الموضوع: مقارنة دقيقة بين التيدا و الليفينا

ليه المقارنة ؟

زي ما كلنا عارفين أو مش عارفين ان الليفينا اصلها تيدا و شركة نيسان حولتها لانها كانت محتاجة سيارة عائلية بسعر معقول في بعض الاسواق النامية و هنحاول مع بعض نطلع الاختلافات بينهم نتيجة عملية التحويل النيسانية

المقارنة هتكون مع التيدا الهاتشباك مش السيدان لأن الليفينا ممكن تصنيفها تحت اكثر من فئة هاتشباك mpv او suv.. السيدان بعيدة

تيدا

ليفينا

أبعاد السيارة:

الطول : التيدا اطول ب22 ملم (4279) مقابل (4275)

العرض: الليفينا اعرض ب 35 ملم (1730) مقابل (1695)

الارتفاع الكلي : الليفينا (1615) اكثر ارتفاعا ب 67 ملم التيدا (1548)

الارتفاع الادني عن الارض(رقم مهم في مصر):
الليفينا اعلي ب12 ملم(175) ملم مقابل (163) ملم

وزن المركبة الفارغة: التيدا اثقل ب20 كجم (1160) مقابل (1140)

سعة الشنطة : الليفينا اكبر (383) لتر مقابل (289) بدون طي الكنبة الخلفية لأي سيارة


المواصفات الميكانيكية:
علي الرغم من اشتراكهم في نفس الموتور HR16بس في فروقات ودي حاجة انا لاحظتها بين التيدا و اخواتها المزودين بنفس الموتور (ليفينا و بلوبيلرد سيلفي) نتكلم في الموضوع ده بعدين

القدرة الحصانية : تيدا 118 حصان عند 6000 RPM
ليفينا 107 حصان عند 6000 RPM

العزم : تيدا 167/4400 نيوتن.متر/د.د
ليفينا 150/4400 نيوتن.متر/د.د



اختلافات في الكماليات :

العربيتين من الداخل زي بعض تقريبا نفس العدادات نفس الفتيس نفس كل حاجة
الموديلات الجديدة من تيدا فيها fuel indicator زيادة عن الليفينا (مؤشر وقود عادي) فقط

الليفينا فيها خاصية حلوة جدا مش موجودة غير في الموديلات العالية من العربيات و هي المفتاح الذكي حاجة من اللي ممكن تجنن الناس بيها لو مش عارفين هي ايه..؟

كفاية لحد كده و لو حد عنده زياده ياريت يشارك بيها.