عرض للطباعة
انا معايا بولو 2001 بقالها حولى سنة من فترة ظهر فيها مشكلة مش دايمة بسى بتتكرر وهية انى لما باجى ادورها اسمع صوت دوران المارش كأنة بيلف على الفاضى وممكن تحصل اكتر من مرة ورا بعضها لحد لما تدور ودى بتحصل سواء العربية سخنة أو باردة فمشعارف المشكلة دى اية السبب فيها ؟؟
أول احتمال ان البوجيهات محتاجة تتغير
غير كده ممكن فلتر البنزين يكون فيه شوائب كتير لو انت متعود تستنى لحد ما لمبة البنزين تنور
[quote=أبو_حمزة;3873204960]أول احتمال ان البوجيهات محتاجة تتغير
غير كده ممكن فلتر البنزين يكون فيه شوائب كتير لو انت متعود تستنى لحد ما لمبة البنزين تنور[/quote
انا دايما بستعمل بنزين 92 والتنك دايما ما بيقلش عن الربع بسى المشكلة ان مافيش حركة انتقلت من المارش للموتور والمارش تسمع صوت ناعم كأنة بيلف على الفاضى
طب استأذنك تكشف على البطارية بالمرة عشان ممكن تكون البرد أضعفها
الموضوع ده سهل عند أى بتاع بطاريات و اديله 2 أو 3 جنيه
ولو ملقتش البطاريه فيها مشكله ولو انى اشك انها جابت اخرها
يبقى المرش محتاج يتفك ويتعمله صيانه وجلب لأنها ممكن تكون حلقت
وبالتالى بيحصل التفويت دا
الله ينور يا محمد بك
الخبرة برضة قبل كل شئ
ارجو انك تكون فى خير حال و كل العيلة يا رب
البطارية عندى جديدة لسة مبقالهاش 6 شهور وبعدين جافة هشيك عليها بردوه وربنا يسهلاقتباس:
المشاركة الأصلية كتبت بواسطة m.mostafa80
بسى انا شاكك فى ان المارش ممكن يكون محتاج صيانة زى ما حضرتك بتقول
أخى الفاضل راجع على الكابل الموجب الواصل بين البطاريه والمارش فيه صاموله رابطاه فى المارش ممكن تكون سايبه وهاتلاقى بجوار ها سلك داخل فى المارش هو سلك اللقط راجعه ايضآ ربما يكون سايب وآخيرآ ربما يكون لافيه المارش اللى وظيفته يحرك ترس المارش لترس الفلام لبدء الدواره
ياريس دا بعض ماعندكماقتباس:
المشاركة الأصلية كتبت بواسطة أبو_حمزة
وانا الحمد لله بخير
مش شرط البطاريات للأسف بقى فيها المضروب وعمتا الكشف ضرورى بردواقتباس:
المشاركة الأصلية كتبت بواسطة alptchino_name
ودى فعلا احتمالات تانيه ولونها ضعيفه شويه لأن المرش لاقط وبيدور بس على الفاضى مابيقدرش يقوم الترس بتاع الفلام ويدور العربيه فا فى الغالب المرش محتاج صيانه بعد الكشف على البطاريه والأسلاك اللى انت كرتها تتراجع بردواقتباس:
المشاركة الأصلية كتبت بواسطة kete
+1اقتباس:
المشاركة الأصلية كتبت بواسطة m.mostafa80
دة عيب سببه تآكل ترس المارش.
لازم تفك المارش و تغير الترس و بالمرة خلي الكهربائي ينظف الشربون بتاع المارش و يغسله كويس بالبنزين.
خد بالك لو استنيت أكتر علي الموضوع دة, ممكن يسبب تآكل في ترس الفلام , و ده في الموتور يعني هتدخل في مشكلة أكبر.
سعر الترس كان في حدود ال 100 جنية لو أنا فاكر. (يمكن 70 -90 جنية)
و الكهربائي في حدود 30 جنية مثلا.
بالتوفيق.
