الموضوع: تأملات في توقيع عضو

من أشد الأخطاء اللى ممكن ترتكبها أى حكومة مصرية السماح بانقسام السودان
وأظن العهد الحالى هو العهد المناسب لأسوأ الأخطاء فى التاريخ

استر يارب

المشاركة الأصلية كتبت بواسطة dr ahmed

من أشد الأخطاء اللى ممكن ترتكبها أى حكومة مصرية السماح بانقسام السودان
وأظن العهد الحالى هو العهد المناسب لأسوأ الأخطاء فى التاريخ

اولا هى اسمها حكومة الحزب الوطنى مش الحكومة المصرية لانها استحالة تكون مصرية ابدا
ثانيا الحكومة مفيش حاجة غلط معملتهاش فمش ممكن ننتظر منها اى حاجة صح

ثالثا انقسام الجنوب هو نتيجة طبيعية للفساد والديكتاتورية وتمسك النظام بالسلطة لاخر نفس حتى لو انتهت السودان كلها طبعا مش مهم كل ده فى سبيل انهم لسه بيحكموا وموجودين فى السطة

والدليل على كلامى ان لما ظهر شخص له قوة فى جنوب السودان وكان بينادى بالوحدة وقدر بتأثيره ينهى الحرب الاهلية وكان زعيم الجنوب
وحصل على منصب نائب رئيس الدولة وكان متوقع نجاحة فى اى انتخابات رئاسية امام البشير
طبعا نهاية الراجل ده اللى هو جون جارانج كانت النهاية الطبيعية جدا هو وفاتة فى تفجير طيارة فى 2005

نفس الموضوع موجود فى كوتديفوار دلوقتى بس بشكل تانى رئيس متبت فى الكرسى من الف سنة دخل انتخابات سقط فيها ونجح مرشح معارضة طبعا الرئيس التنين ده رفض يعترف بنتيجة الانتخابات ويسيب الحكم واستخدم الجيش والميليشيات لحماية كرسى الرئاسة وساحل العاج فى معارك مستمرة بقالها اكتر من شهر اهو

من فترة كان فيه فكرة لجمهورية صغيرة أو دولة صغيرة عاصمتها أسيوط .... و لكن الفكرة اتكتم عليها سريع سريع و اتلم الموضوع أو اتأجل

الكلام ده كان في نهاية السبعينات مش من بعيد قوي و أظن ان الفكرة لسه قائمة بس في الخباثة