ماشاء الله عليكم موضوع تمام التمام فعلا اسد عجوز بس مش عجوز والله يرفع لها القبعه اينما وجدت وفى اى زمان
تسلم ايديكم
عرض للطباعة
ماشاء الله عليكم موضوع تمام التمام فعلا اسد عجوز بس مش عجوز والله يرفع لها القبعه اينما وجدت وفى اى زمان
تسلم ايديكم
ممكن حد من المشرفين يفدنا في موضوع تثبيت البيان ده علشان الفائده العامه
موضوع متميز جداً
أنا كمان بفكر الايام دي انى اغير من الفيرنا واجيب 316 مو 97
هتبقوا خدمتونى لو عرفتونى سعر العربية ذات نفسها فى رينج كام ( لو حالة متوسطة او ممتازة)
السلام عليكم. إذا كانت السياره فابريكه بالكامل هتجد السعر يتراوح بين 80000 - 85000 جنيه < على الرغم من وجود سياره موديل 97 معروضه بموقع كونتاكت كارز مكتوب إنها فابريكه بالكامل و حتى الأكصدامات لم ترش و مطلوب بها 92000 جنيه. طبعا سعر خيالى بالنسبه لموديل 97 و لونها زيتى لأن بنفس السعر تقدر تشترى e46 1999 - 2000 > لكن سعرها الحقيقى إذا كانت فابريكه مثل ما ذكرت بالأعلى. إذا كانت الحاله متوسطه تجدها تبدأ من 70000 جنيه فيما فوق.
شاكر جداً لسرعة ردك يا thebuccaneer
الا صحيح هو يعنى ايه thebuccaneer
ماشى ياعم جاك سبارو :)
هاتحس بفرق جامد جدا فى الثبات اول ماهاتركب البى ام وهاتعرف انك ماكنتش راكب عربيه اصلا وان الكوريين بيرجعوا لورا مش بيتقدموا لقدام فعلااقتباس:
موضوع متميز جداً
أنا كمان بفكر الايام دي انى اغير من الفيرنا واجيب 316 مو 97
هتبقوا خدمتونى لو عرفتونى سعر العربية ذات نفسها فى رينج كام ( لو حالة متوسطة او ممتازة)
رينج العربيه دى موديل 91 ل 94 بيعمل من 55 الف ل 60 الف بالكتير الا اذا كانت فابريكه بره وجوه وحالة شاذه توصل 65 الف
موديل من 95 ل 97 بتعمل من 65 ل 70 الف حسب الحاله اكتر من كده ماتدفعش وان دفعت عشان عجبتك فاخرها 72 الف عشان اما تجيبها وتصينها وتغير شوية حاجات عبيطه لزوم اختلاف الرجل وبالتسجيل ونقل الملكيه ماتتعداش ال 75 الف وكده تبقى واقعه عليك باعلى سعر ليها فى السوق على اساس انها شاذه وجميع الكماليات كمان
نفس الموديلات دى بس كوبيه او كوبيه كابريوليه هاتلاقى السعر بيلعب فى ال 90 الف بس مصاريفه اغلى فى بعض الحاجات خصوصا ان اغلب الموديلات الكوبيه والكابريوليه صحابها معدلين فيها حاجات وكمان هاتلاقى منها مش متعدل ومواصفات خاصه individual
مثال ال individual هاتلاقى عربيات كوبيه فرشها وتابلوها ودركسيونها جلد كحلى اصلى بى ام والختم فى كل حته
يا مودى باشا انا مش عارف اشكرك ازاى
بس ليا استفسار, هو فيه موضوع كامل عن ال 316 موديل 97 من حيث الامكانيات (التسارع و العفشة و.....) نوع الموتور وايه اخبار الكمبيوتر (لانى كلشوية اتلسع من كمبيوتر الميجان كل شوية حاجة فيه تهنج وتبرجل العربية كلها والتوكيل يقولك الجهاز عاوز يتبرمج )
وشاكر ليك سرعة الرد
اولا ياجميل عيب ماتشكرنيش انا اخوك وماقدرش اتاخر عليك طول مانت محتاج حاجه الافضل تشكر صاحب الموقع انه قدر يجمعنا فى مكان واحد عشان نفيد ونستفيداقتباس:
يا مودى باشا انا مش عارف اشكرك ازاى
بس ليا استفسار, هو فيه موضوع كامل عن ال 316 موديل 97 من حيث الامكانيات (التسارع و العفشة و.....) نوع الموتور وايه اخبار الكمبيوتر (لانى كلشوية اتلسع من كمبيوتر الميجان كل شوية حاجة فيه تهنج وتبرجل العربية كلها والتوكيل يقولك الجهاز عاوز يتبرمج )
بالنسبة لموضوع كامل عن العربيه دى فانا ماعرفش فيه ولا لأ الصراحه لكن عموما معلوماتى عنها من ناحية التسارع - وانا بتكلم عن ال 316 سواء الواحد كامه او الاتنين كامه - فطبعا هايعجبك لكن ماتشدش مع عربيه كورى خفيفه عشان هايطلع منك انما بعد كده انت ممكن تبلعه والعفشه والموتور مفيش منهم شكوى ولا حتى حوض او شاسيه العربيه ولا صاجها
موضوع الكمبيوتر ده بصراحه ماعرفوش لان محدش من اصحابى اللى راكبين العربيه دى اشتكى او واجه اى مشكله مع الكنترول بتاعها
اما بقى بخصوص الميجان فاحب اقوللك هو ده السبب فى نزول سعرها بشكل غير عادى - تخيل فى ناس بتبيع العربيه دى فابريكه بره وجوه باقل من 55 الف كمان وعيبها الوحيد ان التكنولوجيا اللى فيها زيادة واللى زاد الطينه بلله توكيلها واسعاره وصدق ناس كتير لما قالو التكنولوجيا الموجوده فى العربيه دى هى اللى مخليه صباع الناس تحت ضرس التوكيل انما ااكدلك ان اول ماينتشر الشغل فيها بره هاتبدأ تمسك سعرها وتعلى تانى خصوصا انها باعت كويس وعدد العربيات اللى بيجرى منها فى الشارع بالنسبه لماركة رينو فى مصر مش قليل والخلاصه انها سيارة اخرى من السيارات المحترمه التى ظلمها السوق وثقافة المستهلك وتوكيلها