الموضوع: أسعار قطع غيار 316 الدبانه من موديل 91 الى 97

[quote=bmw5260;3873621904]

المشاركة الأصلية كتبت بواسطة bmw5260

برجاء من الأخوة الأعزاء ،،،،، لتكملة روعة الموضع الجامد ده ،،،،،،، اللي يعرف صنايعي في أي مجال بي إم محترم ومتمكن وأسعاره مناسبة يسجل أسمه وتليفونه ،،


ياجماعة أنتو عمالين تردو على بعض عادي وأنا باسأل وانتوا بتجاوبو برضو عادي ،،،،،،،،،،،،،،،،،،، أمال محدش عايز يدليني على السؤال ده ليه هو انتوا مابتروحوش لصنايعية بجد زعلان جداً وبعدين أنا مش لوحدي هستفيد في غيري كتير .

محمد هرم فى الحرفيين أنا بتعامل معه هو ما شاء الله عليه جيد, بالنسبه لتكلفة الصيانه عند الميكانيكيه فى الحرفيين هتجدها مرتفعه عن خارجها و الكل تقريبا عنده حدود اسعار بيتعامل على أساسها و على حسب الشغل اللى تم بالسياره هذه لا تستطيع تحديدها بنفسك و بتكون على حسب كل شخص يعنى مثلا شخص يدفع 200 جنيه و يهيىء له إن هذا السعر ممتاز و أخر يدفع 200 جيه و يشعر إنه ضحك عليه و إنه دفع كثير. بالنسبه لرقم تليفونه و قت ما حضرتك أو أية عضر يريد الذهاب إليه ارسل له رقم تليفونه على الخاص و اعذرنى لأنه غير مسموح لى إعطاء الرقم الخاص به إلا بعد أن استأذن منه شخصيا من واجب الأحترام :)

[QUOTE=TheBuccaneer;3873621914]

المشاركة الأصلية كتبت بواسطة bmw5260

محمد هرم فى الحرفيين أنا بتعامل معه هو ما شاء الله عليه جيد, بالنسبه لتكلفة الصيانه عند الميكانيكيه فى الحرفيين هتجدها مرتفعه عن خارجها و الكل تقريبا عنده حدود اسعار بيتعامل على أساسها و على حسب الشغل اللى تم بالسياره هذه لا تستطيع تحديدها بنفسك و بتكون على حسب كل شخص يعنى مثلا شخص يدفع 200 جنيه و يهيىء له إن هذا السعر ممتاز و أخر يدفع 200 جيه و يشعر إنه ضحك عليه و إنه دفع كثير. بالنسبه لرقم تليفونه و قت ما حضرتك أو أية عضر يريد الذهاب إليه ارسل له رقم تليفونه على الخاص و اعذرنى لأنه غير مسموح لى إعطاء الرقم الخاص به إلا بعد أن استأذن منه شخصيا من واجب الأحترام :)

أشكرك ياقرصان وطبعاً عندك حق في موضوع الأمانة والاحترام ...

بس ياريت تفهمني إيه هوالخاص علشان أنا على قدي في النت وازاي أقدر أتواصل مع السادة الأعضاء المحترمين أمثال حضرتك .

[quote=bmw5260;3873623261]

المشاركة الأصلية كتبت بواسطة thebuccaneer

أشكرك ياقرصان وطبعاً عندك حق في موضوع الأمانة والاحترام ...

بس ياريت تفهمني إيه هوالخاص علشان أنا على قدي في النت وازاي أقدر أتواصل مع السادة الأعضاء المحترمين أمثال حضرتك .

