عرض للطباعة
بحثت على النت عن معنى كلمة mosfet اللى موجودة على الكاسيت لقيت انها عبارة عن ترانسيتور مصنوع من مادة
ثانى اكيسد السيلكون او الالمونيوم بنظام حقول بيقوم بعدة وظائف خاصة بالصوت فقط ولة انواع كتير ... باردو مش فاهم حاجة !
لو حد يعرف يقولنا من المختصيين معناها اية وبتأثر ف اية على الصوت بالكاسيت يكون مشكوراَ وجزاة الله كل خير ع الافادة .
انا مليش في الكاسيت
بس الموسفت دا نوع من انواع الترنزستور
يعني دي التكنولوجي ال اتعمل بيها الكاسيت
....l Oxide Silicone Field effictive Transistor
الموس فيت يستخدم تيار اقل من الترانزستور العادى وتكنولوجيا اعلى
تيار اقل يعنى حراره اقل وقدره اعلى ونقاء افضل كل ده مقارنه بالترنزستور العادى
على فكره هو مش ترانزيستور (دى الاف من الترانزيستورات داخل الايسيهات)تخيل كارت شاشهgts250 به754 مليون ترانزيستور
الموس فيت عموما بيستخدم بتوسع فى دوائر البور(تنظيم فولت وقدره صوتيه)
تمام .. متشكر لحضراتكم جداا ..
انا بدءت افتكر حاجة .. كنت جبت مازر بورد من فترة جيجا بايت سعرها 1450 ج . فيها تكنولوجيا ترانسيتور بتستحمل الحرارة الشديدة
وعمرها اطول وطاقتها اقل كان تقريبا مكتوب على العلبة موسيفت .. تقريبا كدة جمعت الفكرة .. بس مأثرة ع الصوت ف اية ؟ نقاء ولا جودة
اذن الامر ما هو الا تكنولوجيا جديدة للايسيهات فقط لا غير .. وليس لة اي علاقة بالصوت بشكل محدد انما لة علاقة مؤثرة داخلياَ .
بس لية كاتبينها دايما بجانب
4
x
50w
الحرارة لها تأثير سلبي على القدرة
بالتالي حرارة أقل = خرج أعلى
عشان كده تكنولوجيا الموسفيت خلت الـrms الخارج من الكاسيتات بقا أعلى عن زمان
اسمح لي أحاول أوضح الفكرة ويا رب تكون بسيطة ،
الإلكترونيات عموماً كلها مبنية على ترانزستورات ، وتقدر تقول كدة إن eltranzestooraat في تكوين أي دائرة كأنها قوالب الطوب في بناء الحيطة ، ذي ما حضرتك قلت الماذربورد فيها مليارات الترانزستورات ودواير الصوت في عدة أقل بالألاف ، الموبيل فيه ملايين وهكذا .
دائرة الصوت بيكون فيها عدد بالألاف صحيح ، و كل ما كان فيها نقاء أعلى بتكون ترانزستوراتها أكتر ، و كل ماكان ليها باور أعلى يبقى بيمر فيها تيار أعلى (يعني ال 10 وات محتاجين واحد أمبير لكن ال-50 وات محتاجين 5 أمبير مثلاً )، المشكلة إن مرور تيار في أي ترانزستور في الدنيا بيسبب سخونته، وطبعاً كل ما العدد زاد والتيار زاد يبقى الحرارة هتزيد قوي .
عشان كدة زمان لحد التسعينات كنت الباور محددة وديماً ليها حدود أقل من 10 وات في أجدع كاست في الدنيا ،
الترانزستور ال Mosfet بقى دة إختراع كان غالي قوي زمان لأن فيه ميزة جامدة جدا إنه مع مرور التيار بيطلع حرارة أقل كتييير من العادي نفترض مثلاً انها 10% فقط ، يبقى ممكن تطلع من نفس الدايرة اللي كانت 5 وات زمان حوالي 50 وات وتفضل بنفس السخونة، يعني مش هتتحرق ، مش بس كدة دة حجمه كمان أصغر شوية من الترانزستور العادي يعني في المجمل حجم الدايرة هيكون أصغر ، ودة يدي مساحة إن الكاست يتحط فيه مميزات جديدة وفي نفس المساحة (أصبح فيه مكان لل-MP3 وإكواليذر وأكتر ولسة نفس الحجم ونفس السخنة بدل زمان ما كان كل جهاز من دول إضافة لوحده في جهاز منفصل ) .
دة باختصار السبب إن أي شركة بتستخدم MOSFET بتفتخر بيه وتقول إن عندها جهاز مميز لأن فيه باور عالية ومميزات أكتر من غير سخونة نهائي ، يعني عمر أطول للجهاز ، لأن السخونة هي العدو الأول لأي جهاز إلكتروني .
