يا دكتور احمد كده انت اخدت حقك وزياده
عقيد بيعتذرلك وبيقولك حقك عليا دي حلوه قوي وزي الفل
مبروك لمصر عقيد شرطه عنده دم
عرض للطباعة
يا دكتور احمد كده انت اخدت حقك وزياده
عقيد بيعتذرلك وبيقولك حقك عليا دي حلوه قوي وزي الفل
مبروك لمصر عقيد شرطه عنده دم
بالظبط كدة يا احمد باشا لانى مرة قدمت شكوى على النت فى الظابط المسئول عن استخراج رخص القيادة فى مرور فيصل (وطبعا كنت فاقد الامل إن حد يسأل فيا أو يعبرنى) وبعدهابحوالى شهر لقيت واحد بيكلمنى وبيقولى انت أحمد اللى مقدم شكوى لوزارة الداخلية على النت قولتله أه قالى تروح بكرة للعميد ........ عشان عايز يعرف منك الموضوع (أنا اتنكت ساعتها وقولتله بكرة عندى امتحان خليها بعد بكرة) قالى ماشى ورقمك مع العميد عشان هو ممكن يكلمك قولتله ماشى أنا هخاف يعنى المهم تانى يوم الصبح وأنا بمتحن (الامتحان أصلا كان بينى ومجموعة من صحابى يعنى روحنا لولحد صاحبنا قعدنا شوية وعملنا حاجة زى إمتحان كدة مش إمتحان رسمى) لقيت التليفون بيرن
أحمد معايا قولت له انت مين أيوة انا أحمد قالى أنا العميد ,,,,,,,,,,,,,,,, قولتله خير قالى انت مجتش ليه قولتله أنا عندى إمتحان قالى طب انت هتخلص إمتى انا ممكن أستناك لحد 2.30 قولنله لا أنا لسة بدرى أوى عليا (الامتحان كان خلص وكنا رايحين بعده الحرفيين نبص على حاجات) قولتله بكرة قالى ماشى
حصل حالة وفاة ومروحتش والله يا جماعة قعدو اتصلو بيا كل يومين لمدة تزيد عن شهرين
بس فى مرة لقيت العميد بيتكلم بخنقة بيقولى لازم تيجى بكرة عشان أنا اتعملى مشكلة بسببك (والله العظيم زى ما بقول كدة)المهم أنا قولت خلى عندك دم ياض يا احمد المهم تانى يوم لبست واتشيكت ونزلت روحت له وسالت على مكتبه (انا مكنتش فاكر اسمه ) قولت ادارة المرور واحد يقولى فوق والتانى يقولى تحت المهم لقيته بيتصل بيا انت فين قولتله أنا تايه عندكو فى المبنى قالى اقف تحت قدام الباب وانا هبعت لك حد ياخدك
نزلت فعلا لقيت واحد مستنينى قالى سيادة العميد حصله مشاكل بسببك (قولتله عميد هيحصله مشاكل بسبب طالب ازاى)قالى والله بجد المهم دخلت قعدت قدام العميد ولقيت المفاجاة بيطلع لى ورقة مكتوب عليا اسمى وقالى دة رقم بطاقتك وورانى كمية اختام وامضاءات قالى بس الورقة دى لو قعدت عندى اكتر من كدة أنا هتحصل لى مشكلة كبيرة وقالى مالك قولت له على الشكوى وكانت المفاجاة قالى لو انت عايز تتطلع الرخصة أنا هطلعهالك حالا بس مكنش له لزوم الشكوى قولتله أنا أصلا طلعتها بس أنا كان لازم أشتكى عشان ما أضيعش حقى وطبعا كل الكلام دة فى محضر رسمى ومضيت عليه والموضوع انتهى بقوله أنا قولت أعمل حاجة وابدا بنفسى يمكن البلد حالها ينصلح لقيت رده قتلنى قالى هو انت اللى هتغير الكون قولتله انا بحاول قالى محاولتك مش هتنفع (العميد الى بيكلمنى دةطلع جامد أوى مدير.......... ومساعد وزير الداخليةلقطاع...............)
قالتله طب أنا اخويا عايز أطلعله رخصة قالى هاته وهخلصله الرخصة من غير ما يتعب نفسة
بعدها باسبوع لقيت واحد جايلى من القسم أحمد أنت روحت للعميد فلان قولتله اه ليه قالى عشان المحضر بتاعك فى ايدى ومعنى كدة أنك خدت حقك ولا انت مروحتش والمحضر دة أى كلام قولتله لا أنا روحت فعلا قالى خلاص أمضى هنا طبعا وانا بمضى قريت المحضركله وشوفت كمية أختام وامضاءات عمرى ما شوفتها فى حياتى
بعدها بكام يوم لقيت حد من وزارة الداخلية قالى شكوتك دلوقتى بتتدرس والظابط اللى انت مقدم فى الشكوة هياخد جزاؤه وياريت لو ليك شكاوى تانية تبعتها لنا على الموقع وتحاول تنشر الفكرة عند صحابك عشان احنا ميرضيناش إن ضابط يتكابر على خلق الله
والحمد لله الموضوع إتنهى والظابط اللى انا قدمت فيه الشكوى فعلا اتجازى وانا عرفت دة من على كتفه لما شوفته مرة بعدها (بس أكيد مش بسبب شكوتى لوحدى اكيد اكتر من شكوى جت منه عشان كدة اتاذى)
معلش طولت عليكم بس أنا حبيت اوضح إن الموقع بتاع وزارة الداخلية محترم
بالظبط يابوحميد
بالأدب...تاخد حقك
.................................................. ..............
