الموضوع: أسعار قطع غيار 316 الدبانه من موديل 91 الى 97

المشاركة الأصلية كتبت بواسطة mada_diab

مودى انت برنس اولا مش عارف اشكرك ازاى ثانيا
انا روحت لااتحد ميكانيكي فى الحريفيين قعد يقول رشاشات بالمسترة بتاعتهم والاير ماس كمان وبوجيهات ومشعارف مين وداس بنزين كان فى فعلا دخنة سودا قليلة بس بتجي لما بيدوس جامد المهم قالى غير حاجة اسمها حساس المية وبعد لما غيرو اختفت الدخنة السودا تصدق ؟؟
اة والله المهم انا لسه مجربتش استهلاك البنزين بعد لما عملتا لحوار دة انا بقي عايز ااعرف ايه علاقة حساس المية بالدخنة السودا ولا حتى باستهلاك البنزين ولا البي ام هشوف فيها العجب ؟؟

جربت ولسه موضوع البنزرن زى ما هووة ........

المشاركة الأصلية كتبت بواسطة m000dy

طب بقوللك ايه ادخل موضوع حملة مش هاروح الحرفيين تانى وهاتلاقى ارقام وعناوين ناس محترمه جدا وبيقولوا انهم بيفهموا قوى وحنينين
روح لحد منهم عشان لو عملت شغل وماطلعش هو اللى كان السبب تبقى ماتعورتش فى كتير وتجرب حاجه غيرها
انما فى الحرفيين لو هاتفضل تجرب يبقى فلوسك هاتخلص وهاتفضل بنفس العيب
ده اقتراح مش اكتر

تمام

يا جماعه الحمد لله ربنا رزقنى بسيارة موديل 1995 مانويلi316I وكنت عايز اعرف يعنى ايه E36 , E30 وعايز اعملها طقم سيرفيس ياريت تقترحو عليا مكان واغيرلها زيت نوعه ايه

المشاركة الأصلية كتبت بواسطة meldewary

يا جماعه الحمد لله ربنا رزقنى بسيارة موديل 1995 مانويلi316i وكنت عايز اعرف يعنى ايه e36 , e30 وعايز اعملها طقم سيرفيس ياريت تقترحو عليا مكان واغيرلها زيت نوعه ايه

بالنسبه للرموز ك e30 و e36 و e46 ما هى إلا رموز كوديه بتحدد هيكل السياره و شكلها و بدأ خط الأنتاج و إنتهائه يعنى على سبيل المثال حضرتك سيارتك موديل 1995 مما يعنى إنها e36 و بدأ خط الأنتاج عام 1991 و انتهى عام 1997 فى السيدان و عام 1998 فى الكوبيه و عام 1999 فى الكابروليه "كلامى لا ينطبق على السوق المصرى"

أنا من خلال الكود e36 قدرت احدد شكل السياره و اعرفه ثانيا لو شخص قال لى أنا معى بى إم دبليو موديل 1995 فأنا مباشرة ه عرف إنه يمتلك e36 تمام.

حضرتك عاوز تغير طقم سيرفس فيه ميكانيكى محترم أنا بتعامل معه فى الحرفيين و تاجر قطع غيار أيضا لو حضرتك تحب لكن للوضوح أسعار أجرة الصنايعيه فى الحرفيين بشكل عام مرتفعه عن خارجه يهنى أقل شىء حضرتك تدفعه هناك هيكون 100 جنيه أنا بالتأكيد ليس لدى خلفيه عن لو حضرتك غيرت سيرفس هتدفع؟
بالنسبه للزيت الأفضل كاسترول و هناك منه عدة أنواع
كاسترول جى تى إكس 5000 كم و تكلفة ال 4 لتر 120 جنيه
كاسترول ماجنيتك 10,000 كم و تكلفة ال 4 لتر 240 جنيه
كاسترول إيدج 15,000 كم و تكلفة ال 4 لتر 275 جنيه
اكسترول إيدج سبورت 20,000 كم تكلفة ال 4 لتر 350 جنيه "لكنه لا يتخدم إلا للمحركات ذات السعات اللتريه الكبيره التى تتعدى ال 3000 سى سى و بالأخص يستخدم لمحركات السيارات الرياضيه كال m3"

وفيه نوع نظيف أيضا و هو الليكو-مولى و هو زيت ألمانى الصناعه و أيضا زيت نظيف جدا لكن ليس لدى خلفيه بسعره

كل من الكاسترول و الليكو-مولى فى المقام الأول يأتى بعدهم الشيل الأصفر تكلفته لل 5000 كم 120 جنيه و الرمادى ال 10,000 كم تكلفته 260 جنيه.

4 بوجيهات 100 جنيه "2 شمعه"
فلتر بنزين + فلتر هواء ال 2 هيتكلفوا تقريبا 200 جنيه
فلتر زيت 60 جنيه
سير مجموعه 145 جنيه