شكرا ليك
نورت يا ريس الموضوع
عرض للطباعة
lموضوع رائع وخصوصا انها ممكن تنفع الغير برضه
السلام عليكم ورحمة الله وبركاته
فعلا موضوع رائع , و علي فكرة انا لسة عضواية جديدة ودى أول مشاركة لية و يا ريت ما أتأقلشى عليكم و تفيدونى و عشمى فى ربنا كبير .......
أنا مش معايا مقياس ولا منفاخ العجل (و دى حاجة قلقانى لانى عندى مشكلة فى العجل و مقلقة منه و يا ريت لو حد يقر يفيدنى فى الموضوع دة يرد علية و ربنا يجازية خير )ويا ترى اسعار كل واحدة منهم ايه و اجيبها منين ؟ و كمان مش عندى كبل البطارية و لا شنطة العدد ( و يا ترى دى لازم تكون معايا خاصة انى ست و ماليش فيه؟ ) و يا ترى اسعار كل واحدة منهم ايه و اجيبها منين؟ و ربنا يكرمكم ......................
على فكرة علشان ما احبطكمشى و تقولى دى ست و حتقرفنا . انا معايا المثلث و شنطة الاسعافات و استبن ماشى شوية و كوريك عادى بتاع 127 (عربيتى و لا فخر ) و مفتاح ربط العجل ( ناحية واحدة ) يعنى مش وحشة اوى وانا اللى شايلة هم العربية فى كل حاجة رغم انها مطلعة عينى و الكل بيعمل علية شغل و الحمد لله و ربنا يعيني ..ههه
و على كل, حتى لو ما فيش رد انا اتشرفت بالمشاركة و العضوية و الله الموفق ..................
اولا : اهلا و سهلا بيكي معانا في المنتدي
لو العجل فيه مشاكل يبقي جيبي غيره غيريه بجديد و لو مش هتقدري تجيبي الــ 4 فرد مرة واحدة يبقي جيبي اتنين اتنين و حطي الجديد قدام و افضل عجلتين انقليهم ورا لحد ما تجيبي اتنين تانين و جيبي العجل طبعا تيوبلس يعني اللي هو من غير داخلي و التيوبلس مش ماركة دهنوع الكاوتش و ده لو العجلة دخل فيها مسمار و العربية ماشية العربية بتمشي عادي
بالنسبة لاسعار المنفاخ و المقياس المقياس من5-10 جنيه مش اكتر و بيبقي شبه الموديلتور و هتلاقيه في كارفور و سبينس
المنفاخ كذلك هتلاقيه هناك و تقريبا سعره دلوقتي من 30-50 جنيه
و لو العربية ع الارض هياخد كام دقيقة عشان ينفخ العجلة لو نايمة و لو استعملتي الكوريك و رفعتي العربية حاجة بسيطة عن الارض هتتنفخ اسرع
بالنسبة الكوريك الأفضل تجيبي التمساحة اسهل و اسرع و بيتحمل و ده بيعمل في حدود 80 جنيه و لونه احمر و علبته رمادي
كابل البطارية ده بينفع عشان لو البطارية نامت في اي وقت بتوصليها ببطارية عربية تانية و تشغلي
و في منها جاهز و منها بيتعمل عمولة
بالنسبة للعدة معتقدش انك هتحتاجي اكتر من مفتاح الربط بس الباقي بيبقي موجود عشان لو حبينا نخترع في حاجة في العربية مثلا :)
و لو عايزة ميكانيكي و كهربائي كويس و عنده ضمير انا اعرف ميكانيكي و كهربائي و بنتعامل معاهم طول عمرنا انا و كل اهلي و اصحابي و اهاليهم و العربية بتروح مرة مبتروحش تاني لأن في بعض الصنايعية بيحبوا العربية كل شوية تجيلهم
لو عايزة بلغيني و انا اقولك مكانهم
و اي سؤال تقدري تسألي في المنتدي و ان شاء الله نرد عليكي
و نورتي الموضوع بمرورك
مشكوووووور والله يعطيك الف عافيه ,
ربنا يبارك لك . مش عارفة اقولك ايه غير ربنا يبارك لك و يسلم طريقك , و كل السايقين و انا معاهم .شكرا على النصائح العالية بس ممكن مشورة تانية ؟
معلهش بقى . ممكن اجيب الاربعة مستعمل و خلاص , و لا اغير 2 على المقاس الاصلى (80\135) و اسيب الاثنين التانين ورا على مقاسهم (80\145) و يا تري اغير الجنوط و لا ادهنه و خلاص ؟ و شكرا جدا لذوقك و سرعة الرد و اسفة على تاخر الرد لان النت كان فاصل . بالمناسبة هو فين الميكانيكى اللى تبعك و ما كيفية الاتصال ؟ و شاكرة لافضالك مرة اخرى
موضوع اكثر من رائع شكرا ليك و اتمنى انه يتثبت في المنتدى العام للسيارات لأنه فعلا هايفيد ناس كتير
انا بحاول فعلا اجمع الحاجات دي في العربية فاكل فترة كدة بجيب حاجة منهم
شكرا ليك مرة تانية
شكرا على المجهود الرائع
نصيحة بلاش المستعمل لأنه بيبقي ضايع و هيقرفك و ممكن واحد يغشك و يديك عجلة ملووحة نصيحة خليهم جديد و جيبي اتنين لو مش هتقدري تجيبي اربعة و جيبي المقاس بتاع العربية و لا كبير و لا صغير خلي الاربع فرد كلهم نفس المقاس
بالنسبة للجنوط اللي يريحك عايزة تجيبي جديد جيبي و اهو تغيير شوية في العربية و الشكل لو عايزة القديم و القديم كويس يبقي ادهني
بالنسبة للميكانيكي هو في المطرية ورا قسم المطرية تالت شارع من القسم شارع نجيب معوض روحي هناك و اسألي ع البشمهندس عصام
و الكهربائي روحي محطة مترو الانفاق بتاعت المطرية من ناحية شارع الخارجة و خلي المحطة ع ايدك الشمال و امشي لحد ما هتلاقي ورش جنب بعض اولهم تقريبا سمكري اسمه حلاوة
روحي هناك و اسألي ع محمد الكهربائي هو بعده بمحلين تقريبا او تلاتة
تسلم ايدك والله جزاك الله خير
موضوع جميل
مجهود رائع
الف شكر
بارك الله فيك
تقبل تحياتى
شكرا على اهتمامك ,
بس ممكن تقولى لما اروح للميكانيكى دة اقول له من طرف مين
و يا ريت تكمل معايا جميلك و تقولى لى على حد كويس للعفشة و يا ريت كمان مكان كويس اشترى منة الكاوتش .