أصل الصوت العالي مش هيجيب حق
الحق
تاخده زي الناس...ولما الظابط يعرف إنه لما يعدي حدوده..الناس هتشتكيه ويلاقي مفتشين الداخلية راكبين على رأسه..وفيها جزاءات وإستجوابات
هيتلموا ساعتها
موضوع ممتاز
بص يأحمد هقولهالك وبناء لى تجربه والقصه اللى هكيها دى كانت فى قلب عش دبابير دار ظباط النقل
واحد من العساكر العاملين بالدار فى احد افراح احد اقاربى اخطاء فى حق والد العريس وطبعا اولاده لما شافو المنظر طلعو ورا الواد اللى جرى على مكتب الظابط وجابوه قدام المكتب وادوه علقه موت ولما البيه اتنحنح وخرج من مكتبه وكان برتبه عميد وبيزعق فى اقاربى اللى مسكو الواد ضربوه تدخلت انا وقلتلو انت بتزعق فى مين دا بدل ماتربى العساكر بتوعك على احترام الأكبر منه بتزعق عشان ضربوه
رد عليا قالى بس هى مش فاوضه
قلتلو فعلا هى مش فاوضه
لكن ما عسكرى ...................يشتم واحد قد ابوه تبقى فوضى ويستاهل اللى يجراله
قالى انت مين حضرتك
قلتلو مش هتفرق معاك تعرف انا مين قدا متفرق معايا ان الواد دا يتربى
فا بص لرائد كان موجود قالو يبقى انا وشتم نفسه ومفيش داعى لذكر الشتيمه عشان اتهذق كدا لسه الرائد بيبصلي قلتلو احترم مركزك ومتشتمش نفسك انت عارف يعنى ايه لما تقول على نفسك عميد وملحق بيها لشتيمه اللى قالها على نفسه يبقى انت كدا بتقل من قيمه نفسك عشان عسكرى المفروض يتربى المهم العسكرى البجح رد عليا ويقولى انت كداب قمت قدام العميد والرائد اللى واقفين قلتلو انت كلب ولا تسوى ولو هما معلومكش انك تسكت والكبار بيتكلمو هعلمك انا وساعتها واحد من ابناء ابو العريس كان داخل هيجيبه من قفاه ويكمل عليه لولا انى بعلو حسى قلتلو لأ دى مش شغلتك دى شغلت سيادة الرائد وسيادة العميد يجيبولك حقك وقدامك ولو مجبوهلكش اعمل اللى انت عايز تعمله
كل الموضوع انى بتكلم بكل ثقه وعلى حق وما بتكلمش فى غير حقى وبأدب خلى اللى قدامى يتلبش منى ووالله واقسم بالله فى اخر الفرح وبع ما اتلمت المشكله جه العميد والرائد عشان يعتذرو ويصالحو والد العريس وصادف وجودى فايجو الأثنين ويسلمو عليا ويقولولى احنا اسفين ومتشكرين انك لميت المشكله معانا بس نحب نتشرف حضرتك فى انهى جههه امنيه ودا بسبب مظهرى ولحلاقتى بطراز معين وقتها ولحجم جسمى اللى بيقول كده قلتلو هو انا لازم ابقى من جهه امنيه عشان اعرف حقى وازاى اجيبه ولا ايه ياسيادة العميد قالى لأ طبعا ورد وقال هعفيك ياباشا من الرد على السؤال وسلم عليا بحراره ومشى مع انى مدعيتش ولا جبت سيره اى جهات امنيه كل الموضوع انى عارف حقى وعارف اتكلم أزاى
وكان ممكن فى موقفك دا بكل سهوله وبكل ادب تتكلم مع الظابط وتقولو قبل ماتتصرف تصرف يتحسب عليك اعرف ايه الموضوع وبعدين نتكلم قل ادبه بكل بساطه تقولو بسيطه قدام انت مابتحترمناش نشوف الموضوع ده فى اداره التفتيش بتاعتك ولو انت شايف ان موقفك صح
ادينى اسمك بالكامل وورينى الكارنيه بتاعك بالأضافه لأنى هجيب رقم العربيه بتاعت البيه اللى يستخدم سلطاته ومجاملة حضرتك ليه صدقنى كان الوضع اختلف واتقلبت الأيه الناس دى لما بتقى اللى قدامها فاهم وعارف اللى ليه واللى عليه بيلتزم حدوده وبيبقى محترم نفسه كويس وصدقنى الكلام اللى بقوله دا عن تجربه مش كلام من ورى الكى بورد
وعمتا حقك هيجيلك لأنى عملتها قبل كدا وكانت الشكوى فى ظابط مرور فى تحرير مخالفه بالظلم وبعمل شكوه على الموقع بوقت تحريرها ومكانها وبرقم السياره اللى كان بيستخدمها سعادت البيه المخالفه اترفعت لأن كلامى كان منطقى وعلى حق وكلمنى احد المختصين بالموقع واعتذرلى واترفعت المخالفه صحيح انا مكنتش مصدق اللى بيحصل لكن دا اللى حصل وعايزك تبقى مؤمن بأنك طول ما انت على حق استحاله ربنا هيخذلك ولو أمنت بدا استحاله ربنا هيخذلك بس اهم حاه تكون على حق من البدايه للنهايه ومتكونش اخطأت فى حق حد بأى شكل او اى صوره فى الموقف من بدايته لأخره
موضوع ممتاز يا باشا
والكتاب ده مفيد جدا يا ريت تقراه
ط¹ظ„ط´ط§ظ† ظ…طھط¶ط±ط¨ط´ ط¹ظ„ظ‰ ظ‚ظپط§ظƒ.PDF