سؤال عن تغير لون العربية بالكامل

**DrWaEl** · 07-01-2011 03:29 PM

السلام وعليكم

انا كنت بفكر اغير اللون بتاع العربيه من الزيتي للسلفر بالكامل بس مش عايز ار ش دواخل يعني من برة بس
فكنت عايز اسأل عن
- ايه النظام بالنسبة للمرور
- وكمان هل ده يأثر علي سعرها ف اعاده البيع
- وهل اللون هيطلع زي اللون بتاع اي عربيه سلفر بالظبط

وشكرا

**Akram** · 07-01-2011 08:17 PM

بالنسبة للمرور بيتعمل جواب بتغيير اللون و الفحص و استخراج رخصة جديدة مثبت فيها اللون الجديد ,
بالنسبة لسعر إعادة البيع , طبعاً بيأثر , لأن لو العربية تم إعادة طلائها من الخارج بنفس اللون بيأثر على سعر البيع فما بالك بالتغيير للون آخر ,
بالنسبة لجودة اللون او درجته فدي حاجة ترجع لحرفية الصنيعي اللي هيقوم بعملية إعادة الطلاء و كذلك لجودة المواد الخام المستخدمة.

**fadymedhat** · 07-01-2011 09:29 PM

بيع العربية الزيتى و هات فضى...بلاش تغير اللون............

**ahmed_mazda323** · 07-01-2011 09:54 PM

اي لون عربية جميل وجيد ومناسب عليها اهم شيء ان يكون جديد ومفهوس خربوش ولونة زاهي ((ميتاليك))))

**DrWaEl** · 08-01-2011 08:40 PM

الف شكر ياجماعة علي الردود

بس بصراحه ياجماعه حكاية اني ابيع العربيه واشتري واحده لون تاني اكيد هتكون مكلفه علشان مصاريف البيع بتاعت الشهر العقاري و كمان غير تراخيص المرور
علشان كده بفكر ارشها ارخص بس كنت عايز اعرف ممكن تنقص كام من سعرها الفين مثلا ولا فوق كده

وهل في حل للدواخل غير الرش طبعا

وشكرا

**MEDO84EG** · 13-01-2011 02:00 PM

متابع باهتمام
لاني بفكر في نفس الخطوة
بس علي سبيل المثال انا عربيتي مكتوب ازرق في الرخصه هل مسموح ليا اغمق او افتح عادي المهم يكون اخضر
و لا ايه رأيكم

**Shery_M** · 19-01-2011 01:01 PM

المشاركة الأصلية كتبت بواسطة medo84eg

متابع باهتمام
لاني بفكر في نفس الخطوة
بس علي سبيل المثال انا عربيتي مكتوب ازرق في الرخصه هل مسموح ليا اغمق او افتح عادي المهم يكون اخضر
و لا ايه رأيكم

ازرق ______________________ اخضر اعتقد ان هيبقى فى فرق ولازم تثبت دة فى الرخصة و ربنا معاك

**spiderxp** · 16-01-2011 02:17 AM

متابع بأهتمام

نفس القصة ياجماعة لو واحد رش عربيته خارجي فقط بتنقص الف من سعرها ولا كاااام

**a7madramadan** · 16-01-2011 06:37 PM

غير لونها واثبت فالمرور هيخلوك تخش فحص تاني وهيطلعولك رخصة ثانية عليها اسم اللون الجديد

وبالنسبة لسعر اعادة البيع فده بيعتمد على حالة العربية اساسا .... يعني لو عربيتك وانت بتبيعها مافيهاش خدوش كتير واكيد مافيش انبعاجات فالصاج .... واللون معمول بنضافة و مافيش اي آثار لحام ..... تقول للمشتري انك غيرت اللون في ورشة نظيفة علشان عاوز اللون ده ..وتقوله تاخد العربية يتكشف عليها فالمكان الي يحبه سواء توكيل او بنزينة او ميكانيكي او سمكري .. وما اعتقدش السعر هينزل كتير يعني .....

انت بس هتتخنق مع المرور يومين اتنين وهتخلص الحكاية :) .... واعرف واحد عمل الموضوع في عربيته بس غير اللون قبل التجديد ولما دخل الفحص غيروا اللون فالرخصة وخلصت العملية ..

**keko** · 17-01-2011 06:06 AM

لو العبية فابريكة بره يعنى مارشتش بره خليها زى ماهيا دى بتاثر جامد فى السعر اما لو رشت قبل كده فالفرق بيكون بسيط والله اعلم

الموضوع: سؤال عن تغير لون العربية بالكامل

LinkBack

أدوات الموضوع

عرض

العرض المتطور

-

-

-

المواضيع المتشابهه

تغيير شكمان العربية بالكامل اية افضل نوع الاستيراد او التصنيع

تغير لون العربية اعمل ايه ؟

لو عايز ارش العربية بالكامل مين افضل واحد ترشحوة

تغير لون العربية

تغير نوع زيت العربية

الكلمات الدلالية لهذا الموضوع

المفضلات

المفضلات

ضوابط المشاركة