الموضوع: سوق الخرده في بورسعيد؟؟؟؟؟

السلام عليكم ورحمه الله وبركاته..
من باب الدال علي الخير كفاعله ,انا اكتشفت اكتشاف يهبل
من حوال اسبوع كنت انا وزميلنا فادي فايد في بورسعيد بنجيب قطع غيار انا للفيكترا وفادي للاسترا وقابلنا هناك زميلنا المحترم المهندس محمد ضيفthue ,المهم بعد ماخلصنا حاجتنا كنت اعرف هناك في عمارات بنك الاسكان برده سوق للخرده النظيفه عباره عن فرش علي الارض علي مساحات كبيره جدا من الشوارع المتقاطعه ,اهم حاجه بقي ان البياعين مايعرفوش قيمه اللي بيبيعوه او حتي هي تركب لايه الا الحجات المعروفه وبيعتمدوا علي ثقافه المشتري ,بالنسبه للاسعار فرخيصه جدا جدا بالنسبه لمثيلاتها في محلات الاستيراد ,هناك تلاقي فوانيس واشارات واكصدامات وكارتيرات واجزاء كهربا وكلاكسات وسارينه وعدادات ومرايات واسبويلر وفرش ابواب وطاسات.....
-فادي كان محتاج زرار تشغيل مرايات الكهربا في الاسترا ,سالنا عليه عند الشيخ محمد قالنا 100ج ,علي الفرش خدناه علي تجربه ب10ج (قال 20 وفاصلنا معاه)
-جوز كلاكسات بوش الماني علي تجربه ب30ج ولسه مافصلناش .
-انا اشتريت قبل كده منهم طقم ابانوس التابلوه للفيكترا ب20ج جي ام (تمنه 280ج جديد)
-كان هناك جوز فوانيس فيكترا بي زجاج فاليو ب70 ج مافيهومش غلطه (حاجه تهبل)
-واحد تاني شفت عنده فانوس بالفلاشر راكب فيه للفيكترا ب50 ج اول كلامه
-اسبويلر جناح زي اللي بيركب للسوبارو اللانسر الافليوشن ب200 ج ممكن يخلص علي 120ج وواحد تاني طياره زي بتاع الهوندا السي ار اكس بنفس السعر.
-واحد جنبي كان بيشتري اسبراتير كامل لعربيه لادا ب50ج وركبه علشان يجربه واحنا واقفين
-في هناك كميه مهوله من الزراير والكتاوت ببلاش
-مثلث الرعب بتاع المرور ب5ج عدادات ار بي ام واكسسوارات كتير قوي
-شماسات الجوز ب20ج
-فانوس خلفي للكورسا ب20ج بس الكورسا الاوروبي

الخلاصه علشان انا طولت عليكم وحاسس اني شوقتكم السوق ده يستحق الزياره ..