+1111111111111
بس المشكله فان التراك ده
انا معنديش مشكله فى الدفع
اهم حاجه النظام ,و الامان ,و معرفة الناس المحترمه اللى فى المنتدى.
و اهو نتعلم من بعض و نتعرف على بعض و تبقى معرفة خير ان شاء الله .
عرض للطباعة
على فكره يا شادى انا رسمت فانوس للسيدان mix ما بين فانوس الكوبيه الخلفى الجديد و السيراتو الهايبريد الخلفى و الاودى الخلفى
وان شاء الله يعجبك مش ناقص غير التنفيز و الصب و التركيب فقط
و الفلوس طبعا
بجد انا معاكو من الالف الى الياء و هتبقى فكرة جامدة جدا جدا لو اجرنا تراك و ده هيدى الفرصة فعلا لكل عربية انها تطلع كل امكانياتها بس هيبقى صعب اوى موضوع ان يبقى فيه ليميت للسرعة , يعنى لو ميكونش فيه ليميت يبقى احسن كتير و التراك اكيد هيبقى مجهز و هيبقى فرصة جامدة جدا اننا نتعرف على بعض و نتقابل و نعرف بعض كويس
هو انتم عايشين معانا فى مصر ؟!! فين الترااااك دة حسستونى اننا عندنا اوتوبان ذى بتاع المانيا !!!
طب اه رايك ان فى سباق dragفى مصر لاول مره طبعا فى شهر فبراير اللى جاى 2\2011
و فى كمان سباقات تراك بملفات بتتعمل فى مصر علطول تقريبا مرتين فى السنه و كمان فى مكان لعمل سباقات دريفتات و كمان للتدريب على الدريفتات كمان زى ما انت عاوز و على اصولها كمان .
و لو عاوز تنضم فريق الدريفتات وتتمرن لحد ما تبقى جامد طحن و تدخل المسابقات بتاعة كل سنه ممكن
بس لازم مستواك يكون جامد على الاقل تمرين 8 شهور عشان تقدر تعمل حاجه فى السبق ان بيخش معاك بورش و فيرارى و بى ام و بلاوى زرقه و سيفك sir و لانسر ايفليوشن و كلهم مسقطين مواتير و مهبطين العربيه و تربو و فلاتر سبور الخ.............
بس التراك ده كله ملفات عشان كده ممكن عربيه زى عربيه حضرتك او زى ممكن تعمل زمن كويس لان التراك ده مبيخليش السواق يقدر يطلع قوة العربيات الرهيبه دى فالمستوا بيتقارب شويه بس مش خالص
و ارجوا ان تتقبل كلامى بصدر رحب
و على فكره انا مبفتيش و لا بكدب لاننا فى وش بعض فى المنتدى و ممكن نتقابل فى اى مناسبه فشكلى هيكون اه ...........
و بالنسبه لتفاصيل على فكره فى ناس معانا فى المنتدى هنا دخلوا السباق اللى فات و عملوا زمن جامد جدا منهم واحد بفيرنا عمل زمن حلو اوى بس طبعا اقل من الوحوش التانيه بس مش كتير ((طبعا الفيرنا اللى دخلت دى مش فيرنا عاديه "معمول فيها كل حاجه تتخيلها فى البرفورمانس لدرجة انه مغير كل حاجه تقريبا" ))
و السلام ختام