حضرتك تضغط على إسم العضو الموجود مثلا بالموضوع او الرد و هو بيكون فى الجزء اليمين و بيكون أسفل منه وصف للعضو "عضو برنزى, عضو ذهبى إلخ..." و اول ما تضغط عليه هتظهر لك الخيارات من ضمنها "إرسال رساله خاصه" هذا هو معنى كلمة "الخاص" هنا بالمنتدى :)

يا Buccaneer مش تقولنا طيب مستوى اسعار المصنعية عنده ماشى ازاى
يعنى انا مثلا غيرت طلمبة باور عند محمود رزق ودفعت 100 جنيه
وكذلك غيرت جوز مساعدين امامى وتيل فرامل وصدادات بردو ب 100 جنيه
مره غيرلى كوعة الايرماس يعنى فك وركب بس خد 20 جنيه
الكلام ان محمود رزق احن اسعار مصنعية فى الحرفيين بس انا مش مستريح معاه بصراحه لانه عاوز حد يروح يقولله عندى كذا او اعمللى كذا فيغيرها وشكرا
مابيديش رايه فى حاجه عشان يخلى مسئوليته وده اللى تاعبنى معاه
يعنى انا مش فاهم وبردو سايبنى ولا يفيد مين كويس ومين اسعاره احسن وايه الفرق بين الجديد والمستعمل وانهو الاحسن
يعنى ما بيفكرش معايا نهاااااااااااائى او يمكن عشان انا بالنسباله زبون مش حد صاحبه
فى ناس زى ناصر الفيومى وعيد يقوللك العربيه فيها ايه مش انت اللى تقوله واما يشتغل تحس بفرق وكمان يضمنلك شغله بس المقابل مصنعية نااااااااااااااااااار
قابلت واحد بالصدفه معاه بى ام وانا بغير زيت قال لى ان ناصر الفيومى لو فك مسمار اقل مصنعية ليه 300 جنيه
طب كده ينفع يعنى
هو عشان راكب بى ام يبقى ادور واكع اللى فى جيبى على حاجه ماهياش كيميا
واحد يقوللى المكنه 318 is تعمل 13 الف جنيه بالسيستم
وواحد يقوللى 4500 جنيه بس وبالسيستم واطلعهالك من النص قدامك
عموما يا خوننا اللى اعرفهم فى الحرفيين بعد بهدله كالاتى
- محمود رزق محترم وكويس واسعاره حنينه
- عيد - ما اتعاملتش معاه بس اسمع انه بيفهم وحراق
- ناصر الفيومى الشهير بناصر معجزة - حراااااق اوى بس سريع فى شغله وفاهم وتنك جدا
- منصور بطل يشتغل فى ال E 36
- فارس هو كويس ومش حراق بس عشان يسلمك بى امايه واقفه بيشيل كله ويركب غيره مفيش شيل حاجه وسيب التانيه مادام شغاله من باب الباب اللى يجيلك منه الريح
- اسمع عن واحد اسمه محمد على بيقولوا محترم وحنين وشغال فى البى ام كويس
- ليا صديق اسمه ياسين واخد المركز بتاع واحد كان مشهور كده بتاع سباقات مش عارف اسمه رامى سرى ولا ايه

اللى اتعامل مع ميكانيكى كويس يا خوننا وعنده ضمير فى الشغل والفلوس ويدلنا على الصح بالله عليكو ما يتاخر
والاخ TheBuccaneer لو محمد هرم ده كويس وضامنه ومستريح معاه ياريت تستأذنه وتبعتلى رقمه على الخاص بس تقولنا ايه نظام مصنعيته

