ياجماعة العرسه فى عربيتى بقالها اسبوع و ارفانى فى حياتى و مش عارف اعمل معاها ايه؟:I_angr1[1]::I_angr1[1]::I_angr1[1]:
عرض للطباعة
ياجماعة العرسه فى عربيتى بقالها اسبوع و ارفانى فى حياتى و مش عارف اعمل معاها ايه؟:I_angr1[1]::I_angr1[1]::I_angr1[1]:
دخلت ازاى ياباشا ممكن تففتح الاربع بيبان والمفروض انها تخرج
سد المكان اللى بتدخل منة
او فى حل تانى احد الاعضاء جربة هنا على المنتدى وقال انة تمام
جاب شيح وحة فى العربية العرسة ظفشت من عندة
بيت فيها قطة وشوف كدة"
من كلام الناس في المنتدى
شيح
وسد الفتحات عند سمكري
كان فيه عرسة عندى فى شنطة العربية اللانوس سايبة فضلاتها و عاملة رائحة فظييعة رحت لواحد سروجى جنب البيت قلتله ؛ فك فرش الشنطة الداخلى من الجنب ولقينا فتحة مستديرة ماعرفش ايه لزومها وهى اللى دخلت منها العرسة..المهم سدها بقطعة لباد ولزقها بكولة ولم أر اثرا"للعرسة بعد ذلك.......
انا لسه برضه من اسبوع شايف واحده جوه شنطة عربيتى
بروتون ويرا مسكت عصاية و فضل اخبط على كل حته فى الشنطة لحد ما لقيتها مرة واحدة نطتت من تحت العربية و جريت
المهم كان معايا ابنى عندوا 4 سنين زعلان منى علشان بيقولى بتضربها ليه انا عاوز العب معاها :)
حطلها سم
هو الشيح اللي هيطفشها
انت تنظف الشنطة كويس من فضلاتها وبعد كدا ترشق في كل حتة في شنطة العربية شيح وتجيبوا من عند العطار بحوالي 3 ج وتحاول تسد فتحة التهوية بتاعة الشنطة
الشيح تمام ونتيجته فعاله
متشكرا جدا ياجماعة على الردود
انا اللي بيحكوا علية بتاع الشيح
بص يا بيه... بجنيه شيح... وخرقة قديمة... مربعات قماش صغيرة... شيح ف كل واحد... لفة زي البقجة الصغيرة.. واحدة في الكبوت.. واحدة في الصالون تحت اي كرسي بدبوس عشان ميبنش.. واحدة في الشنطة... وودع العرس نهائياً
يصلح ايضاً للثعابين على فكرة... انا هعمل موضوع مخصوص عن الموضوع ده ويا ريت يتثبت ههههه
الله ينور على صاحب المشاركة الأصلية وعلى الردود
بصراحة أنا كان عندي عرسة ومجنناني كل يوم ألاقيها عاملة مخلفاتها في الصالون وماقولوكوش على الريحة وكنت محرج أتكلم عن الموضوع لغاية ما رحلت أو ماتت ألله أعلم بس سديت كل الفتحات
متشكر يا رجاله على المشاركة
انا كمان عندي نفس المشكلة والصبح القيها نايمة علي الكنبة ولا كانها نايمة في بيتهم وبتجيب بواقي الاكل وترميها في الصالون بنت التيت هجرب موضوع الشيح دة وربنا يسهل
فعلا مشكلة بسبب إمكانيتها في الدخول من أضيق الفتحات ولكن أعتقد الشيح نتيجته كويسة وطبعا إقفال الفتحات قدر المستطاع
ممكن بس توضيح لمكان فتحة الشنطة فى اللانسر البومة؟
جيب فلفل اسود او شيح
ايه الشيح ده اصلا !!! وممكن حد يحطه احتياطى عشان مش فيه حاجه تدخل ؟؟
إمبارح بس
العربية واقفة قدام الصيدلية...واحد زبون داخل
بيقولي يادكتور ...إنت سايب الكلب الصغير في العربية ..هيوسخ الفرش كده
طلعت أبص
كلب ؟؟؟؟؟؟؟؟؟؟؟؟؟؟؟؟
أبص ألاقي العرسة ملفوفة على نفسها ..ونايمة على السماعات الي ورا
الراجل شافها في الضلمة ..إفتكرها كلب صغير
ههههههههههههههههههههههههه ههههههه
فتحت الباب
ورزعته
راحت نازله جوه الصالون
خبطت على الكبوت
