ماشي يا عم انا راجل كداب و بافتي علي الناس دي
عرض للطباعة
كنت بتشد معاه بالاستيترونك
و عامتن التحية بتاعت الكلاكس ديه بقت زى صباح الخير ):
أولا وقبل كل شىءانا بحترم الفيرنا جدا, وعلمت عليا كذا مرة من أول سرعة 30 لحد 100 بس ده كان أيام الأوبترا الله يمسيها بالخير ويبارك لصاحبها.
أول تجربة شد بالكوب ال 2011 كانت النهاردة الصبح فى الأوتوستراد( من بعد أخر مطب على كوبرى التونسى وفى اتجاه المعادى) وكانت المنافسة بين الكوب ومازدا 3 وفيرنا والاتنين بدأو شد من قبلى وأنا بدأت معاهم من سرعة 60 لحد 145 ولله الحمد الكوب أثبتت كفاءة ومحدش طلع منى وطبعا عملت كيك دون وبعدين قلبت مانيوال ووصلت ل 145 من غير منقل خامس واربى ام على 5 وشوية.
مع العلم ان العربية متهبطة وف صندوق فى الشنطة وزنه يفوق ال 75 كيلو.
ربنا يستر طريقنا جميعا.
يا ناس دة انا كنت راجع من الاسكندريه صحراوى وماشى 180 ولقيت فيرنا معديه ووراها النترا ومعرفتش احصلهم ههههههههههه ومرة تانيه واحد راكب اكسنت الجديدة فكرت اشد معاه واختفى من قدامى مع انى بوصل بعربيتى 190 وبعلم على عربيات كتير زى التيوتا الى بلعب بيها بس مش اليارس اليارس تجميعها رهيب
السلام عليكم
الفرنا طبعا عربيه كويسه جدا فى الجرى و بتعلم على عربيات كتير اوى و يا بخت اصحابها بيها
بس انا الحمد لله طلعت من الفرنا و الالنترا الجديده و الاوكتافيا و غيرهم على طرق السفر و طلعت كمان بالسيراتو بتاعتى من سيراتو تانيه(((((ممكن يكونوا كلهم مختلفين فى مهارة السواقه و ممكن ميكونوش جمدين فى السواقه و ممكن يكون حظى حلو مش عارف )))) كمان و خيطته اكتر من نصف طريق اسكندريه محدش عرف يطلع منى اصلا يعنى اكتر من 100 كم (مسافه مش سرعه )محدش عارف يعمل حاجه غير ان السيراتو التانيه كان لازق فى الاكصدام بتاعى من ورا فى الطوالى و فى الملفات ببعد عنه و هو sx زى انا بالظبط و عامل زينون و حركات بردو(((فضل لازق ورايا بطريقه رخمه و عمينى بالزينون بتاعه اكتر من 50 كم لحد الكارته ))) بس اللى كان ثبت معايا شويه المازدا 3 2008 حلوه فعلا بس فى الملفات كنت بعدى اى حد لان دى مهاره سواق فقط لا غير لانى باخد الملفات بسرعه جدا بس بقسمه على نصين زى عربيات السباق فى الفورميولا 1 و كنت قريت مواضيع كتير عن كده فى المنتدى هنا و اتعلمت الطريقه و جربتها كتير فى طريق السفر لانى كنت بسافر كتير اسكندريه بالعربيه .و الطريقه دى فعلا بتخلى اى عربيه ثابته فى الملفات على سرعه ازيد شويه من اللى بياخد الملف عادى كده زى كل الناس ,
بس اهم حاجه انك تعملها صح و تكون حافظ الطريق كويس اوى و رجلك عليه علطول كل يومين تلاته او كل اسبوع زى انا ما كنت عامل بسبب السفر و ان انا كنت مستعجل جدا و بنتى الله يرحمها كانت سعتها عايشه و كانت عيانه جدا فكنت بجرى عشان عندى ظرف و مكنش قصدى اشد مع حد و عشان كده يمكن كنت بجرى جرى موت و الحمد لله انى وصلت بالسلامه و مجرتش تانى بالشكل ده لانى وصلت اعصابى بايظه و تعبان من كتر التركيز بسبب السرعه العاليه
النتيجه بتاكل بنزين جامد جدا فى الحرق الشديد من 150 لحد 200 و مكملتش 400 كم فى التفويله و العربيه كانت هتقف منى عند الكارته لان البنزين اللمبه كانت نورت خلاص و الحمد لله مونت و مشيت .
و طبعا جيبى وجعنى جدا و بقيت اعمل العكس
و بعد كده جربت امشى 80 الى 90 الى 100 فى طريق السفر و بقت بتوفر بنزين جامد جدا بقت بتعمل 600 كم فى التفويله اول تكه و ليس لحد الزور
و ممكن تعمل اكتر و الله بس لازم تثبت رجلك و تظبطها على الدواسه بتاعة البنزين زى مثبت السرعه و تلاحظ على مؤشر الاستهلاك اللحظى
و ادعولى بقى لما تجربوا
شوفوا يبقى اللى شد مع فيرنا يا كانت 1500 ياكانت موتورها مفوت يأما اللى سايقها مش عارف يطلع قوتها ! لأن مستحيل بأى حال من الاحوال السيراتو تطلع منها !! دى اصلا مش محتاجة موضوع لأنة شىء مفروغ منة ... الفيرنا و الجيتز ال1600 مفيش 1600 بيسد معاهم فى الجرى وحرق المواتير غير حاجات قليلة قوى منهم الهوندا سيتى الجديدة و الجين2 دول بيثبتوا سرعة معاها
انا مش حتناقش تانى بس اللى عايز يجرب يقول شوفوا اى مقابلة ونخلى الفيرنا تستعيد نشاطها من تانى بعد ماكانت مانتخة شوية
الجيتز 1600 دى مش عربيه دى هربانه من سبق موتسيكلات 2000 سى سى
قالك مفيش عربية 1600 تعرف تتطلع من الفيرنا و الجيتز... ههههههههه
حضرتك اركب جيتز 1600 مانيوال وجرب بيها تشد هتعرف انته راكب ايه انما الفيرنا عادى مش اسطورة بس الجيتز عن تجربه صاروخ متحرك