المشاركة الأصلية كتبت بواسطة m000dy

يا Buccaneer مش تقولنا طيب مستوى اسعار المصنعية عنده ماشى ازاى
يعنى انا مثلا غيرت طلمبة باور عند محمود رزق ودفعت 100 جنيه
وكذلك غيرت جوز مساعدين امامى وتيل فرامل وصدادات بردو ب 100 جنيه
مره غيرلى كوعة الايرماس يعنى فك وركب بس خد 20 جنيه
الكلام ان محمود رزق احن اسعار مصنعية فى الحرفيين بس انا مش مستريح معاه بصراحه لانه عاوز حد يروح يقولله عندى كذا او اعمللى كذا فيغيرها وشكرا
مابيديش رايه فى حاجه عشان يخلى مسئوليته وده اللى تاعبنى معاه
يعنى انا مش فاهم وبردو سايبنى ولا يفيد مين كويس ومين اسعاره احسن وايه الفرق بين الجديد والمستعمل وانهو الاحسن
يعنى ما بيفكرش معايا نهاااااااااااائى او يمكن عشان انا بالنسباله زبون مش حد صاحبه
فى ناس زى ناصر الفيومى وعيد يقوللك العربيه فيها ايه مش انت اللى تقوله واما يشتغل تحس بفرق وكمان يضمنلك شغله بس المقابل مصنعية نااااااااااااااااااار
قابلت واحد بالصدفه معاه بى ام وانا بغير زيت قال لى ان ناصر الفيومى لو فك مسمار اقل مصنعية ليه 300 جنيه
طب كده ينفع يعنى
هو عشان راكب بى ام يبقى ادور واكع اللى فى جيبى على حاجه ماهياش كيميا
واحد يقوللى المكنه 318 is تعمل 13 الف جنيه بالسيستم
وواحد يقوللى 4500 جنيه بس وبالسيستم واطلعهالك من النص قدامك
عموما يا خوننا اللى اعرفهم فى الحرفيين بعد بهدله كالاتى
- محمود رزق محترم وكويس واسعاره حنينه
- عيد - ما اتعاملتش معاه بس اسمع انه بيفهم وحراق
- ناصر الفيومى الشهير بناصر معجزة - حراااااق اوى بس سريع فى شغله وفاهم وتنك جدا
- منصور بطل يشتغل فى ال E 36
- فارس هو كويس ومش حراق بس عشان يسلمك بى امايه واقفه بيشيل كله ويركب غيره مفيش شيل حاجه وسيب التانيه مادام شغاله من باب الباب اللى يجيلك منه الريح
- اسمع عن واحد اسمه محمد على بيقولوا محترم وحنين وشغال فى البى ام كويس
- ليا صديق اسمه ياسين واخد المركز بتاع واحد كان مشهور كده بتاع سباقات مش عارف اسمه رامى سرى ولا ايه

اللى اتعامل مع ميكانيكى كويس يا خوننا وعنده ضمير فى الشغل والفلوس ويدلنا على الصح بالله عليكم ما يتاخر
والاخ TheBuccaneer لو محمد هرم ده كويس وضامنه ومستريح معاه ياريت تستأذنه وتبعتلى رقمه على الخاص بس تقولنا ايه نظام مصنعيته

