أسعار قطع غيار 316 الدبانه من موديل 91 الى 97

**m000dy** · 13-08-2011 08:44 PM

فانوس امامى بمكنة ضبط الاضاءه ( استيراد ) ---------- 250 جنيه وممكن تلاقوه ب 200 جنيه
جوز اكصدامات ام امامى وخلفى ( استيراد ) ------------- 3500 جنيه وممكن تلاقوه ب 2500 جنيه
ماستر دبرياج سفلى ( جديد ) ------------------------ 350 جنيه
تيل فرامل خلفى (منشأ اتحاد اوروبى) ------------------ 250 جنيه
قربة ريداتير داخلية ( جديده ) -------------------------- 350 جنيه
وش فانوس ( اسمه نص فانوس ) كورى -------------- 125 جنيه الواحد
وش فانوس ( اسمه نص فانوس) المانى -------------- 450 جنيه الواحد وبيتباع طقم الاتنين ب 900
جنيه
جوز فوانيس معدل ( استيراد ) ------------------------ 1000 جنيه يخلصو 700 ل 800 انت وشطارتك وانت وحظك يا لقيت يا ملقيتش على حسب الطلبيه اللى موجوده
طقم جنط البينا 18 ------------------------------------ 6000 جنيه ويستحق كفايه الاسم

**BMW5260** · 13-08-2011 11:24 PM

المشاركة الأصلية كتبت بواسطة m000dy

ههههههههههههههههه قول للاداره بقى ده قراية الموضوع عدت ال 5000 وتقريبا اعلى مشاهده بفضل الله فى القسم البى ام بس ولا كانها موجوده ههههههههههههههه
لو كننا قسم الكورى كانت بقت علم وسط المشاركات ( مع احترامنا لمنتدى الكورى وركاااااااااااااابه مش عاوزين فتنة فئويه فى المنتديات )
:)

والله لو أعرف أكلم الإدارة إزاي كنت كلمتهم بس أنا يدوب بفك الخط بالنسبة للنت وعموماً الموضوع جامد جداً و يستحق الاهتمام والتقدير رغم أن في أعضاء جامدين جداً ما بيشاركوش في المواضيع بقالهم فترة طويلة مش عارف ليه

**elfashn** · 14-08-2011 07:30 AM

طرمبه بنزين كامله استيراد ب 350ج

**fahd_628** · 14-08-2011 10:01 PM

طقم فوجات ZKW زجاج ب 300 جنية
طرمبة باور M43 ب 450 جنية بس لازم تجربها كويس جدا جدا و تتأكد انها شغالة

اسعار بقى من التوكيل

فبرة طوربيدو للكوبية ( مختلفة عن السيدان ) 365 جنية
سيلات الهواية الخلفية عبارة عن 4 سيلات و هما بيبوظو دائما فى ال E36 ال Coupe ب 450 جنية
سويتش بتاع النور الى هوة بتفتح منة نور الطابلوة و الواطى ب 320 جنية
طقم تيل خلفى بالرجلاش و السوست = 1100 جنية
طقم دبرياج = 2000 جنية + 500 تركيب و علية ضمان سنتين بدون حد اقصى للكيلومترات
ماستر علوى = 750 جنية
اويل سيل كورونة جمب = 120 جنية
تيل امامى = 600 جنية تقريبا او 560 مش فاكر
طنابير امامى = 850 جنية او 900 جنية مش فاكر
التقويات بتاعت شاسية ال E36 من ورا الى بتتحط على المكان الى ماسك ال Subframe ب 800 جنية
فلتر زيت 75 جنية
فلتر تكييف 220 جنية

دول الى انا فاكرهم و على فكرة بعض الأسعار دية بالضريبة و بعضهم لأ و الضريبة 10 %

على فكرة والله والله اسعار التوكيل مش غالية بالطريقة الى الناس متخيلاها انا شايف كدة بس طبعا بغض النظر عن التيل مثلا

فية مثلا السويتش بتاع النور دة انا سألت علية استيراد ب 200 جنية و طبعا مستهلك و قرب يبوظ

تدفع 200 جنية فى سويتش ممكن يقعد سنة او سنتين الله اعلم ممكن اكثر و ممكن اقل ! ولا تدفع 320 جنية و تاخد واحد جديد يقعد معاك 16 سنة زى الى كان فيها ؟؟؟

و على فكرة تقريبا التوكيل معندوش اى حاجة لل E36 و لو عاوز حاجة يبعتوهالك Order و توصلك بعد 15 يوم او 45 يوم حسب حجم الحاجة المطلوبة يعنى السيلات انا طلبتها توصل بعد 15 يوم لكن الفبرة بتاعت الطوربيدو توصل بعد 45 يوم ان شاء الله

