بتفضل إيه موتوسيكل هوندا ريس ولا فيات 128 ؟؟؟ وليه ؟؟؟؟
عرض للطباعة
بتفضل إيه موتوسيكل هوندا ريس ولا فيات 128 ؟؟؟ وليه ؟؟؟؟
راي الشخصي كل الناس عندهم عربيات سواء 28 او اي كانت لكن مش كله عنده بيك انا عن نفسي بحب السرعة و الصوت و المتعه نفسيها من ركوب البيك دا غير انه منظر بس عشان كدا طبعا ريس
موتوسيكل :
ستايل
اسرع (وقت - مجهود )
بيتركن في اي حتة
اوفر في كل حاجة
نفسي فيه الصراحة
بس الحاج خايف عليا بقي و الشغل ده
:(
لا وجه للمقارنه
مش فاهم يعني انا ايه وجه المقارنه بين ديه وديه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انت اي حاجه كده بتسالها وخلاص
يعني اسالك بتحب تاكل فسيخ ولا ماك اربيا من ماك؟؟؟؟؟؟؟؟؟؟؟؟ انا شايف ان المقارنه كده بالظبط
لا وبتسئل وليه؟؟؟؟؟؟؟؟؟
انت منين يااااض
لقد خالفتم القاعدة رقم 13 مما يستوجب انذاركم و ايقافكم
مشرف 5 ب
7 يناير 2011
8:35 مساءا
أولا إنتا شكلك مش فاهم
أنا سؤالي مش وجه مقارنة , إقرأ الموضوع كويس بعدين شارك فيه
أنا سؤالي كان إنتا بتفضل إيه عربية 128 ولا موتوسيكل " علشان هما ال2 تقريبا بنفس السعر "
بعدين إنتا ردك كده مش كويس , شكل أبوك مش معلمك ترد كويس على الناس
وده أسلوب وحش
يإما ترد بإحترام يإما تسكت و لو مش عارف ترد بإحترام أنا ممكن أعلمك
اولا انا مجبتش سيرة ابوك عشان تجيب سيرة الحج ده اولا
ثانيا انا بكلمك عادي
وتعلم مين يعم احنا فيها لو عايز تعلم تعالى في سيلانترو الي في اكتوبر النهرضه موجود انا وصحابي من الساعه 9
في انتظارك
وكان المفروض توضح من الاول انك بتقارن على اساس سعر العربيه ال 128 ومايقاربها من موتوسيكل اصل انت سايب المقارنه مفتوحه
ما ممكن حد يفتكر المقارنه بين 128 و cbr 1000 مثلا او ار1
برجاء مراعاه الالفاظ بين الاعضاء ف الرد يا جماعه
وكل سنه وانتم طيبين
شوف يا حبيبي
من كلامك كده أنا وصحابي و .........إلخ شكلك لسه مراهق
بص أنا لو عايز أعمل معاك مشكلة مش حيكون سببها إني عملت موضوع في منتدى وواحد مش عاجبه ورد عليا وحش ...
لإني لو عملت معاك مشكلة حكبرها بس المشكلة لازم تكون مستاهله " أكيد إنتا فاهم قصدي "
بعدين إنتا لو فعلا لسة مراهق يبقى لازم تحترم الأكبر منك , ولو كبير يبقى لازم تحترم الناس علشان تحترمك
دي نصيحة مني ليك
ولو نفسك تقول حاجة قولها
انا عن نفسى
قبل ما اشترى الموتوسيكل كنت بفكر يأما عربيه 128 او 127 اووووووووووو هوندا 250
لقيت ان السعر قريب من بعض بس قولت ان ال موتوسيكل احسن كمنظر(اقصد شكل.مش منظره طبعا)
وغير كده انا اصلا بتخنق من الزحمه..فافضلته..وموضوه الصوت ده عامل شغل جامد اوى كمان
بس هو عيبه الوحيد او اكبر عيب هو المخاطره الى فيه
بس الواحد بياخد باله على اقد ما أقدر
موضوع سيئ للغايه لوجود مشاركات خارجه وغير مرغوب فيها ارجو مراعاه الادب والاحترام المتبادل في المناقشات
معلش ياجماعه صلوا على النبى كده
ومعلش حاصل خير
وياريت بلاش خروج عن الموضوع....
