الموضوع: ** ريـــــنو / داتشيـــا لوجـــان الجديـــدة **

السلام عليكم

بينزل منها موتورين:
1- 1400 سىسى
2- 1600 سىسى

المشاركة الأصلية كتبت بواسطة أبو عبدالله

لأ هو حضرتك كلامك مظبوط ولكن موضوع السعر مش علشان المكان المصنع فيه العربيه ولكن العربيه اللي في رومانيا 1600 سي سي 16 صباب مش فاكر بالظبط ولكن 100 وشويه حصان
ولكن العربيه اللي نزله هنا 1600 سي سي 8 صباب فقط زي الكليو برضه 85 حصان وده طبعا قليل جدا وهتلاقي العربيه سحبها ضعيف جدا والشكل اللي في الصورة مختلف شويه عن اللي نزلت هنا وبصراحه العربيه شكلها مش قد كده ولكن انا أشجعها على الأقل أحسن من الصيني وهوا نفس السعر ونفس اداء الماتور حيث ان الأسبرنزا 1600 سي سي 80حصان وعلشان كده العربيه تقيله وعمرها ما تسحب على الجسم بتاعها بماتور زي ده ....

السلام عليكم

أستاذ عبدالله أنا كنت جايب المعلومات دى من التوكيل من حوالى 3 أو 4 شهور و كانوا قايلين إنها حتنزل بموتور ميجان الشكل القديم موديل 99 و السعر دا

حينزلوه بناءا على إمضاء المغرب لإتفاقية التجارة الحرة علشان تخش من غير جمارك لكن ممكن يكونوا غيروا نظامها لما نزلت فى معرض أتوماك و قرروا

ينزلوها زى ما إنت قولت كده

السلام عليكم

أستاذ عبدالله إنت متوقع تنزل بكام ؟؟؟

و حتعمل مبيعات فى مصر ولا لأ ؟؟؟

العربية شبه الكليو على صغير، فالمفروض سعرها ميتعداش سعر الكليو بأى حال من الاحوال، يعنى الكليو الفول اوبشنز ب 74 يبقى دية اقل من كدة حبتين و استحالة توصل ل 90 الف (كدة يبقوا بيهرجوا)، العربية اصلا كانت مشروع يهدف لتصنيع ارخص عربية تحت ال 5000 يورو. فمهياش عربية فحمة اساسا و لا اى حاجة، عربية موجهة للدول الفقيرة، فلازم سعرها يكون فقران شبها والا مش هتتباع من اصله.

و على فكرة، العربية كانت متوقع من زمااااااان انها تنزل فى حدود ال 40 الف فقط عشان اتفاقية مش عارف ايه بين الدول العربية ومنها المغرب التى تصنع اللوجان، وده اللى كان مخلى الناس تستنيها، بعدين قالوا 60 الف، و بعدين الظاهر انهم ناموا، تصبحوا على خير.

المشاركة الأصلية كتبت بواسطة أبو عبدالله

حيث ان الأسبرنزا 1600 سي سي 80حصان وعلشان كده العربيه تقيله وعمرها ما تسحب على الجسم بتاعها بماتور زي ده ....

يا راجل حرام عليك
الاسبرانزا 1600 سي سي و 108 حصان
انا مش عارف انت جبت 80 حصان دي منين

محمد ناجى