتة وشوية فنانين علي اعلاميين في الكنايس علي شوية وقفات احتجاجية وكل سنة وانتم طيبيين ونتقابل في مصيبة تانية لان مش هنعمل ولا حاجة ممكن تمنع تكرار المصايب دي

بالظبط كده ..الدوله ذكية جدا لقت المسيحيين والمسلمين قربوا من بعض قالت إيه داه ..هيتصلحوا على قفايا ولا إيه ....قبضوا على سيد بلال وتعذيب حتى الموت ..والنفوس تشحن من جديد ..وخلينا شغالين شحن وتفريغ كده لحد ما الناس هاطرشأ من الناحيتين ، ولا هما لاقو الفاعل و عاقبوه..ولا هما حالو المشاكل ..غباء x غباء