مشكور والله بس انا عندى سؤال اجيب بى ام ولا بورا
عرض للطباعة
مشكور والله بس انا عندى سؤال اجيب بى ام ولا بورا
يا جماعة أنا غيرت حاجات كتير فى العربية ودي أسعارها اللى أنا أشتريت بيها من الحرفين
ريداتير أستيراد 500 جنيه
مروحة كالتش ب 140 جنيه جديدة
ماتور داخل المريات الكهرباء ب 70 جنيه أستيراد وأعتقد
أنه غالى شوية
قميص مروحة الموتور أستيراد ب 150 والجديد منه عامل 450 جنيه
مروحة سربانتينة تكيف ب 400 جنيه أستيراد وماجبتهاش
تيل أمامى ريمسا أبو علبة حمرة ب 210 جنيه
أويل سيل ناقل حركة صغير ماركة فيبى ب 30 جنيه جديد طبعاً , أويل سيل كبير بتاع الفتيس ب 25 جنيه جديد بردوا من عند ممدوح عبد الفتاح
مروحة تكيف بالقميص بتاعها ب 270 جنيه أستيراد
طنابير جديدة فى علبة فيبى ب 420 جنيه
تمام يا جاكسون
عاش يا وحش :)
عفشة 6 سلندر كامله قدام وورا بالطبلية من غير الطنابير الخلفية من 1500 ل 1700 جنيه انت وشطارتك
عماد يا زكى تليفونك مش متاح باستمرار وماجيتش مقابلة امبارح
طمننى يا عم عملت ايه فى المكنة وغيرت ايه وكلفتك كام
هو فين عمرو The Buccancer
يا باشا أنت بتقول العربية نصين , طب ماهو معروف ان العربيات دي مابيبقاش ليها ورق , أو ممكن يكون ليها ورق ومضروب يعنى فى كلأ الحالتين خسارة ومغامرة أنت الخاسر الأول وأكيد الأخير فيها لأن محدش هيشترى عربية نصين ده فى حالة لو حبيت تبيع بعد كده ,, أحسنلك أبعد عنها وشوفلك حاجة أستوك وظبطها بنفسك.. بخصوص المكنة اعتقد هتعمل معاك فى الصفيحة 110 أو 120 بالكتير جوة البلد .. أنا من رأئى بلأش المواتير العالية دي لأنها هتمص فلوسك فى البنزين كل شوية وبعدين معلش سامحنى .. هو أنت شايف فى مصر وبالأخص جوة القاهرة شوارع عدلة ولأ مكان عشان العربيات تتحرك فيه مش تجري.. وبردوا فى الأول والأخر نصيحتى لك ماتتسرعش وماتنساش الأستخارة
من حوالى مايقرب من أسبوع روحت للميكانيكي عشان ينظف الرشاشات والمانفول وكمان يشوف العربية لو محتاجة حاجة لأنها كانت مخنوقة شوية وكمان كان فى استهلأك عالى شوية فى البنزين , بعد الصيانة وبعد تغير البوجيهات العربية فاقت اوى وصوت الموتور أصبح احلى من الأول لكن أستهلأك البنزين مازال عالى ,, فقولت ياواد تعالى على نفسك وأستحمل شوية تناكة منصور وروح شوف هايقولك أيه ,, مش هاتصدقوا لو قلت لكم أنى أخدت فى المشوار ما يقرب من ساعة وأكتر عشان أوصلله ,, وهو مقبلته معايا خدت 5 إلى 7 دقائق بالظبط .. والله لو مظبط ميعاد مع رئيس أركان الجيش كانت هتأخد وقت أكتر من كده ..
قولت له يا منصور باشا أنا عاوز حضرتك تقولى الأستهلأك ده طبيعى ولأ كدة فى حاجة غلط ,,
فرد عليا وقال لى كل المكن الأبيض القديم كده بيعمل جوة البلد مع التكيف 120 فى الصفيحة وبرة البلد 160 للصفيحة ..
فقلت له طب معاليك تقترح أيه يا فندم ؟!!
فرد وقال لى ..شيل المكنة دي وركب m43 ..
فقلت له ,, طب أيه رأى معاليك فى المكنة اللى هية m50tub20
فقال لى ,, دي ستة سليندر وبتأكل بنزين فخليك فى الصغير .. فأنا حبيت بعدها أرخم عليه لأنه بصراحة كان بيرد على أسئلتى وكأنى بشحت منه , وقلت له .. طب هي حضرتك مصنعية تركيب المكنة الجديدة بتتكلف كام ,,فقال لى 800 جنيه ..أنتوا أيه رأيكم فى الكلأم ده وسعر المصنعية دي ؟!!!!
ثانياً :بعدها أخدت بعضى ورحت على مصطفى ميكا فى أحمد عصمت وقولت يواد أتأكد منه تانى وشوف كده العربية دي تمام ,, فرد عليا بعد ما شافها وقال لى صوت الموتور والمكنة حلوة بس هو من رأيه أنى أشيل المكنة القديمة بتاعتها وأحط واحدة 25 أو واحدة زيها بس موديل 97 ..
أنا عندي المكنة عشرة على عشرة فى السحب وصوتها كويس جداً وده بشهادة أكتر من ميكانيكي شافها لأنى كنت حاسس أن صوتها خشن وعالى شوية .. معلش سامحونى أصلى دايماً مشكلتى انى بقارن صوتها بصوت مواتير التويوتا والهيونداي اللى كانوا معايا .... بس المشكلة هى فى أستهلأك البنزين ... والمشكلة التانية أن صوت المكنة بيعلي بعد 120 فمش عارف هل ده طبيعي على المكن القديم ده ولأ مش طبيعي
ثالثاً : قولت ياواد أتعب شوية كمان وتعالى على نفسك ورح الحرفين عشان تقطع الشك باليقين ,, فرحت عند عادل منصورة عشان أحطها على الجهاز وأعرف لو فى حاجة .. الكمبيوتر قرأ مشكلة فى حساس الأكسجين والأير ماس لأن منصور بيه كان فتحه نهار ماكنت بعمل عنده عفشة من شهر ولعب فيه بالمفك ..
رابعاً : رحت بعدها عند واحد أسمه الشيخ عادل فى شارع حربى السروجى وقولت أدردش معاه شوية وأعرف الأسعار ماشية أزاى .. فقال لى أن الأير ماس عامل 550 ,, وحساس الأكسجين بيعمل له حوالى 480 جنيه بس هو نصحنى أنى أغير حساس الأكسجين بس وقال لى أن ألأير ماس عندك كويس بس لما حساس الأكسجين بيبوظ فبيدي قرأية غلط للأير ماس !!!!!!!!!!
أنتوا أيه رأيكم فى الحوارات دي ..أرفع المكنة وأركب تانية وأشتري دماغى وأوفر فلوسى ,, ولأ مالهاش لأزمة المصاريف الكتير بتاعت المكن الأستيراد والمصنعيات وأكتفى بتغير حساس الأكسجين ..والله لو أنتوا شايفين أن الدنيا هتتظبط بعد كده مع تغير الأشياء البسيطة دى والشغل على المكنة القديمة فما فيش عندي مشكلة أنى أشترى حساس أكسجين ولو طلبت أشتري أير ماس كمان ..
من فضلكم دلونى على الصح أنا محتاج رأيكم ونصيحتكم