وشكرا يا استاذsouth ده نورك
بص انا شايف ان الموضوع شخصى
اقصد الى انا شفت المكنه احسن ليا من العربيه
لسبب زى ماقولتلك الزحمه وتوفير فى البزين..لان انا لسه بدرس كمان..
بس لو انت جايبها علشان مشاوير ورايح وجاى وكده يبقى احسنلك العربيه
انا مش قصدي ابدا اني اكبر الموضوع انا مش عار انت فهمتني كده ازاي علي العموم نرجع لموضوع المشاركه
طبعا الدرجات الناريه هوايه اكتر منها وسيله موصلات يعني انا لو عندي استون مارتن مش 128 برده هيكون البايك اساسي في حياتي بس ساعتها هركب بايك تاني خالص مش 400 فاير
ممكن نرجع للموضوع الاصلى وبلاش كلام خارج الموضوع من فضلكم
ألفاظنا هى الثياب التى ترتديها أفكارنا فلابد أن لاتظهر هذة الثياب بصورة رثة بلية
[QUOTE=South;3873200235]شكرا ليك على المشاركة , فعلا في ناس بتعتبر الموتوسيكل ده هواية أكتر من مهوا وسيلة مواصلات
بس إنتو بتسوقو الموتوسيكل إزاي في الشتا ؟؟؟ , أصل أنا لما أكون في العربية وأطلع إيدي من الشباك
بتلج , فأتوقع الموتوسيكل يكون أصعب ولا إنتا رأيك إيه ؟؟؟؟؟[
هههههههههه
طب تصدق بالله انا اول ما المطره تشتغل والجو يقلب اضرب طقم المطره واخد بعضي واقعد الف في شوارع القاهره لوحدي زي ما البايك يوديني وبتبقي احلي اوقات جربها وقولي بس خلي بالك من الفرامل في المطره وكمان المنحنيات ومتسخدمش فرامل الخلفيه الا وانت مهدي خالص
انا شايف ان اي عربية مهما كانت بسيطة افضل من الموتوسيكل او الريس
و سبب ده ان العربية لو اتخبط خبطة بسيطة مش هيحصلي اذى لكن الريس ممكن اروح فيها و بيكون خطر في احيان كثيرة
العربية مهما كان بتشيل ناس كتير و كمان ممكن اشيل فيها اي اغراض عكس الريس
العربية ممكن اركنها في اي مكان و انا مطمن عليها عكس الريس اللي ممكن ناس يجو يشيلوه على عربية ربع نقل مثلا و يتسرق بسهولة
غير ان ايام البرد دي ركوب الريس صعب شوية فيها
طبعا كلامك مظبوط بس احنا بنقول ان البايكس هوايه اولا وتستخدم كوسيله موصلات ثانيا وهوايه صعب جدا تنساها او تبطلها علي عكس العربيه هي وسيله موصلات ممكن تبقي هوايه عند بعض الناس
ده يخلي المقارنه بين البايكس والسيارات في غير محلها والدليل علي كلامي ان كل هواه البايكس
حتي لوربنا كرمهم وجابو عربيه الريس او البايك عموما بيبقي موجود وانا عن نفسي لسه بايع عربيتي قريب
وان شاء الله هجيب حاجه جديده قريب وده طبعا مش هيخليني اتنازل عن هوايتي المفضله والوحيده البايكس
حضرتك عندك حق طبعا في ان المقارنة متنفعش
بس انا هقولك حاجة انا حطيت نفسي في موقف و هو ان انا واحد معنديش اي وسيلة مواصلات اتنقل بيها و عايز اشتري يا اما الريس او العربية و على ذلك انا قارنت بينهم
و طبعا حضرتك عندك كل الحق في ان اللي بيحب البايك كهواية اكيد مش هيستغنى عنه حتى لو معاه عربية
انا افضل يبقي عندي الأتنين
الريس لما ابقي رايق ولوحدي وعايز اعيش
والعربيه لما يبقي مشوار ومعايا حد
:khd::khd::khd::khd:
:coool::coool::coool:
هي الحياه كده
ناس تشجع
وناس ترجع
لا حول ولا قوة الا بالله
