أفضل شركة يابانية تصمم سيارات

**1.8Tee** · 31-03-2008 06:40 PM

انا شايف ان المشكلة ان نظرة الناس لليابانى هى هى من 20 او 30 سنة. يعنى هو فى اعتقاد الناس ان الاوروبى عبارة عن اسم, جودة, و فخامة. لكن فى اعتقادى الكلام دة ميفرقش خالص دلوقتى.

**Chicco** · 31-03-2008 06:49 PM

الحقيقة أنا كنت ضد الياباني لحد ما رحت اليابان !! و لما جيت كندا بقيت متعصب للياباني ذي الناس هنا ؟!
أنا عمري ما قلت إن الاوروبي وحش أو تصميماته مش ولابد... بس فيه ياباني أحلي من الاوروبي ....يعني مثلا كان فيه إستفتاء في المنتدى على أجمل تصميم عربية في مصر و اخترت رينو ميجان ...فضلتها على كورولا
انما في العربيات اللي جت ذكرهم (المشاركة ٦٣ تاني:) ) أنا شايف إن التصميمات الياباني أحلى (قارن لكزس أو انفينيتي بمرسيدس أو جاجوار )

بالنسبة للاعتمادية و عيوب التصنيع فده موضوع شبه محسوم :p

Mosso باشا Konichi-wa- يعني مساء الخير أو Hello
Sensei يعني أستاذ أو معلم (بضم الميم ....أو من غير:D )

انا شايف ان المشكلة ان نظرة الناس لليابانى هى هى من 20 او 30 سنة. يعنى هو فى اعتقاد الناس ان الاوروبى عبارة عن اسم, جودة, و فخامة. لكن فى اعتقادى الكلام دة ميفرقش خالص دلوقتى.

كلام صحيح ١٠٠ في ١٠٠ يا باشا :)

**Mosso** · 31-03-2008 07:09 PM

ربنا يكتر من امثالك يا شيكو بيه و نشكركم لحسن تعاونكم معنا :d
انا برده هبقى اخد كورسات لاوندي كده و هظبطك :d
اهم حاجه انك تثبت برأيك انت و Pro و انا هحاول اساندكم على قد ما اقدر احنا تقريبا كده اقليه :D
ده احنا لسه كمان متشرفناش بآراء الاستاذ فادي :D
هيجي يقلب كل موازين السيارات اليابانيه في صالح الشاهين (مزحه)

**vet mitcho** · 31-03-2008 07:31 PM

عن نفسي افضل عربية يابانية تصميما 2007 ((في مصر مش عامة طبعا)) امبريزا 2006\2007
اما في 2008 عجباني جدا اللانسر الجديدة

**PRO-DRIVE** · 31-03-2008 08:45 PM

المشاركة الأصلية كتبت بواسطة hazem_khidr

اولا يا احمد الموضوع بتاعك انا فاكره و الفانوس دا ظهر مع اول ظهور لل cls في اواخر 2005.
دي حاجه
حاجه تانيه ان الفانوس مرسيدس اقتبسته فعلا
لكن مقتبس من موديلات مرسيدس في الخمسينات!!!!!
....................................
وش فيات انا مش شايف فيه تقليد ممكن يكون فيه وجه تشابه لكن مش قوي للدرجه ان اول ما تشوف الموديل تقول دا مقلدين استون مارتن.
.............

والله والله شفتها مره جايه قدامي بالظبط افتكرتها اوستن مارتن في مصر :D

و لو تشوفها و تشيل العلامه 100% اوستن مارتن بكل تفاضيلها من قدام :)

يا حازم احب اشوف في فرق بين الفانوس اللي بالطول بتاع مرسيدس الخمسينات ووجه شبه بين دول !!

انا بتكلم في سنتي مترات و انت بتتكلم في شكل غير خالص

بس علي فكره الموضوع بتاعي مكنش علي CLS انا كنت بتكلم علي SL اللي تصميمها لسه متجدد من اقل من شهر :p

__________________________________

اريجاتو كوزايموس علي تدعيمك ليا يا شيكو باشا :D

و الاختلاف في الرأي ..., :)

عمليه احياء للمنتدي :D

**Chicco** · 31-03-2008 09:22 PM

العفو يا برو باشا ....بس فعلا كل شوية لازم موضوع زي ده يفكرنا إن ده منتدى سيارات متخصص ;)

اريجاتو جوزايماشيتا (فعل ماضي) لتوت sensei :)

موسو sensei داه كله ياباني يا معلم ......:)
و صحيح فادي فين ؟!

**PRO-DRIVE** · 31-03-2008 09:57 PM

المشاركة الأصلية كتبت بواسطة Chicco

العفو يا برو باشا ....بس فعلا كل شوية لازم موضوع زي ده يفكرنا إن ده منتدى سيارات متخصص ;)

اريجاتو جوزايماشيتا (فعل ماضي) لتوت sensei :)

موسو sensei داه كله ياباني يا معلم ......:)
و صحيح فادي فين ؟!

عندي اخبار حاليه بتقول ان استاذ فادي قدم علي هجره لليابان :D

و تقريبا حيعمل اقامه في TOYOTA CITY :D

**Chicco** · 31-03-2008 10:09 PM

و ساعتها بقي حيشتري عربية Toyota Crown Athlete و ما حدش حيعرف يكلمه :D:D

**Ahmed Anwer** · 31-03-2008 11:10 PM

سؤال بسيط ،،

في عربيات من كل دول العالم ،،

يقولك تصميمها ذو طابع اوروبي ،،

و احيانا ذات طابع امريكي

حتي العربيات اليابانية نفسها في بعض موديلاتها تفتخر بإنها ذات طابع أوروبي ،،

عمركو سمعتم عن عربية ذات طابع ياباني ،،

هوا ايه الطابع الياباني اصلآ

بتكلم عن نقطة التصميم ،،

**PRO-DRIVE** · 31-03-2008 11:24 PM

بكل بساطه اوروبا و امريكا بدأوا التصميم قبل اليابان

فا اوروبا اخدت طريقه و امريكا اخدت طريقه تانيه

اليابان تقدر تقول منشقه عن الطابع الاوروبي

بس بعدين ايه علاقه دا ؟؟

احنا في سياره اجمل و تصميم احلي مش في طابع :)