بسم الله الرحمن الرحيم

السلام عليكم و رحمة الله و بركاته

ليا واحد صاحبي معاه جين 2 موديل 2010

و عايز يعمل بعض التعديلات عشان يحسن اداء العربية و قالي ع التعديلات اللي عايز يعملها
لكن انا بصراحة مرضتش افتي لأني معنديش خبرة اووي في الموضوع اللي عايز يعمله فقولتله الحاجة ديه اعتقد لو انت عندك تربو و معرفش كلها تنفع للجين توو و لا لأ بس قولتله هسأل و اقولك
فقولت اسألكم
مع ان الجين 2 مش محتاجة

و اللي هو عايز يعمله كالآتي

عايز يركب بوجيهات و اسلاك سبليت فاير
و هيدر
و فلتر هوا سبور بماسورة استانلس
و في ناس قالوله ركب منظم وقود
و ناس قالوله ركب معاهم cold intake بس قولتله ده عشان لو عندك تربو فيسحب هواء بارد عشان الموتور بيسخن جامد بسبب التربو
فالسؤال هل التعديل ده ينفع للجين 2 موديل 2010
و الحاجات ديه مظبوطة و لا زايدة حاجة ولا ناقصة حاجة عشان يبقي عنده اداء أفضل و هل الكلام ده هيأثر ع عمر الموتور او ليه اثار جانبية بشكل مباشر او يغر مباشر غير طبعا الصرف
هو ركب عفشة اسبور و عايز يركب تقويات فبيقولي الثبات تمام و عايز اداء اجمد
فباصص بقي للاداء