لقيتها نازلة من تحت الفردة الشمال إلي ورا..أو اليمين
المهم إنها نزلت من ورا
ههههههههههههههههههههه
أنا شكيت..قولت العربية مخرومة ولا إيه؟؟
بس واضح إن الانسر فيها فتحات محدش بيعرفها إلا العرسة
ههههههههههههههههههههههههه هههههههه
بجد ضحكتني يا دكتورنا
اللي يسترها بجد
اذا اللانسر فيها فتحات على كده الماروتي يبقى فيها ايه؟؟؟
ملعب جولف مسمع عالشارع؟؟
ههههههههههههههههههههههه
ربنا يسترها
حاولو تشوفو حل جماعي وربنا يحفظنا كلنا من الحاجات دي
تحياتي
هههههههههههههههه
هوا انا من الناحية دي مطمن شويه لان العرسه بتخاف من البني آدم جدا
ههههههههههه
انا فاكر عربية والدي في السعودية قطه قعدت في الكبوت والوالد عمال يهشها ومش عايزه تنزل وهوا خايف عليها
تقريبا كانت حامل ولقت العربية دافيه ودخلت قعدت تتدفى
مش عارف بابا شافها ازاي بس الحمد لله نزلت في الآخر بعد اما جاب عضايه وزقها بيها
ههههههههههههههههههههههه
مش فاكر التفاصيل بالظبط بس ده حصل معاه
عربية بابا كانت مرسيدس
ومره اخويا لقا قطه كبيره
دخلت ازاي الله اعلم
لكن هوا كان قبلها بيشتغل في العربية فممكن كان ياب الباب فدخلت
ومنساش مره في بيت اخويا برضو وهوا بحكي بقاله كذا يوم حاسس ان في حاجه في البيت
واذ فجأة نكتشف قطه وياحرام برضو كانت حامل وجوه في اوضة النوم تحت السرير وكان يوم عظيم عشان نطلعها لدرجة ان ابن جيراننا في المدرسه بيقولي انتو الصبح كنتو بتلعبو كوره في البيت
ههههههههههههههههههههههههه هههههههههههههههههههه
كل الاحداث العظيمه دي حصلت في السعوديه
ومنساش برضو هناك كانت اول مره اشوف قنفذ
هههههههههههه
كنت بلف حوالين العماره وشفت حاجه بنيه مليانه شوك قلت مستحيل يكون قنفذ
رحت جبت ميه ودلقتها عليه
راح طالع وقعد يمشي وياااااااااااااااه
فكرتني بحاجات يا احمد باشا حسيت اني كبرت قوي
ههههههههههههههههههههههههه ههههههههههه
تحياتي ياباشا
كويس ياداكترة إني فكرت بحاجات تبسطك
الواحد لما يفتكر ذكرى حلوة ....بيفتكر معاها إنها كانت من كاااااام سنة
ويبص لصورة القديمة ..وصوره الجديدة
يعرف إنه كبر ..وماكانش واخد باله
موضوع مفيد جدا ممكن الواحد يحط شيح تحسبا لاى شىء
ده اللى انا فعلا عملته احتياطى بردو حطيت شيح فى اماكن متفرقة فى العربية
انا جبت الشيح و وزعتوه فى العربية و العرسة طفشت و الحمد لله
عارفيين
عمالي اتخيل شكل العرسه كده وهيا جايه تدخل العربية ولسا بتمد راسها واذ بيها بتشم ريحة الشيح (اللي بالنسبالها اكيد ريحه مش بتحبها خالص)
ههههههههههههههههههههههههه هه
وتلاقيه بتقول
اوووووووووووووه نووووووووووووووووووووو
اف اف اف
كح كح كح
واي واي واي
وتبدأ تقول يعععععععععع
ليه كدع بس هوا انا عملت ايه ياربي
ههههههههههههههههههههههههه ههههههههههههههههههههههههه ه
مجرد تخيلات
ههههههههههههههههههههههههه ه
تحياتي
لأ انا اللي جنني في مره بركن العربيه في الجراج وواحد صحبي معايا لاقيته فجاه بيجري بقوله في ايه
قالي تعبان تحت العربيه حلفت ما انا نازل غير لما يموتوه
ببص لقيت السايس بيقولي ده ميت اساسا
قولتله ومين قالك اني خايف
ببص لقيته طوله متر و عرضه اد مواسير الباكم