مساء الخير عليكم جميعا

يا جماعة الخير انا بدور علي ميجان بس مصدري الو حيد موقع كونتاكت كار حد عنده فكرة عن معارض او حد متخصص في بيع الميجان يا ريت يفديني

و فيه نقطيتين مهمين عايز اخد راي حضراتكم فيها:

1-انا شوفت ميجان 2006 ملحق 2007 الشكل الجديد عربية نظيفة جدا بس لسه مكشفتش عليها صاحبها بيتكلم في 74000 نهائي العربية كاملة فرش جلد و بانوراما(دي اكتر حاجة عجباني في الميجان)بس الراجل منزل العداد و مخليه 44 الف كم و صاحب المعرض قالي سال في التوكيل كانت في 2009ـ5 كانت عامله 60 الف كم شكيت فيها شوية و في واحدة تانية2006 ملحق 2007 مفيهاش بانورما و فرش جلد ماشية 55 الف كم الراجل عايز 70 الف المهم و في واحدة تانية 2007 الراجل عايز 75 و لسه فيها كلام

راي حضراتكم 2006 ملحق 2007 احسن و له 2007 مع اعتبار ان اكتر حاجة عجباني البانوراما و فرش الجلد و ده موجود في 2006 ملحق 2007 بس و مش موجود في 2007 و لو حد قدامه عربية نظيفة ياريت يقولي؟

2-انا قلقان لان الناس بتقولي ان الميجان كلها حساسات و موضوع الكارت فممكن تكون مشاكلها كتير و مش عملية و كمان لازم تتصلح في التوكيل و قطع غيارها غالية في ايه راي حضراتكو في الكلام ده؟وفي حد قالي ان في مهندس كان في التوكيل و فتح مركز في الحرفين هل ده يكون كويس و لو حد عنده معلومات عن مراكز صيانة خارج التوكيل كويسة ياريت يفدني كلنا

اسف جدا طولت عليكم و شكرا جزيلا:b4_007: