غبور شكله هيموت العربية ديه.
عرض للطباعة
الجيتز سيارة صغيرة الحجم و لا ينفع تتقارن أصلا بالجولف لأختلاف الأحجام (دي في فئة حجمية و دي في فئة حجمية آخرى )اقتباس:
انا كان عندى قبلها جولف4 مثلا.. ولما ركبت الجيتز لقيتها طيارة بالنسبة للجولف.. وفى الآخر كانت هتتقلب بينا عشان خدت ملف زى ماكنت باخده بالجولف...!!!
و دي كارثة من هيونداي أنها تنزل عربية فيها موتور بالقوة دي على عربية صوغننة (قاصد أستخدم التعبير ده ) من غير ما يعملوا أي تعديل في العفشة و ارتفاع السيارة لتعزيز الثبات (بس كل الشركات بتغلط و تعمل بلاوي و عندي مثال على فولكس فاجن لو عايز أذكره لحضرتك )
عايز تتكلم ........ أتفضل أركب i30 و أعمل اللي أنت كنت بتعمله بالجولف و هاتعمل معاك أحلى شغل (ثبات و سحب )
إنما الجيتز دي آخرها موتور 1400 على 80 حصان و يبقوا متشكرين على كدا
حضرتك اكيد عارف الفرق بين المدرسة الامريكية والمدرسة الاوروبية والاسيوية في مفهوم القوة، اميريكان ماسل يعني عزم أكتر منه هورس باور .صدقني في فرق كبير في القياده بين الاتنين كل مدرسة لها طعم مختلف تماما في متعة القيادة
قارن الفيراري بالفايبر وشوف فرق العزم
فايبر 600 حصان عند 6000 لفة ، 760 نيوتن عند 5600
فيراري ايطاليا 560 حصان عند 9000 لفة، 540 نيوتن عند 6000 لفة
على فكرة انا لا بدافع عن دي ولا بهاجم التانية،
ياريت طبعا تقولى على الغلطة بتاع فولكس دى...!!! :U_thin1[1]:
وانا فعلا ركبت الi30 وثباتها أفضل من الجيتز و الألنترا طبعا.. مع الأحتفاظ بالسحب الجيد
بس بردو... لا ترقى لثبات عربيات الفئة اللى هى بتنافس فيها...!!!:N_no[1]:
فعلا الأمريكانى بيركز على العزم أكتر من الhp .. دا كفاية هوس الأمريكان بالدراج ريس..!!!
ولكن.. على الرغم من فروق القوة لصالح الفايبر (على الأقل عشان بتيجى عند rpm صغيرة).. تسارع ال458 أفضل حاجة بسيطة
أعلى نسخ الفايبر من 0-100 فى 3.9, 3.8 وفى نسخة 3.5 ثانية
النسخة الستوك من 458 بتتسارع فى 3.3 ثانية.. وده فرق يعتبر فى الفئة دى :B4_048:
وانا معاك ان كل مدرسة ليها طعم وطابع مختلف.. خصوصا الأمريكانى.. ركوبة تانى خالص غير اللى احنا نعرفه هنا فى مصر.. احنا قريبين للأوروبى (عربيات أقتصادية)
انما فى الخليج.. الأساس American Muscle Cars ثم اليابانى العالى طبعا
وانا برده مش بهاجم ولا بدافع ياباشا.. انا سعيد بالمناقشة معاك جدا..
btw انت سعودى ولا مصرى مقيم ف السعودية؟؟؟ الnickname بيقول سعودى.. طريقة الكلام بتقول مصرى..!!!
.. فى الحالتين أهلا بيك:colsmil: