عايز كاسيت يكون بفلاشه وكابل aux

**MOUSTAFA_SAAD** · 08-01-2011 06:32 PM

السلام عليكم
عايز كاسيت يكون بفلاشه وكابل aux وباقى المواصفات الحديثه اللى بتسهل التعامل مع ملفات الصوت وسعره معقول وانا مش من هواة الصوت العالى والبهرجه الجامده والبيز والحاجات الغريبه دية
يعنى عاوز حاجه صوتها واضح ونقى وخلاص علشان فى الغالب حاسمع عليه دروس انجليزى فلازم يكون الصوت واضح جدا علشان افهم هما بيقولوا ايه وكمان جهاز الموديلاتور صوته سىء جدا وعندى المرايا الدى فى دى وبرده صوتها غبى وفيه شوشره ووش لما احولها على الكاسيت بموجة الراديو
ومش عارف هل فيه امكانيه انى اركب على كاسيت العربيه head phone ولا لا علشان مخنوقشى اللى معايا باللى باسمعه
وياريت تستحمل وتعيش حتى لو كانت صينى اساسا المهم السعر مايكونشى عالى ياجماعه وياريت مكان الشراء انا عربيتى لوجان وفيها الكاسيت الاصلى plaubunkt وده اوديو فقط وطبعا حيستهلك اسطوانات كتير بالطريقه دية

وسؤال كمان هل الكاسيت اللى بفلاشه صوته بيكون حلو زى الاوديو ولا برده صوته وحش ومفيش داعى اجيبه اساسا واشترى اسطوانات وخلاص

معلشى انا طولت كتير

**mody_mt2007** · 08-01-2011 07:09 PM

لو محتاج حاجة محترمة يبقى خليك فى البايونيير و سعرة تقريبا 600ج بس بصراح مش فاكر الموديل بتاعة كام

**MOUSTAFA_SAAD** · 08-01-2011 07:18 PM

ياريت الموديل ياباشا علشان موديلاته يامه
وانت شايف ان الصوت الاوديو احسن ولا الام بى ثرى وهل الفرق يستاهل

**ahmad‎_luca** · 08-01-2011 07:36 PM

صوت الفلاشه كويس اوى انا عندى كاسيت بايونير DEH3050UB
احسن من الاوديو او اى اسطوانه عامتا .. الاسطوانات بتاطع و تخروش ان ما حافظتش عليها اوى

و انصحك بالبيونير بس لو بتدور على ارخص يبقى السونى وهو نضيف جدا بردو .. وعموما انت لو سالت هتلاقى موديل او اتنين بيونير او سونى اللى فيهم فلاشه و aux بس لكن فى موديلات كتيره لو عايز با حاجات تانيه bluetooth و كده

**kemo90** · 08-01-2011 08:20 PM

ياباشا خد مني الخلاصة انا لسه شاري sony gt490u من يومين ومركبه عندى على الانسر على السماعات ال stock وزي الفل وفيه فلاشة وaux و خارجه قوي و 2rca وتحكمات حلوة جدا وشكله جميل وصوته نضيف وسعره كويس جدا انا جبته من عند فانتازيا اللي في جسر السويس ب 620 بالتركيب ومعاه فلاشة 4 g وفي زيه pioneer 2250 وده سعره 680 ومش معاه فلاشة و 1 rca و الاتنين تايلاندي وضمان سنة وربنا يوفقك للخير

**taysir2010** · 08-01-2011 11:03 PM

طيب والكنود انوا اية رايكم فية kdc-u7046bt ده في كل حاجة واعتقد ان سعرة كويس

**mody_mt2007** · 09-01-2011 07:57 AM

الأفضل تخليك فى البايونيير لأنة اكتر وع بيديك التجسيم الصح للأغنية او اى حاجة انت مشغلها و دة عن تجربة ودة رأى شخصى

**beetleMOSH** · 09-01-2011 11:14 AM

بص عندك
بايونيير 2250 و ده عامل 650 - 700
كينوود 4047 و ده عامل 575-585
سونى 490 GTو ده عامل 630 جنيه او 600

الاسعار مش تحديديه بالظبط
بس هى فى الحدود دى
و كلهم فلاشه و وصله aux

الكينوود اللى انت حاطه مويس برضه و الاوبشن بتاعو حلو
بس اعتقد انه هايبقى اغلى عشان البلوتوث
يعنى مش اقل من 800 جنيه

**MOUSTAFA_SAAD** · 09-01-2011 04:23 PM

شكرا ليكم ياجماعه بس ممكن اعرف ايه هو rca اللى فى مشاركة الاخ kemo90 رقم 5 لان معلومات صفر عن عالم الصوتيات

**beetleMOSH** · 09-01-2011 07:39 PM

وصله ال RCA دى هى اللى بتوصل الصوت من الكاسيت للجى ام
و راجع الموضوع ده كده فى صورتين
http://www.nilemotors.net/Nile/195076-a.html

الموضوع: عايز كاسيت يكون بفلاشه وكابل aux

LinkBack

أدوات الموضوع

عرض

عايز كاسيت يكون بفلاشه وكابل aux - انشر الموضوع فى :

-

-

-

-

-

-

-

المواضيع المتشابهه

مطلوب كاسيت يكون فيه usb

مطلوب كاسيت cd و يكون فيه مكان للفلاشه

عايز ارخص واحسن كاسيت يكون ماركه

الكرونة السريعة وكابل الفتيس

شاشه dvd بفلاشه

الكلمات الدلالية لهذا الموضوع

المفضلات

المفضلات

ضوابط المشاركة