و لا يسعنى الا ان اقول ربنا يجازيك خير و يسلم لك طريقك و احنا و كل السائقين و شكرا مرة اخرى
الله ينور عليك يا باشا موضوع جميل ومفيد
احب اضيف بعد اذن صاحب الموضوع
لمبه احطياتي ممكن وانت مسافر بالليل لمبه تفصل يبقي بدل ما امشي عالطريق بعين واحده يبقي معايه عيوني الاتنين
أساسيات لا غنى عنهااااااااااااااااا
شكرا علي المجهود
جزاكم الله خيرا على الموضوع الرائع وفعلا حاجات بسيطه بس مفيدة جدا
انت كده عايز عربية نقل تمشي وراك ويكون فيها الحاجات دي كلها
على فكرة انا جبت مقياس العجل( الصينى ) من عند سبينيس و العربية بتاعتنا 127 و الكاوتش مقاسة 135 \80 و فية حد قال لى لما اشتريته ان ضغط الهوا بيكون 20 او 18 بس لما باروح عند بتاع الكاوتش و يضبط الهوا و اجي اقيسه بعد كده بلاقيه 40 و بامانة مش عايزة اساله عن الصح ايه لحسان باحس انهم عايزين يضربونى و كانه بيقول مش كفاية سيبينكوا تسوقوا لا و كمان عايزين تفهموا فى العربيات و الكاوتش ( الحمد لله ) المهم انا شكيت ان المقياس فية غلط . فيا ريت لو حد يقدر يفيدنى فى ضغط الهوا بيبقي كام يبقى ربنا يبارك له و يخليه لعياله .
و اسفة تانى على الاطالة أصلى الحقيقة دايخة اوى و متبهدلة و الحمد لله .
على فكرة ان استفدت كتير جدا من المنتدى دة و هو موقع ممتاز (آخر حاجة)( ههههه ) و لى الشرف انى اشتركت فية و مش حازعل حتى لو حد ما ردش علية بس انا واثقة فى ذوقكم و حسن اخلاق كل الاعضاء
اولا بعتذر عن التأخير بس زي ما حضرتك شايفة الوضع في البلد كان عامل ازاي و لسه تاني يوم ليا ادخل من ساعة ما النت رجع
بالنسبة للضغط بتاع الــ 127 بصراحة مفتيش لأني معرفش ضغط الكاوتش كام ممكن الاعضاء يفيدوكي هنا او تسألي برة تاني و تتأكدي بالنسبة لبتوع كاوتش انا شوفت منهم ارقام غريبة 38 و 18 و 27 و 25 العجل كله مختلف في نفس الوقت فعشان كده اللي بيظبط معايا المنفاخ ده
بالنسبة للمقياس هو شغال زي الفل معايا و مع كل الناس اللي اعرفهم و عشان تتأكدي انه قياسه صح ممكن تنفخي الكاوتش في بنزينة عندها منفاخ ديجيتال زي اللي عند الرحاب و بعد ما تنفخيها تقيسي بالمقياس ساعتها هيبان اذا كان القراية مظبوطة و لا لأ
allah yenwr 3lik ya kbeer
موضوع جميل يا باشا تسلم
و كما وعدتكم اقوم الان برفع الاسعافات الأولية بالقسم العام
موضوع ممتاز
و ألف شكر علي المجهود و الإفادة العظيمة
انا روحت راديو شاك انهارده وسألت عليه
هوه بقي بـ 130 ج
و مفهوش تقنية الكار كيت (اللي هيه يبقي فيه بلوتوث و توصله بالموبايل علي انه سماعه و تستخدمه في المكالمات) بس انا مستغليه جداا خصوصا ان شكله مش بيقسم فولدرات
و روحت مول السخاوي اللي في الخليفة المامون و لقيت واحد اسمه INFINITY و شكله كويس و فيه بلوتوث و بـ 125 و فيه عضو معانا هنا levelpower قالي ان انفينيتي ده احسن نوع موجود
بس للأسف ملقتش منه اللي من غير بلوتوث
مجهود ممتاز
شكرا لمجهودك