**fahd_628** · 14-08-2011 10:03 PM

و انا عامل المشاركة دية مخصوص شكر لأخى عمرو thebuccaneer لأنة نزل معايا الحرفيين و فضل معايا و حتى فطرنا عند الميكانيكى علشان نلاقى طرمبة باور كويسة بس للأسف فى الأخر ملقيناش بس بجد هوة تعب معايا جدا جدا جدا و شكرا جزيلا لية و هوة شخصية طيبة جدا و محترمة جدا و جدع بجد

**m000dy** · 15-08-2011 01:52 PM

و انا عامل المشاركة دية مخصوص شكر لأخى عمرو thebuccaneer لأنة نزل معايا الحرفيين و فضل معايا و حتى فطرنا عند الميكانيكى علشان نلاقى طرمبة باور كويسة بس للأسف فى الأخر ملقيناش بس بجد هوة تعب معايا جدا جدا جدا و شكرا جزيلا لية و هوة شخصية طيبة جدا و محترمة جدا و جدع بجد

ياباشا طيب ما تقولوا نازلين امتى انا الجمعه اللى فاتت كنت لوحدى وطلع عينى فى اللف وانا صايم
اللى نازل يقول عشان نفيد بعض هناك لو حد احتاج حاجه
و Buccaneer انا قولتله هات رقمك او وصى محمد هرم عشان رايحله ولا عبرنى وروحتله لوحدى بس مالقيتوش و لقيته بينزل بعد الساعه 3

**fahd_628** · 16-08-2011 03:34 AM

المشاركة الأصلية كتبت بواسطة m000dy

ياباشا طيب ما تقولوا نازلين امتى انا الجمعه اللى فاتت كنت لوحدى وطلع عينى فى اللف وانا صايم
اللى نازل يقول عشان نفيد بعض هناك لو حد احتاج حاجه
و buccaneer انا قولتله هات رقمك او وصى محمد هرم عشان رايحله ولا عبرنى وروحتله لوحدى بس مالقيتوش و لقيته بينزل بعد الساعه 3

خلاص يا باشا المرة الجاية ان شاء الله

**TheBuccaneer** · 16-08-2011 08:58 PM

المشاركة الأصلية كتبت بواسطة m000dy

ياباشا طيب ما تقولوا نازلين امتى انا الجمعه اللى فاتت كنت لوحدى وطلع عينى فى اللف وانا صايم
اللى نازل يقول عشان نفيد بعض هناك لو حد احتاج حاجه
و buccaneer انا قولتله هات رقمك او وصى محمد هرم عشان رايحله ولا عبرنى وروحتله لوحدى بس مالقيتوش و لقيته بينزل بعد الساعه 3

السلام عليكم يا أستاذ مودى, و الله أنا ليس بى خصلة إن حد يطلب منى شىء و اتركه بدون رد فاصل و الله إما بقول له هسأل لك أو مش ليس لدى خلفيه بهذا الموضوع.

كان هنا بالموضوع فى صفحه من الصفحات و كان الحديث تقريبا على أسماء ميكانيكيه جيدين بالحرفيين و ذكتر أسم محمد هرم و طلب منى يومها وضع رقمه و قولت إنه لا يصلح إن ضوع رقمه بدون علمه و عالعموم أنا هرسل لك رقمه على الخاص لا يوجد مشكله أهم شىء لا يكون فى قلبك شىء من الزعل منى لأنى و الله ليس قصدى إن اية شخص يزعل منى بسبب أية شىء و لك عندى حق عرب و أنا تحت امرك فيه :) و مستعد انزل يوم الحرفيين معك و نضبط اللى أنت محتاج تسأل عليه و اعرفك على محمد هرم يا باشا :) لكن بالله عليك لا تزعل منى ارجوك لأنى عن جد هزعل جدا جدا جدا لو لم تسامحنى و هرسل لك رقم محمد على الخاص.

**Bmipmact** · 17-08-2011 01:03 AM

أرجو المساعدة في موضوعي

http://www.nilemotors.net/Nile/23948...post3873732666

**jupitar02** · 17-08-2011 06:04 AM

السلام عليكم يا جماعه و كل سنه وانتم طيبين اولا انا بجد سعيد اوي وسطيكم وكنت عايز اسأل سؤال لو انا عايز اسقط في الدباته 2500 الماكنه البيضا تكلفني اد ايه ولو 1800 اي اس مع العلم اني 316 عايز اقل تكلفه ؟؟