تحذير هام من محطة البنزين الى على الزراعى

**ramy771** · 08-01-2011 06:48 PM

السلام عليكم ورحمة الله
اريد ان احذر زملائى فى المنتدى من محطة بنزبن التعاون الى على طريق القاهرة اسكندرية الزراعى الى بعد كبرى قليوب وانت جاى من القاهرة.
الى بيحصل ان سعادتك وبكل امان داخل تمون او تزود العجل هواء عادى جداااااا
بعد متخلص تلاقى الراجل يقولك يا باشا العجلة الادام نازلة شوية وبتاع الكاوتش هناك زودها هواء
لحد كده عادى جدااااا
تروح لبتاع الكاوتش تفاجاأ بان الكاوتش فى تقريبا 15 خرم
حصل ازاى ده الله اعلم الراجل يقوم قايلك يا باشا انت دوست على ازاز وهو ده السبب
وتقوم زى الباشا دافع الى فيه النصيب لانة ملهالك خوابير وبكدة العجلة باظت
والى حصل انها عصابة بيستلموا الزبون ويبوظولوا العجلة وياخدوا منه 200 او 300 او 400 جنية على حسب التساهيل
الراجل وهو بزودلك الهوا بخرملك الكاوتش واداة رفيعة مخصصة لذلك والراجل بتاع تصليح الكاوتش يستلمك
يا ريت كل الماس تحذر بعضها محدش يدخل البنزينة دى خالص ولا يحط بنزين ولا يزود هواء
لان الموضوع ده حصل مع ناس كتير
حذارى حذارى من البنزينات دى
ويا ريت لو حد يعرف بنزينات الشكل ده بقول كى الاستفادة تعم
اللهم بلغت اللهم فاشهد
.... ياريت من ادارة المنتدى تحط الموضوع فى مكانة الصحيح معالاعتذار ولو اخطأت فى مكان وضع الموضوع
وشكراااااا
اخوكم رامى

**Medo.Malek** · 08-01-2011 07:33 PM

لا حول ولا قوة الا بالله بجد ربنا يعوضك
و ارجوك متزعلش منى لانى .. بضحك
بضحك بقهرة .. لانى حصلى بالظبط نفس الموقف ده فى نفس البنزينة دى من حوالى سنة و كتبت موضوع هنا و قلت فيه نفس الكلام ده بالظبط و اتدبست فى 200 جندى و حوالى 15 خرم فى الفرديتين اللى قدام
لكن احب اطمنك ان الكاوتش ( الحمد لله يا رب ) رحت لحمته لحام داخلى و ماشى الحمد لله كويس لحد دلوقتى و و عامل بيه 15 الف كم و مشتكاش ولا مرة الحمد لله :)

**zkralla** · 08-01-2011 09:36 PM

عالم زباله
هو كده ربنا هيبارك يعنى ؟؟؟

**semmsem** · 08-01-2011 10:50 PM

معدش في ضمير- اشكرك يا باشا ع التحذير ده

**TAMERHASSAN** · 08-01-2011 11:02 PM

كلام حضرتك كله مضبوط

**MASERATI** · 08-01-2011 11:42 PM

السلام عليكم و رحمة الله و بركاته

ألف شكر عالتحذير ده , مش دى المحطة اللى قبل الكوبرى عالطول؟؟؟؟

**osama.m** · 08-01-2011 11:48 PM

الحكاية دي بتحصل دايما و منتشرة اكتر على طريق السفر ... حصلتلي مرة من حوالي 3 سنين .. دلوقتي لو مسافر اي مكان و حد قاللي العجلة عايزة تتزود بقوله عارف و اسيبة و امشي

**zoom2zoom** · 09-01-2011 05:51 AM

بصراحه بقي انا لو منك يااستاذي الفاضل اعمل كمين للناس بتوع البنزينه دول واروح كاني هحط بنزين او هزود واقفش اللي هيخرم الكاوتش واعمل معاه الواجب واروقهم كلهم كده بعلقه محترمه وادفعه تمن الكاوتش تاديب ليه

**ramy771** · 09-01-2011 10:30 AM

المشاركة الأصلية كتبت بواسطة maserati

السلام عليكم و رحمة الله و بركاته

ألف شكر عالتحذير ده , مش دى المحطة اللى قبل الكوبرى عالطول؟؟؟؟

بعد الكبرى وانت جاى من القاهرة ورايح اسكندرية
بعد نزلة كبرى قليوب على طول

**ramy771** · 09-01-2011 10:31 AM

المشاركة الأصلية كتبت بواسطة zoom2zoom

بصراحه بقي انا لو منك يااستاذي الفاضل اعمل كمين للناس بتوع البنزينه دول واروح كاني هحط بنزين او هزود واقفش اللي هيخرم الكاوتش واعمل معاه الواجب واروقهم كلهم كده بعلقه محترمه وادفعه تمن الكاوتش تاديب ليه

فى ناس عملت فيهم كده بس مبيحرموش (الى ظابط او وكيل نيابة)
بيعتمدوا على ان الى عرف مش هيجى تانى وخلاص والطريق صياد