محمد هرم موجود بالورشه اللى قبل محمود رزق (حسبى الله و نعم الوكيل فيه) الورشه اللى أمام محل الفايبر بتاع تامر اللى لها مطلع و هو محترم جدا و بيبدى رأيه و حد فاهم جدا جدا جدا ما شاء الله عليه و بيتعامل و جدع جدا بجد عن محمود رزق (حسبى الله و نعم الوكيل فيه) محمود رزق اثبت لى بالدليل إنه لا يصلح يكون ميكانيكى و كلام للأعضاء عن جد إنسان غير محترم إطلاقا و من الممكن يقول لك على شىء و تثق فى كلامه و عند عمله و لا قدر الله لم يتم التوفيق يقول لك أنا ليس لى شأن و هو عمل عليه حوار كبير و كلفنى 30000 جنيه حتى الأن و مازال بسبب سياره كان صاحبها بيصلح عنده و بعدها صاحب السياره كان بيبيعها شاهدت السياره و عرفت من صاحبها إنه بيصلح عند محمود رزق تمام, كلمت محمد و قولت له بدوره محمد سأل محمود على السياره لأنه كان شاكك إن السياره مصدومه من الأمام, محمود رزق (حسبى الله و نعم الوكيل فيه) قال له لأ السياره تمام و حاجه 10 على 10 تمام و لم يقول له أية شىء على الأطلاق و بناء على كلام صديق فى مقام أخ و جار بنفس البيت من محمود رزق لمحمد هرم قال لى السياره تمام. ذهبت و كان مع والدى وشاهدت السياره و كشف عليها محمد هرم للأثنين سمكره و ميكانيكا و طبعا بناء على كلام محمود, محمد لم يكشف بالدقه الكافيه و كان كشف بسيط تمام و النتيجه بعد الشراء تكلفة السياره حتى الأن 98000 جنيه و شارى السياره أنا ب 75000 جنيه. أول شىء عرفته إن البطاحات الخلفيه للسياره مشرخ تمام و لأن أنا عارف إن ال E36 بتشرخ من البطاحات الخلفيه قولت مش مهم و ضبطت الشرخ تمام, بعدها عرفت إن الفتيس الأتوماتيك به مشكله و تكلفته كانت 5000 جنيه فى ذلك الوقت طبعا موقف جعلنى فى قمة الضيق و تشاحنت من محمد هرم و تضايقت و سألت محمود "هل انت لا تعرف إن الفتيس به مشكله خصوصا و إن هو اللى مركب المحرك ال 318iS" تمام قال لى "و الله يا باشا مش عارف أصل السياره منذ شهرين لا تأتى عندى" طبعا تماكست من الأندفاع فى وجهه طيب إن كانت السياره منذ شهرين لا تأتى إليك لما ابديت رأيك أن السياره ممتازه و تمام و أخيرا و بالصدفه و أنا بضبط و ش السياره الأمامى كانت الصاعقه من السمكرى إن السياره مصدومه من الأمام و الشاسيه جهة اليمين متأخر للخلف بعض أشياء. و عندما كلمت محمود رزق (حسبى الله و نعم الوكيل فيه) قال لى "يا باشا أنت مش ضوفت العربيه و عجبتك" يعنى من الأخر أنا ما ليس لى دخل. و منذ هذه اللحظه سقط من نظرى تماما هذا بخلاف الكثير من المواضيع التى لا يصلح المكان و الوقت لكتابتها اثبتت لى بالدليل أن محمود رزق حقيقة بنظرى مش راجل لأن الرجل بموقفه و انا إن اخطأت بحق أية شخص و كلفته إما إنى اصلح له ما اتلفته أو ادفع له ما دفعه لأن أنا المتسبب فى هذا تمام.

ربنا يعينك على مابلاك .... بجد موضوع تحفه ... وكلام جميل ... واعضاء عثل وربنا عثل ...

تقبلو تحياتي ....

اللى انت بتقوله ده

و من الممكن يقول لك على شىء و تثق فى كلامه و عند عمله و لا قدر الله لم يتم التوفيق يقول لك أنا ليس لى شأن

حصل معايا فى طلمبة الباور من شهرين والجديده زنت تانى ولما كلمته قاللى ماليش دعوه طب يا عم مش انت لما ركبتها قولتلك ان الطلمبة الجديده بردو فيها زنه قاللى انت عاوز ايه ياباشاانت لسه مركب الطلمبه اصبر شويه وامشى بيها وما كان الا انى مشيت بيها وصوتها على تانى وطلعت بايظه ومش هاقدر ارجعها لانها بقالها معايا اكتر من شهرين
وكلامك ده تاكيد على اللى انا قولته

