حد فكر يؤجر عربيتة؟

**MOMODENGER** · 09-01-2011 10:02 AM

الموضوع دة بجد محيرنى ومخلينى مش عارف اخد قرار فية وهو ببساطة ان فية فكرة فى دماغى انى اشترى عربية فيات واديها لحد ويكون كويس يستعملها فى عمل مشاوير خاصة ونقلات مدارس وحاجات زى دى .

انا عاوز الى عندهم خبرة او وجهات نظر يقول راية ويناقشنى لانى محتاج افكر وانتاقش قبل التنفذ لانى عاوز اعمل كونترول على الى هيركب العربية ومش عارف اعملة ازاى

**samirsaid1** · 09-01-2011 10:08 AM

هو الخوف من اللى هايركبها لانه اكيد ممكن يبهدلها
فلازم يكون حد موثوق فية وتكون على دراية بطريقة سواقته

**MOMODENGER** · 09-01-2011 10:18 AM

اشكرك على المشاركة هل حضرتك جربت شى زى كدة؟

**Rerii** · 09-01-2011 10:44 AM

نصيحة ابن خالى عمل الموضوع ده وللاسف كان يحصله مشاكل قانونية بسبب الحوار ده

لو هتأجرها اجرها لواحد بس تكون تعرفه زى نظام التاكسيات كده وهيكون هو اللى مسئول اودامك عنها وممكن مثلا تتفقوا مع عيلة او اتنين تودولهم اولادهم المدرسة وتجيبوهم كل يوم باجر معين احنا كنا بنعمل كده فى الجامعة اعتقد دى أحسن طريقة

**eldell** · 09-01-2011 04:12 PM

لو كده ممكن لاكن بفتكرك هتنزلها مكتب ايجار والناس تاجرها علشان انا فكرت اجيب واحده وانزلها مكتب لاكن الى شوفته مع صحابى ان اى عربيه بتتاجر بتتفرم

**MOMODENGER** · 10-01-2011 09:37 AM

اشكركم على المرور والتواصل

**hosar** · 10-01-2011 12:27 PM

بس فية نظام بعض الناس بتستخدمة مع العربيات الزيرو
يعنى اسمة تسليم توكيل
انت بتسلمة العربية من التوكيل طبعا أستاندرد مش عاملة ولا كيلوا و بتشترط شروطك إلى انت عايزها و هوا بيسلمهالك فى التوكيل بعد انقضاء فترة الإجار
يعنى بيتكفل بإصلاح أى حاجة فيها فى التوكيل بما فيها رش العربية فى التوكيل علشان يرجعها لحالتها شبة الاصلية
و دى أحسن الطرق

**cyborg_ift** · 10-01-2011 12:43 PM

اشتري تاكسي احسن

**Ahmed Nasser** · 10-01-2011 09:52 PM

المشاركة الأصلية كتبت بواسطة rerii

لو هتأجرها اجرها لواحد بس تكون تعرفه زى نظام التاكسيات كده وهيكون هو اللى مسئول اودامك عنها وممكن مثلا تتفقوا مع عيلة او اتنين تودولهم اولادهم المدرسة وتجيبوهم كل يوم باجر معين احنا كنا بنعمل كده فى الجامعة اعتقد دى أحسن طريقة

+1
بس انا اللى عايز يروح مشوار بودية
ومش بآمن حد يركبها غيرى انا ووالدى

**Hacker5** · 11-01-2011 12:04 PM

انا مرة اجرت اللانوس بتاعتى قبل مابيعها لمدة 3 شهور لفندق موفمبيك و اللى شغال عليها شخص محترم جدا دة بعد ماتحريت عنه طبعا
و بصفتى طالب فى ليسانس حقوق كتبت معاه عقد ايجار و حطيت شوية بنود فى صالحى انا مش فى صالحه هوا و خليته يبصم على العقد و خليته كتب على نفسة وصل امانة على بياض و خليتك يمضى و يبصم عليه برضو
يعنى كنت مكتفه من كل النواحى
و بعد كدة استلمت منه العربية بحالتها دة غير انه عملى كسوة للفرش على حسابه و حطيلى ميه خضرة فى الردياتير انا كنت بحط مياه عادية
فالصراحة الراجل كان محترم جدا و كان كل اسبوع يتصل بيا يطمنى على العربية

فحضرتك لو عايز تأجرها تكتب معاه عقد ايجار محترم و وصل امانة و اجرها لحد تكون عارفه او واثق فيه

لكن اوعى اوعى اوعى تديها لمكتب

الموضوع: حد فكر يؤجر عربيتة؟

LinkBack

أدوات الموضوع

عرض

-

-

-

-

المواضيع المتشابهه

حد جرب يعمل الموضوع دة فى عربيتة

لو حد مفتاح عربيتة ضاع

حد استعدال جنوط عربيتة

حد فكر يعمل احمر مازدا 3 على عربيتة A4a

حد جرب يأجر عربيتة

الكلمات الدلالية لهذا الموضوع

المفضلات

المفضلات

ضوابط المشاركة