وحياااااات عربياتكو تقولولي ايه النظام !!

**eye_charm** · 08-01-2011 03:22 PM

مبدأيا يا جماعه لو الموضوع متكرر اعذروني عشان لسه جديد بس :)
انا معايا لانسر 2007 (فضي)
كنت عملت بيها حادثه وركبت رفرف وكبوت واكصدام وفانوسين
والحمد لله اعمال السمكره خلصت خلاص
دلوقتي انا ان شاء الله ناوي اغير لون العربيه كلها من فضي الى ازرق (( مع العلم اني كنت راششها كلها قبل كده يعني مش قلقان من موضوع انها تفضل فبريكه))
استفساري بقى بخصوص اللون...طبعا احنا عارفين ان في انواع من الالوان عادي وميتالك ومط
كل اللي محتاجه بقى منكم تقولولي اللون اللي في الصوره دا عباره عن ايه بالزبط لإني نفسي اعمل زيه بالزبط بالزبط بالزبط (وياريت بقى لو حد يقولنا الفرق بين ال3 انواع دول ايه)
وعلى فكره انا العربيه مجنطها جنط 16وهرشهم ابيض ان شاء الله ومركبلها فوانييس رياضيه فا حد متخيل بقى العربيه بعد ماتبقى باللون دا هتبقى عامله ازاي..واللا انتو ايه رأيكو ؟؟

**A.Saad** · 08-01-2011 04:14 PM

علشان حلفتنى بالغالى بس
اللون العادى بيبقى مش فيه لمعة
زى الفيات القديم مثلا
الميتاليك
تلاقى فيه لمعة فى الدهان
المط اللى اعرفه اسود مط بس
بيكون مطفى وحاسس كأنه ستيكر
الصورة ده ميتاليك
بس مش عارف ليه مستغرب جنط ابيض وعربية زرقا
هيا اذواق طبعا

**eye_charm** · 10-01-2011 11:45 AM

ايه ياجدعان محدش عايز يرد علينا ليه ؟؟؟
بلييييييز اي حد عنده رأي او وجهة نظر في الموضوع دا يقولنا عليها

**eye_charm** · 13-01-2011 06:58 PM

عموما انا الحمد لله خلاص رشيت العربيه وعملت اللون اللي انا عايزه
دلوقتي بقى في سؤال تاني..
لو عايز اعمل تعديل في الاكصدام اللي ورا زي اللي في الصوره دا
http://uploadpic.org/storage/origina...lennsfsfrf.jpg
المفروض اروح لحد بتاع فيبر ويقصه مثلا ويحط الحته اللي تحت اللي لونها اسود دي واللا ايه العمل بالزبط ؟؟