مابيديش رايه فى حاجه عشان يخلى مسئوليته وده اللى تاعبنى معاه

وبعدين ماتزعلش منى محمد هرم كده شبهه عشان كان المفروض يراعى ربنا فى الالافات اللى هاتدفعها ويبص فى العربيه كويس عشان مفيش صنايعى بيعتمد على كلام حد ده لو فعلا صنايعى
ايه رايك انت دلوقتى انا عاوز اغير علبة دركسيون ومش عارف اروح لمين ولا اعمل ايه ساعدنى بقى عشان دى تخييطه لو لبستها وابعتلى رقم تليفونك على الخاص
عموما انا حد من صحابى لسه مسقط مكنه 20 سته سلندر فى حته ام فورتى وبيقول ان الميكانيكى اللى بيتعامل معاه فى بورسعيد حنين قوى وبيراعى زبونه وهو بيتعامل مع واحد بتاع قطع غيار وهو اللى بيوديه للميكانيكى ويقوله العربيه لو فيها حاجه اضمنهالك
فى واحد صاحبى معاه 36 بردو عاوزه شويه شغل وعاوز يسافر معايا لو كده ابعتلى رقمك ونهبأ فى نزولة سوا وربك يقدم ما فيه الخير ده لو ليك دماغ

المشاركة الأصلية كتبت بواسطة m000dy

اللى انت بتقوله ده



حصل معايا فى طلمبة الباور من شهرين والجديده زنت تانى ولما كلمته قاللى ماليش دعوه طب يا عم مش انت لما ركبتها قولتلك ان الطلمبة الجديده بردو فيها زنه قاللى انت عاوز ايه ياباشاانت لسه مركب الطلمبه اصبر شويه وامشى بيها وما كان الا انى مشيت بيها وصوتها على تانى وطلعت بايظه ومش هاقدر ارجعها لانها بقالها معايا اكتر من شهرين
وكلامك ده تاكيد على اللى انا قولته



وبعدين ماتزعلش منى محمد هرم كده شبهه عشان كان المفروض يراعى ربنا فى الالافات اللى هاتدفعها ويبص فى العربيه كويس عشان مفيش صنايعى بيعتمد على كلام حد ده لو فعلا صنايعى ايه رايك انت دلوقتى انا عاوز اغير علبة دركسيون ومش عارف اروح لمين ولا اعمل ايه ساعدنى بقى عشان دى تخييطه لو لبستها وابعتلى رقم تليفونك على الخاص عموما انا حد من صحابى لسه مسقط مكنه 20 سته سلندر فى حته ام فورتى وبيقول ان الميكانيكى اللى بيتعامل معاه فى بورسعيد حنين قوى وبيراعى زبونه وهو بيتعامل مع واحد بتاع قطع غيار وهو اللى بيوديه للميكانيكى ويقوله العربيه لو فيها حاجه اضمنهالك
فى واحد صاحبى معاه 36 بردو عاوزه شويه شغل وعاوز يسافر معايا لو كده ابعتلى رقمك ونهبأ فى نزولة سوا وربك يقدم ما فيه الخير ده لو ليك دماغ

السلام عليكم. أنا بالنسبه لى يكفينى شرف التعرف عليك طبعا قبل كل شىء. محمد هرم فعلا عمل خطأ لكن للأسف هو وثق فى شخص غير أهل للثقه مثل محمود رزق (حسبى الله و نعم الوكيل فيه) لكن هو كميكانيكى هو أفضل من محمود رزق (حسبى الله و نعم الوكيل فيه) و بعدين محمد هرم لما يغير شىء بنفسه بيكون هو المسئول عنه يعنى لو غير بالخطأ بيكون مسئول عن إنه يرجع اللى غيره يعنى محترم لكن محمود أنا رأيته كذا مره و هو بيتعامل مع الزبائن و شعرت إنه مش تمام و الحركه اللى حصلت معى اثبتت لى فعلا إنه مش تمام. أنا زعلان من محمد هرم بالفعل زعل شديد من اللحظه لكن هذا لا يمنع قول الحق إنه ميكانيكى جيد و مسئول. أنا بالمناسبه يوم الأثنين الماضى غيرت علبة الدركسيون لديه. عالعموم لك مطلق الحريه إنك تذهب إليه أو لا تذهب إليه طبعا. و الفكره فى بورسعيد فكره تمام لكن هل كل مره هيحصل شىء لا قدر الله هتسافر بورسعيد يعنى هتضيع يوم لتصليح السياره و بنزين. عالعموم ربنا يسهل و إن شاء الله خير