اتمنى أكون وضحت الفكرة وقدرت أفيد حضرتك
برافوووووا
سؤال جميل والإجابات مفيده
معلومات جميلة
شكرا
الترانزيستور او الموسفيت او الثايرستور او الترياك او الدايود او .................. كل الثونئيات واشباه الموصلات بتتكون من زرات السليكون الموجبه والسالبه
الترانزيستور بيستخدم في حجات كتير جدا من تكبير او سوتشات ........
الترانزيستور بيتركب من 3 اجزاء سليكون وبيكون اما موجب او سالب npn pnp
وليه 3 رجول القاعده والمجمع والمشع ( بيز وكليكتور واميتر)
وده شرح مبسط في صور ليه وفي فكره تكبيره هو بيعتمد علي التكبير اما من الكوليكتور او الاميتير
http://dc303.4shared.com/img/sF_niPl...transistor.png
http://dc303.4shared.com/img/WIXePzz...transistor.png
وديه فكره مبسطه لطريقه التكبير بتاعته
http://dc303.4shared.com/img/7call96...87155/amp3.gif
اما الموسفيت وهو اختصار لي
Oxide Semiconductor Field Effect transistor
وهو ما يطلق عليه البعض ترانزيستور تائثير المجال وهو بيتكون من اتنين ترانزيستور وليه 3 رجول بس اسمائهم مختلفه
جيت ودرين وسورس
وده بيكون كفائته اكبر في التكبير والسوتش من حيث انه حجمه اصغر فكره التكبير بتائثير المجال بتديه عزم اكبر في التكبير بالمقارنه مع نفس الحجم من الترانزيستور العادي وفي نفس الوقت بيتحمل حراره اعلي لانه يعتبر اتنين ترانزيستور في بعض وبيدي شوشره اقل في الصوت ونسبه تشوه اقل وسرعه نقل اعلي ومجال اوسع في التردد بدون الدخول في تفاصيل اكتر ديه بعض الصور للموسفيت والتشريح بتاعه وتركيبه
http://dc303.4shared.com/img/6KxZYcL...018/mosfet.jpg
http://dc303.4shared.com/img/C3SAg0U...185/Mosfet.gif
http://dc303.4shared.com/img/1jUaBu4...32/Mosfet2.gif
http://dc303.4shared.com/img/rzhWKoe...72/2SK1058.png
http://dc303.4shared.com/img/wUJcP1y...Labelled_s.png
طبعا الموسفيت احسن من الترانزيستور في بعض الاشياء بس مش معني كده ان الترانزيستور وحش لا ده ليه استخدام وه ليه استخدام وفي اكبر الامبلفيرات الضخمه بتاعت الحفلات والمسارح بيستخدم الترانزيستور والموسفيت علي حد سواء لان كل واحد ليه مميزات
والترانزيستور بيستخدم في حجات ما ينعفش الموسفيت انه يستخدم فيها وبيدي فيها فاعليه احسن
لاكن في بعض الاجهزه زي بيستخدم الموسفيت لان ده بيكون احسن وطبعا موضوع الموسيفت امبليفير ده مشهور خالص في البايونير وهي بتفتخر انها بتستخدم التكنولوجيا ديه في التكبير بتعها عشان كده بيدي جوده اعلي واستهلاك طاقه اقل ونقاء وقدره اعلي بكتير
تصحيح صغير الموسفيت بيسخن زي الترانزيستور لاكن بيقدر يتحمل حراره اعلي بس هو في بعض الاحيان بيكون راكب بدل الترانزيستور وطبعا عشان هو اعلي منه في التحمل والعزم والتاثير فمش بيسخن بنفس الدرجه
يعني اقصد انك لو وصلت انك تحمل عليه نفس الحمل اللي كان واقع علي الترانزيستور بنسبه وتناسب هتلاقي الحراره بتعته اعلي من الترانزيستور ولو حد لاحظ مثلا في الكاسيت البايونير اللي بيستخدم التكنولوجيا ديه هتلاقي عامل تبريد ضخم جدا بعكس اي كاسيت عادي مش بيستخد الموسفيت عشان الحراره الرهيبه اللي بتخرج منه ولو شغلت الكاسيت لمده خمس دقايق وعليت عليه وانت فاكه وحطيت ايدك علي التبريد ده ها تشعر بحرره عاليه جدا جدا
وديه حاجه سهله لو اي حد عاوز يجربها او يشوفها بنفسه
اقتباس:
المشاركة الأصلية كتبت بواسطة jojowork1
كلام سليم جداً من الناحية العلمية ،
عندي تعليق بسيط على موضوع السخونة دة، ال-mosfet مش بيسخن ذي ال-BJT خالص عشان ال R-on بتاعته أقل بكتير ، وبالتالي كمية ال-heat dissipated هتكون أقل كتير ، ودة السبب إنه بينفع في تطبيقات الباور . لو حضرتك بالمقارنة مسكت مكبر BJT 22-25 وات RMS (ذي دايرة ال-mosfet ال-50 ) هتلاقي حرارته أعلى كتير من ال mosfet .
تقبل تحياتي