مع احترامي لكا اللي في المنتدي اللي مركبش ريس يبقي ميعرفش يعني اية ريس ولا يعني اية متعه انا كنت كدا بقول ريس اية و بتاع دا الواحد هيتجمد لحد ما واحد ابن حلال ركبني وراه والله اول ما نزلت من علية روحت دورت علي شغل عشان اجيب واحد والحمدلله مش بنزل من عليه سواء كان الجو سقعة حر حتي لو الريس بيولع
ثانيا انا عاوز اقولك حاجة بس محدش يزعل مني انت لو بتحب حاجة لو هتموتك مش هتسيبها لو كان البيكات هوايتك ولا هيهمك ولا سقعة ولا حر و هتبقي وسيلت موصلاتك انا معايا مع البيك عربيتين و مش بركبهم بروح بيه الكلية بروح بية المشاوير حتي بسافر بية
نصيحة مني متشوفش اية اللي ماشي و تجيب زية شوف اللي انت غاوية و هاتة عشان متجبش حاجة تندم انك جبتها طول حياتك و اوعي تخلي حد يرجعك في قرارك (اعقلها و توكل )
مع احترامي لكل الناس البيكات دي اسلوب حياه مش مجرد شي بيتركب مش كل واحد معاه بيك كل همه الشد و الصوت ومش مجرد بردة منظرة دا بيبقي زي متقول كدا عشق
ومع احترامي لكل رجالة المنتدي اللي مركبش بيك مدخلش دنيا d:
بص يا باشا انا معايا عربيه محترمه جدا
بركنها وبركب البايك
اعتقد مينفعش بايك لوحده لازم يكون فيه عربيه ... لان البايك يبيقى عايز واحد يستخدمه لوحده بس ... يعني لا اصحاب ولا عائله ولا حد يركب " غير شخص واحد بس وراك " .... لكن العربيه تشيل ده ... و طبعا متعه البايك لا توصف .. كان نفسي اجيب " هارلي دايفدسون " ... بس لو قلت كده لوالدي هيدبحني :khd: ... لاني مش هيدفع فوق ال 100 الف في موتسكل كده حرام " ده رأيه الشخصي " فجبت العربيه الحمد لله ... بس ان شاء الله اجيب الهارلي بعد عمر طويل :E_braces[1]:
فعلا ركوب الدراجات النارية شيئ تانى خالص كفاية بس الزحمة واحساسم لما تكون انت اللى ماشى وكل العربيات واقفة ولا عارفين يتقدموا خطوة ولا يرجعوا ..
البايك طبعاااااااااااااااااااااا ااااااااا
128 ايه بس دى تعبانه مله
ههههههههههههه
ده انا نفسى اجيب ريس و عربيه رانجلر و بى ام m3
و شكرا على كده d: و اعيش حياتى بقى ههههههههههه
اوعدنا يا رب
مفيش مقرنة اصلا لية
لان دة نمط ودة نمط تانى خالص
اولا انا مع عدم قيادة الدرجات النارية فى مصر خالص لان
1- مفيش صيانة للطرق خالص
2- مفهيم القيادة فى مصر عشوائية بحتة
3- نظام السواقة بيعتمد على الفتونة والقوة وطبعا الموتسكل لاحول لة ولا قوة
4- عدم توافر معدلات الامان للطرق
5- تصميم الطرق ينم عن جهل تام بالتخطيط السليم
6- عدم توافر حلبات سباق او ماشابة للتدريب عليها او التعليم لذالك حديثى السواقة يتعرض لحوادث قاسية
الخ
ولاكنى امتلك دراجة نارية لان
1- هى رياضة فى المقام الاول وتعمل على تقوية ومرونة عضلات كثيرة
2- لديها قدرة غريبة لاستيعاب الطاقة الدفينة والذائدة
3- فى ظل الاذدحام الذى نعانية فهى الوسيلة الاسرع
4- توفير مادى كبير بالمقرنة بعربيتى سواء فى قطع الغيار او البنزين
5- تعطيك الاحساس بالتميز الغير عادى
الخ
نلخص كل ما سبق فى عدة كلمات
قيادة الدرجات فى مصر لهو خطر كبير جدا فى دولة ينعدم فيها الرقابة او النظام المرورى
انها ادمان هواة السرعة والتميز وكسر الحياة النمطية