أحمد
عندي رأي زيادة وغير مكلف نهائيا وهو انك لما تفتح الكونتاكت عشان تدور ياريت تنتظر حتي ينتهي فلاش عداد الكيلومتر وبعدين تدور
يعني تفتح الكونتاكت وتنتظر ثلاث او اربع ثواني وبعدين دور العربية وان شاء الله احتمال كبيييييييييير لو مافيش عيب عندك من العيوب اللي ذكرها الأخوة الأفاضل تتحل المشكلة ان شاء الله لأنها كانت عندي واختفت لما بدأت اعمل كده عند الدوارة
التفسير العلمي للموضوع ده انك كهربيا في لحظة فتح الكونتاكت وتدوير السيارة في نفس الوقت بيحصل عندك سحب أمبير عالي لحظي نتيجة سحب تيار كهربي من مكونات كتير في العربية في وقت واحد (طلمبة البنزين - المارش - كنترول السيارة - بوابة الانجيكشن - الموبينه - .....) وده بيعمل سقوط لحظي للجهد واللي بيخلي اتوماتيك المارش (واللي تعب من كثرة التشغيل ولم يعد بنفس كفاءة الزيرو) ما يطلعش بالقدر الكافي انه يوصل لترس الفلام ويدور المحرك
عايز أقلك اني فكيت المارش وظبطته ولم تنتهي المشكلة دي غير بعد ما اعتدت اني ادور بالطريقة اللي ذكرتها وخلي بالك ان اللي صمم السيارة بالتأكيد طالما عامل فلاش ك (check engine) يبقي المفروض ننتظر حتي ينتهي والله أعلي واعلم
انا كنت عايز اسئلك عليها اصل بفكر اشترى الموديل دهاقتباس:
المشاركة الأصلية كتبت بواسطة alptchino_name
عامله معاك ايه؟
فيها عيوب كتيره؟
هل بتتعب لحد لما تلاقى ميكانيكى محترم عشان يصلحها؟
قطع غيارها متوافره واسعارها معقوله لحد ما؟
وانت كنت شاريها بكام انا ملاحظ انها معاك من سنه وهى موديل 2001؟
بص انا مش خبره في العربيات بس شيك على الاسبراتير برده
انا كانت ما بتدورش علطول برده لقيت الفحمه بتاعت الاسبراتير متاكله جرب كده
على فكره انا كان عندى بيفوت بس لما جربت طريقتك مبقاش فى تفويت خالصاقتباس:
المشاركة الأصلية كتبت بواسطة ehab_mansour
شكرا
بولو 2001 فى تقديرى افضل وامتن من المديلات الى قبل كدة وافضل كمان من البولو عيون من ناحية الشكل والمتانة الخارجية للعربيةاقتباس:
المشاركة الأصلية كتبت بواسطة ahmed_oth
قطع الغيار موجودة وسهلة فى الصيانة لانها مش معقدة
الموتور 1000 سى سى كويس على قد حجم العربية بسى مع التكييف بيقل السحب شوية
عيوب العربية
1- المكونات الداخلية للفرش ضعيفة ما بتتناسبشى مع سمعة الفولكس
2- العربية لما تحملها 3 فى الكنبة الى ورا بتبقى واطية جدا وعاوزة تاخد بالك كويس من اى مطب حتى لو صغير
3- الغيارات مش ناعمة ووضع الدبرياش عاوز تظبط رجلك كويس علشان وهوة خشن شوية
4- العربية مش عاوزة تقرص عليها لأن موتورها ما ينفعشى تعملة عمرة لقدر الله لو خف منك
بسى أجمالا عربية ممتازة جدا افضل من الكورى الى فى نفس رنج السعر بتاعها
وهيى تعتبر افضل عربيى المانى فى رنج سعرها وموديل السنة بتاعها لأن أى نوع تانى هتلاقى فى عيوب كتيير أو السعر بيبقى اغلى بكتيير
واهم حاجة او جبتها لازم تحاول تجمع على ما تقدر معلومات عنها ولو عندك مشكلة فيها افهمها كويس علشان ما فيش ميكانيكى يبوظلك فيها حاجة
انا كنت جايبها ب 42 من سنة تقريبا
الحمد لله عقبال صاحب الموضوعاقتباس:
المشاركة الأصلية كتبت بواسطة meeg
دي مشكله فترسين احدهما او كلاهما بندكس او ترس ال فلام
pendex or flam