الموضوع: صيانة ال20000 كم وحل مشكلة استهلاك البنزين

المشاركة الأصلية كتبت بواسطة kokyjoon

سلام عليكم

بالنسبة لموضوع السيارة النيسان التوكيل فعلا نجح فى التعامل مع العملاء
بإتخاذ إسلوب جميل ولبق فى المعاملة فأنا لى صديق بيحكى ويتحاكى عن
المعاملة اللى بيتعاملوها مهاه فى التوكيل من حسن إستقبال ومن مواعيد
مظوطة ومن أنهم بيتصلو بيه بعد إجراء الصيانة بإسبوع يقولوله السيارة عاملة
إيه وغنت راضى عن الصيانة وعن مركز الخدمة يعنى نظام لاقينى ولا تغدينى
لدرجة إنهم نسوه أمر العربية ومواضيع الأستهلاكات وشغلوه بحسن معاملته
لاكن إحنا ولله الحمد سيارتنا ممتازة وإن كان فى بعض المشاكل فهى ليست فى
كل السيارات ولاكن ماينقصنا خبرة مركز الخدمة فى التعامل مع العملاء وفى بعض
الأمور الفنية ونتمنى أن يقومو المسؤلين عن مركز الخدمة فى حل تلك المشكلة

ياسلام يا باشا لو تكتب ببنط4 بحب اتابع كلامك بس عينى بتزغلل-----------المهم انا معجب جدا بموضوع لاقينى ولا تغدينى لانى بسال واحد عاملين معاك اية فى صيانة الرينو قالى القعدة والمشروب وشاشة البلازما والنت ونظافة العمال وكان سعيد وهو بيحكى ولما سالتة خدوا منك كام تعبيرات وشة اختلفت وبدا يبررلى انة مش مهم دفع كام لكن المهم البرستيج لانة اكتشف ان كل اللى كانوا قاعدين جنبة ومستنيين دولرهم بهوات كبار قوى لان حسب وجة نظرة كل ملاك رينو باشوات---فمجاورتهم تكفى ويدفع فيها فلوس---واللة صعب عليا

سلام عليكم

صدقنى يا أخ ميجو المقابلة عليها أكتر من نصف الشغل
هاحكيلك حكاية صغيرة
أنا كان معاية عربية أونو 98كانت زيرو وتكييف مصنعها ودى قليلة
فى الأونو لأنهم بيجهزو التكييف بالطلب
حصلتلى مشكلة فى قاعدة التكييف وكانت لازم تتغير لأنه إتشرخت
ومانفعش فيها اللحام لأنهاكانت رقيقة ولما حاولت ألحمها اللحام ماسمعش كلامى فى طريقة اللحام فالقاعدة إتفتلت
المهم روحت التوكيل فى أبو رواش ودى كانت أول مرة أروح فيها التوكيل على الرغم من مرور 6 سنوات على شراء السيارة
قابلونى مقابلة الفاتحين ولا قالولى العربية ماجتش قبل كده ولا أى حاجة ودخلو العربية وقعدونى فى الكافيتيريا مع عملاء الألفاروميو
وفضلو يسقونى قهوة وشاى ونسكافيه حوالى 3ساعات
وخرجت العربية وجالى مهندس وقالى إحنا آسفين القاعدة غير
متواجدة عندنا قولتله طيب ما حضرتك عارف من أول ماسلمتك السيارة إن القاعدة هية طلبى طيب السيارة إتأخرت ليه قالى لازم نعمل عليها شوية كشف ونشوف هل فى إمكانية لتصليح القاعدة وألا لأ وإحنا حطينا العربية على الكمبيوتر للكشف على العربية وغيرنا الأبنص
وكله تمام حضرتك تعمل طلب لإستيراد القاعدة مخصوص لحضرتك
وغحنا هانتصل بيك بالتليفون تيجى تركبها وأخدو 120 جنيه على الرغم إن أنا عارف إن الأبنص فى الوقت اللى روحت فيه كان ثمنه28جنيه
وللأمانة ماشفتش عميل خارج من مركز الخدمة غضبان حتى لو لم يقضى طلبه ومن هنا بقول حسن الإستقبال
وأنقزنى مشرف من التوكيل جالى على جانب ووصفلى واحد فى
الحرفيين روحتله وعملى قاعدة جديدة خالص

الاستهلاك حتى الان 285كم في الصفيحة طوالي وفي الزحمة وفي ايام المطر اللي فاتت زوداخل البلد

المشاركة الأصلية كتبت بواسطة ziabassem

يعني الاستهلاك ده يا أسامة بيه خليط ما بين الطوالي ووسط البلد .. لو كدة يبقى تمام قوي .. وبسم الله ما شاء الله .. وربنا يدمها عليك نعمة .. ويحفظهالك يا رب .. ويا ريت حضرتك كل فترة كدة توالينا بأخبار الاستهلاك أيه .

بس ليا ملحوظة .. ما دام بتنزل وسط البلد .. مبتعديش ليه ؟!!:_alshmokh08[1]:

علشان حلواني الحلمية مبقاش زي الاول لكن انت تامر ياباشا

المشاركة الأصلية كتبت بواسطة ziabassem

يعني الاستهلاك ده يا أسامة بيه خليط ما بين الطوالي ووسط البلد .. لو كدة يبقى تمام قوي .. وبسم الله ما شاء الله .. وربنا يدمها عليك نعمة .. ويحفظهالك يا رب .. ويا ريت حضرتك كل فترة كدة توالينا بأخبار الاستهلاك أيه .

بس ليا ملحوظة .. ما دام بتنزل وسط البلد .. مبتعديش ليه ؟!!

انشاء الله